ഡി.ടി.പി.സിയിൽനിന്ന്​ ജീവനക്കാരെ പിരിച്ചുവിട്ട നടപടി ഹൈകോടതി തടഞ്ഞു

ക​ണ്ണൂ​ർ: ഡി.​ടി.​പി.​സി​യി​ൽ​നി​ന്ന്​ ര​ണ്ടു​ ജീ​വ​ന​ക്കാ​രെ പി​രി​ച്ചു​വി​ട്ട ന​ട​പ​ടി ഹൈ​കോ​ട​തി ഡി​വി​ഷ​ൻ ബെ​ഞ്ച് ത​ട​ഞ്ഞ്​ ഉ​ത്ത​ര​വാ​യി. കെ. ​സു​ധാ​ക​ര​ൻ എം.​പി​യു​ടെ ബ​ന്ധു​വാ​യ രാ​ഗി​ണി ദി​ലീ​പ്, കെ.​പി. അ​നു എ​ന്നീ ജീ​വ​ന​ക്കാ​രെ പി​രി​ച്ചു​വി​ട്ട ന​ട​പ​ടി​യാ​ണ്​ ത​ട​ഞ്ഞ​ത്.

2013 ഫെ​ബ്രു​വ​രി​യി​ൽ ഡി.​ടി.​പി.​സി​യി​ൽ ദി​വ​സ​വേ​ത​ന​ത്തി​ലാ​യി​രു​ന്നു ഇ​വ​രെ നി​യ​മി​ച്ച​ത്. 2015 മു​ത​ൽ അ​ന്ന​ത്തെ ജി​ല്ല ക​ല​ക്ട​ർ ചെ​യ​ർ​മാ​നാ​യ ഡി.​ടി.​പി.​സി​യു​ടെ​യും എ​ക്സി​ക്യൂ​ട്ടി​വ് ക​മ്മി​റ്റി​യു​ടെ​യും അം​ഗീ​കാ​ര​ത്തോ​ടെ നി​യ​മ​നം സ്​​ഥി​ര​പ്പെ​ടു​ത്തി. എ​ന്നാ​ൽ, ഈ ​നി​യ​മ​നം വി​ജി​ല​ൻ​സ് റി​പ്പോ​ർ​ട്ട്‌ പ്ര​കാ​രം അ​ന്ന​ത്തെ സെ​ക്ര​ട്ട​റി സ​ജി വ​ർ​ഗീ​സ് അ​ന​ധി​കൃ​ത​മാ​യി ന​ട​ത്തി​യെ​ന്നാ​യി​രു​ന്നു ആ​രോ​പ​ണം. സ​ർ​ട്ടി​ഫി​ക്ക​റ്റ് എ​ല്ലാം ഹാ​ജ​രാ​ക്കി​യ ശേ​ഷ​മാ​ണ്​ ജോ​ലി​ക്ക് ഹാ​ജ​രാ​യ​തെ​ങ്കി​ലും മാ​ന​ദ​ണ്ഡം പാ​ലി​ച്ചി​ല്ല എ​ന്ന വി​ജി​ല​ൻ​സ് റി​പ്പോ​ർ​ട്ടി​െൻറ അ​ടി​സ്​​ഥാ​ന​ത്തി​ൽ വി​നോ​ദ​സ​ഞ്ചാ​ര​വ​കു​പ്പ് പി​രി​ച്ചു​വി​ടാ​ൻ ഉ​ത്ത​ര​വ് ഇ​റ​ക്കി. ഇ​തി​നെ​തി​രെ ഹൈ​കോ​ട​തി​യി​ൽ ന​ൽ​കി​യ ഹ​ര​ജി​യി​ൽ കോ​ട​തി എ​ക്സി​ക്യൂ​ട്ടി​വ് ക​മ്മി​റ്റി​യോ​ട് തീ​രു​മാ​ന​മെ​ടു​ക്കാ​ൻ ആ​വ​ശ്യ​പ്പെ​ട്ടു. അ​തു​പ്ര​കാ​രം ക​മ്മി​റ്റി പി​രി​ച്ചു​വി​ട്ട്​ ഉ​ത്ത​ര​വ് ഇ​റ​ക്കി.

അ​തി​നെ​തി​രെ ഹൈ​കോ​ട​തി ഡി​വി​ഷ​ൻ ബെ​ഞ്ചി​ൽ അ​പ്പീ​ൽ ഫ​യ​ൽ ചെ​യ്തു. അ​പ്പീ​ൽ കോ​ട​തി​യു​ടെ പ​രി​ഗ​ണ​യി​ൽ ഉ​ള്ള​പ്പോ​ൾ ത​ന്നെ ജി​ല്ല ക​ല​ക്ട​ർ ഇ​രു​വ​രെ​യും പി​രി​ച്ചു​വി​ട്ട്​ ഉ​ത്ത​ര​വ്​ പു​റ​പ്പെ​ടു​വി​ച്ചു. ഈ ​ന​ട​പ​ടി​യാ​ണ്​ ഇ​പ്പോ​ൾ ത​ട​ഞ്ഞ​ത്.