ഡയാലിസിസ് യൂനിറ്റ് അനുവദിക്കൂ... രോഗികളെ രക്ഷിക്കൂ

നെ​ടു​ങ്ക​ണ്ടം: ഹൈ​റേ​ഞ്ച് മേ​ഖ​ല​ക​ളി​ലെ സ​ര്‍ക്കാ​ര്‍ ആ​ശു​പ​ത്രി​ക​ളി​ല്‍ ഡ​യാ​ലി​സി​സ് സം​വി​ധാ​നം ഇ​ല്ലാ​ത്ത​തി​നാ​ല്‍ വൃ​ക്ക​രോ​ഗി​ക​ള്‍ ദു​രി​ത​ത്തി​ൽ. കു​ട്ടി​ക​ള്‍ മു​ത​ല്‍ വ​യോ​ധി​ക​ര്‍ വ​രെ വൃ​ക്ക​രോ​ഗി​ക​ളാ​ണ്. 20 ശ​ത​മാ​ന​ത്തി​ല​ധി​കം പേ​രി​ലും ക്രി​യാ​റ്റി​ന്റെ അ​ള​വ് കൂ​ടു​ത​ല്‍ കാ​ണു​ന്ന​തി​നാ​ല്‍ വൃ​ക്ക​രോ​ഗി​ക​ളു​ടെ എ​ണ്ണം കൂ​ടു​ന്ന​താ​യി പ​ഠ​ന​ങ്ങ​ൾ വ്യ​ക്ത​മാ​ക്കു​ന്നു.

ഉ​ടു​മ്പ​ന്‍ചോ​ല താ​ലൂ​ക്ക് ആ​ശു​പ​ത്രി​യി​ല്‍ ഫെ​ബ്രു​വ​രി മൂ​ന്നി​ന് കൊ​ട്ടി​ഘോ​ഷി​ച്ച് എം.​എം. മ​ണി എം.​എ​ല്‍.​എ ഉ​ദ്ഘാ​ട​നം ന​ട​ത്തി പോ​യ​തി​നു പി​ന്നാ​ലെ ഡ​യാ​ലി​സി​സ്​ സൗ​ക​ര്യം അ​ട​ച്ചു​പൂ​ട്ടു​ക​യാ​യി​രു​ന്നു. ജീ​വ​ന​ക്കാ​ര്‍ക്ക് ശ​മ്പ​ളം ന​ല്‍കാ​ന്‍ ആ​രോ​ഗ്യ വ​കു​പ്പ് അ​നു​മ​തി ന​ല്‍കാ​ത്ത​താ​ണ് സെ​ന്റ​ര്‍ പൂ​ട്ടാ​ന്‍ കാ​ര​ണം. ഡോ​ക്ട​ര്‍, ലാ​ബ് ടെ​ക്‌​നീ​ഷ​ന്‍സ്, സ്റ്റാ​ഫ് ന​ഴ്‌​സ് തു​ട​ങ്ങി അ​ഞ്ചു ൃപേ​ര്‍ക്ക് ശ​മ്പ​ളം ന​ല്‍ക​ണം. അ​തി​നു​ള്ള ആ​രോ​ഗ്യ വ​കു​പ്പി​ന്റെ അ​നു​മ​തി​ക്കാ​യി അ​പേ​ക്ഷ ന​ല്‍കി കാ​ത്തി​രി​ക്കു​ക​യാ​ണ് നെ​ടു​ങ്ക​ണ്ടം ബ്ലോ​ക്ക്​ പ​ഞ്ചാ​യ​ത്ത്.

നാ​ല് ഡ​യാ​ലി​സി​സ് യൂ​നി​റ്റും നാ​ല് ബ​ഡു​ക​ളു​മാ​ണ് ക്ര​മീ​ക​രി​ച്ച​ത്. യൂ​നി​റ്റി​ല്‍ എ​ട്ടു​പേ​ര്‍ക്ക് ര​ണ്ട് ഘ​ട്ട​ങ്ങ​ളി​ലാ​യി ഡ​യാ​ലി​സി​സ് ചെ​യ്യാ​നു​ള്ള സൗ​ക​ര്യ​മാ​യി​രു​ന്നു സ​ജ്ജ​മാ​ക്കി​യി​രു​ന്ന​ത്. സ​ത്യ​സാ​യി ഓ​ര്‍ഫ​നേ​ജ് ട്ര​സ്റ്റും കൊ​ച്ചൗ​സേ​ഫ്​ ചി​റ്റി​ല​പ്പ​ള്ളി ഫൗ​ണ്ടേ​ഷ​ന്റെ​യും സ​ഹ​ക​ര​ണ​ത്തോ​ടെ​യാ​യി​രു​ന്നു യൂ​നി​റ്റ് സ​ജ്ജീ​ക​രി​ച്ചി​രു​ന്ന​ത്. സാ​യി ഫൗ​ണ്ടേ​ഷ​നും ഇ​പ്പോ​ള്‍ സ​ഹ​ക​രി​ക്കു​ന്നി​ല്ല.

