അടിമാലി: ബ്ലോക്ക് പഞ്ചായത്ത് പ്രസിഡൻറ് പദം ഒഴിഞ്ഞ് 'വീട്ടിൽ കയറിയ' ബൈസൺവാലിക്കാരി വനിത നേതാവ് വീണ്ടും സീറ്റ് കിട്ടി വന്നപ്പോൾ പാർട്ടി ഓഫിസ് 'കാണാനില്ല'. അടിമാലിയിലാണ് സംഭവം.
സീറ്റ് തനിക്ക് വന്നുവീണതോടെ ചിഹ്നം മേടിക്കാൻ വന്നതായിരുന്നു വനിത. നാളുകൾക്കുശേഷം നേതാക്കളെ കാണാനും സൗഹൃദം പുതുക്കാനും ലക്ഷ്യമിട്ട് കൂടിയായിരുന്നു വരവ്.
പഴയ ഓർമവെച്ച് മൂന്നാർ റോഡിലെത്തി കോൺഗ്രസ് ഓഫിസ് അന്വേഷിച്ചെങ്കിലും പൂട്ടിയ നിലയിൽ. ബോർഡും കാണാനില്ല. രണ്ടുവർഷം മുമ്പ് ഒാഫിസ് മാറ്റിയ കാര്യം അറിയാതെയായിരുന്നു ബൈസൺവാലിയിൽ ബ്ലോക്ക് പഞ്ചായത്ത് ഡിവിഷനിൽ മത്സരിക്കുന്ന വനിതയുടെ ഓഫിസ് അന്വേഷണം.
ടാക്സി വിളിച്ച് ഓഫിസിലേക്ക് പോകാൻ ശ്രമിച്ചത് ശ്രദ്ധയിൽപെട്ട ചിലർ 100 മീറ്റർ മാത്രം അകലെയാണ് ഓഫിസെന്ന് ചൂണ്ടിക്കാട്ടിയപ്പോഴാണ് അമളിപിണഞ്ഞെന്ന് വനിത നേതാവിനു പിടികിട്ടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.