സുബിത്ത്
ഇരിട്ടി: നിരവധി ക്രിമിനൽ കേസിൽ പ്രതിയായ യുവാവിനെ കാപ്പചുമത്തി അറസ്റ്റ് ചെയ്ത് ജയിലിലടച്ചു. കോളിക്കടവിലെ അത്തോളി ഹൗസിൽ സുബിത്തിനെയാണ് (34) ഇരിട്ടി പ്രിൻസിപ്പൽ എസ്.ഐ എം.പി. ഷാജി കാപ്പ നിയമപ്രകാരം അറസ്റ്റ് ചെയ്തത്.
കഴിഞ്ഞ സെപ്റ്റംബറിൽ കോളിക്കടവിലെ കള്ളുഷാപ്പിൽ അതിക്രമിച്ചുകയറി ജീവനക്കാരെ ആക്രമിക്കുകയും അടിച്ചുതകർക്കുകയും ചെയ്ത കേസുൾപ്പെടെ പന്ത്രണ്ടോളം കേസുകളിൽ പ്രതിയാണ് ഇയാളെന്ന് പൊലീസ് അറിയിച്ചു.
കള്ളുഷാപ്പ് ആക്രമണക്കേസിൽ റിമാൻഡിലായ ഇയാൾ ദിവസങ്ങൾക്ക് മുമ്പാണ് ജാമ്യം ലഭിച്ചതിനെ തുടർന്ന് ജയിലിൽനിന്ന് പുറത്തിറങ്ങിയത്. പിന്നാലെ ഇരിട്ടി പൊലീസ് കാപ്പ നിയമം ചുമത്തി അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ ഇയാളെ 14 ദിവസത്തേക്ക് റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.