തൊടുപുഴ: കരാട്ടേയിലും ബോക്സിങ്ങിലും റീനു പുലിയാണ്. ഇതിലെല്ലാം റീനു എതിരാളികളെ മലർത്തിയടിക്കും. തെരഞ്ഞെടുപ്പ് ഗോദയിലേക്കിറങ്ങുേമ്പാഴും ഈ ആത്മവിശ്വാസമാണ് മുതൽക്കൂട്ട്. കരിമണ്ണൂർ ഡിവിഷനിൽനിന്ന് ഇടുക്കി ജില്ല പഞ്ചായത്തിലേക്ക് മത്സരിക്കുന്ന എൽ.ഡി.എഫ് സ്ഥാനാർഥി റീനു ജെഫിനാണ് ആയോധനകല നൽകിയ ആത്മവിശ്വാസത്തിൽ മത്സരിക്കാനിറങ്ങുന്നത്.
റീനു ജെഫിൻ ഒന്നാംക്ലാസ് മുതൽ കരാട്ടേ പഠിക്കുന്നുണ്ട്. 2012 ബ്ലാക്ക് ബെൽറ്റ് കിട്ടി. അന്ന് മുതൽ നിരവധിപേരെ പരിശീലിപ്പിക്കുന്നുമുണ്ട്. കന്നിയങ്കത്തിനാണ് ഇറങ്ങുന്നതെങ്കിലും ആത്മവിശ്വാസത്തോടെയാണ് മത്സരത്തെ നേരിടുന്നത്. കേരള കോൺഗ്രസ് എം പ്രതിനിധിയായാണ് റീനു മത്സരിക്കുന്നത്. കോടതി വിധിയിലൂടെ പാർട്ടി ചിഹ്നമായ രണ്ടില തിരികെ കിട്ടിയതിെൻറ സന്തോഷവും 25കാരി പങ്കുവെച്ചു.
യൂത്ത് ഫ്രണ്ട് എം ജില്ല സെക്രട്ടറി ജെഫിൻ കെ.അഗസ്റ്റിനാണ് ഭർത്താവ്. രണ്ടര വയസ്സുകാരി അന്ന റോസ് മകളാണ്. അതേസമയം റീനുവിെൻറ തെരഞ്ഞെടുപ്പ് പഞ്ചുകൾ ബ്ലോക്ക് ചെയ്യാനുള്ള നീക്കങ്ങളുമായി എതിരാളികളും സജീവമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.