ശശി
നെടുങ്കണ്ടം: മാവടിയിൽ ഏലത്തോട്ടത്തിൽ അനധികൃത മദ്യവിൽപന നടത്തിയയാളെ പിടികൂടി. മാവടി വാരിക്കാട്ട് ശശിയാണ് (61) പിടിയിലായത്. 14 ലിറ്റർ മദ്യവും 1250 രൂപയും കണ്ടെടുത്തു. അര ലിറ്ററിന് 700 രൂപ നിരക്കിൽ വിൽക്കാൻ സൂക്ഷിച്ചതായിരുന്നു. ശശിയുടെ വീടിനോട് ചേർന്നുള്ള ഏലച്ചെടികൾക്കിടയിൽ മണ്ണിൽ കുഴിച്ചിട്ടിരുന്ന മദ്യമാണ് കണ്ടെത്തിയത്.
ലോക്സഭ തെരഞ്ഞെടുപ്പിനോടനുബന്ധിച്ച് എക്സൈസ് വകുപ്പിന്‍റെ സ്പെഷൽ ഡ്രൈവിന്‍റെ ഭാഗമായി ഉടുമ്പഞ്ചോല റേഞ്ച് സംഘം നടത്തിയ പരിശോധനക്കിടയിൽ ലഭിച്ച രഹസ്യവിവരത്തെത്തുടർന്ന് നടത്തിയ പരിശോധനയിലാണ് മദ്യം പിടികൂടിയത്. എക്സൈസ് ഇൻസ്പെക്ടർ കെ വിനോദിന്‍റെ നേതൃത്വത്തിൽ നടത്തിയ റെയ്ഡിൽ അസി. ഇൻസ്പെക്ടർ (ഗ്രേഡ്) പി.ജി രാധാകൃഷ്ണൻ, പ്രിവന്‍റിവ് ഓഫിസർമാരായ നൗഷാദ് എം, മീരാൻ കെ.എസ്, സിവിൽ എക്സൈസ് ഓഫിസർമാരായ സോണി തോമസ്‌, മായ, ഡ്രൈവർ ബിലേഷ് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.