സം​സ്ഥാ​ന​ത്തെ ഒ​രു ബ്ലോ​ക്ക് പ​ഞ്ചാ​യ​ത്തി​ന് മാ​ത്ര​മാ​യി ഡ​യാ​ലി​സി​സ് സെ​ന്റ​ര്‍ അ​നു​വ​ദി​ക്കാ​ന്‍ സ​ര്‍ക്കാ​റി​ന് ക​ഴി​യി​ല്ലെ​ന്ന​തും പ്ര​തി​സ​ന്ധി സൃ​ഷി​ടി​ക്കു​ന്നു​ണ്ട്. നെ​ടു​ങ്ക​ണ്ടം താ​ലൂ​ക്ക് ആ​ശു​പ​ത്രി ജി​ല്ല ആ​ശു​പ​ത്രി​യാ​യി ഉ​യ​ര്‍ത്തു​മ്പോ​ഴേ​ക്കും ഡ​യാ​ലി​സി​സി​ന് മാ​ത്ര​മാ​യി നെ​ടു​ങ്ക​ണ്ട​ത്തേ​ക്ക് 30 ബ​ഡു​ക​ളാ​ണ് അ​നു​വ​ദി​ച്ചി​ട്ടു​ള്ള​ത്. ഗ​വ. ആ​ശു​പ​ത്രി​ക​ളി​ല്‍ ഡ​യാ​ലി​സി​സ് സൗ​ക​ര്യം ഇ​ല്ലാ​ത്ത​തി​നാ​ല്‍ ദു​രി​ത​ത്തി​ലാ​കു​ന്ന​ത് നി​ര​വ​ധി വൃ​ക്ക രോ​ഗി​ക​ളാ​ണ്.

ഉ​ടു​മ്പ​ന്‍ചോ​ല താ​ലൂ​ക്കി​ല്‍ ആ​ഴ്ച​യി​ല്‍ ര​ണ്ടു​ത​വ​ണ ഡ​യാ​ലി​സി​സ് ചെ​യ്യേ​ണ്ട നിരവധി രോ​ഗി​ക​ളു​മു​ണ്ട്. ഇ​വ​രെ​ല്ലാം ഇ​പ്പോ​ള്‍ ആ​ശ്ര​യി​ക്കു​ന്ന​ത് അ​ടി​മാ​ലി​യി​ലെ​യും തൊ​ടു​പു​ഴ​യി​ലെ​യും ആ​ശു​പ​ത്രി​ക​ളെ​യാ​ണ്.

ചി​ല സ്വ​കാ​ര്യ ആ​ശു​പ​ത്രി​ക​ളി​ല്‍ ഡ​യാ​ലി​സി​സ് സൗ​ക​ര്യം ഉ​ണ്ടെ​ങ്കി​ലും നി​ര്‍ധ​ന​ രോ​ഗി​ക​ള്‍ക്ക് ചെ​ല​വ് താ​ങ്ങാ​നാ​വു​ന്ന​ത​ല്ല. റോ​ട്ട​റി ക്ല​ബ് ഉ​ടു​മ്പ​ന്‍ചോ​ല ആ​രോ​ഗ്യ കേ​ന്ദ്ര​ത്തി​ന് ഡ​യാ​ലി​സി​സ് യൂ​നി​റ്റ് അ​നു​വ​ദി​ച്ചെ​ങ്കി​ലും പ്ര​വ​ര്‍ത്തി​പ്പി​ക്കാ​ന്‍ ചി​ല​ര്‍ അ​നു​വ​ച്ചി​ല്ലെ​ന്നാ​ണ് പ​റ​യു​ന്ന​ത്.