തൊടുപുഴ: ഇടുക്കി ജില്ല പഞ്ചായത്ത് പൈനാവ് ഡിവിഷനിൽ കോൺഗ്രസിെൻറ ഡമ്മി സ്ഥാനാർഥി ഔദ്യോഗിക സ്ഥാനാർഥിയായി മാറി.
ഡമ്മി സ്ഥാനാർഥിയായി പത്രിക നൽകിയിരുന്ന വിനയവർധൻ ഘോഷാണ് കോൺഗ്രസിെൻറ ഔദ്യോഗിക സ്ഥാനാർഥിയായത്. പട്ടികജാതി സംവരണ വാർഡായ പൈനാവ് ഡിവിഷനിലേക്കു മുൻ ജില്ല പഞ്ചായത്ത് അംഗവും നെടുങ്കണ്ടം പഞ്ചായത്ത് പ്രസിഡൻറുമായിരുന്ന ജ്ഞാന സുന്ദരത്തെയാണ് കോൺഗ്രസ് ഔദ്യോഗിക സ്ഥാനാർഥിയായി നിശ്ചയിച്ചിരുന്നത്.
ഇദ്ദേഹം പത്രിക നൽകുകയും ചെയ്തിരുന്നു. എന്നാൽ, തനിക്ക് ആരോഗ്യപ്രശ്നങ്ങൾ ഉള്ളതിനാൽ മത്സരത്തിൽനിന്ന് ഒഴിവാക്കണം എന്ന് പാർട്ടി നേതൃത്വത്തോട് ആവശ്യപ്പെടുകയായിരുന്നുവെന്ന് ജഞാനസുന്ദരം പറഞ്ഞു. തുടർന്നാണ് ഡമ്മി സ്ഥാനാർഥിയെ ഔദ്യോഗിക സ്ഥാനാർഥിയായി കോൺഗ്രസ് നേതൃത്വം തീരുമാനിച്ചത്.
മുട്ടം മാത്തപ്പാറ സ്വദേശിയായ വിനയവർധൻ ഘോഷ് എം.ജി യൂനിവേഴ്സിറ്റി യൂനിയൻ മുൻ കൗൺസിലറുമാണ്. പെയിൻറിങ് തൊഴിലാളിയായ വിനയവർധൻ കെ.എസ്.യു മുൻ ജില്ല സെക്രട്ടറിയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.