പ്രനീഷ്
ശ്രീകണ്ഠപുരം: മയ്യിൽ കുറ്റ്യാട്ടൂരിൽ ഉത്സവാഘോഷത്തിനിടയില്‍ പൊലീസുകാരെ കൈയേറ്റം ചെയ്ത യുവാവിനെ അറസ്റ്റ് ചെയ്തു. മയ്യിൽ എട്ടേയാര്‍ സ്വദേശി കുന്നുമ്മല്‍ ഹൗസില്‍ പ്രനീഷ് (31)നെയാണ് മയ്യിൽ എസ്.എച്ച്.ഒ ഇൻസ്പെക്ടർ ടി.പി സുമേഷ് അറസ്റ്റ് ചെയ്തത്.
കുറ്റ്യാട്ടൂര്‍ കൂറുമ്പക്കാവിലെ ഉത്സവാഘോഷത്തിനിടയിലായിരുന്നു കേസിനാസ്പദമായ സംഭവം. ഞായറാഴ്ച പുലര്‍ച്ചെ ഒരു മണിയോടെ കാവിലേക്ക് കലശ ഘോഷയാത്ര പ്രവേശിക്കവെ പ്രനീഷ് മദ്യലഹരിയില്‍ കലശത്തിനുനേരെ മോശമായി പെരുമാറിയത്രെ. പൊലീസ് ഇടപെട്ട് പിന്തിരിപ്പിക്കാന്‍ ശ്രമിക്കുന്നതിനിടയില്‍ പൊലീസുകാരെ ആക്രമിച്ച് കൃത്യനിർവഹണം തടസ്സപ്പെടുത്തുകയായിരുന്നു.
പിന്നീട് കൂടുതല്‍ പൊലീസുകാരെത്തിയാണ് പ്രനീഷിനെ കീഴ്‌പ്പെടുത്തി കസ്റ്റഡിയിലെടുത്തത്. എസ്.ഐ എ.പി. ചന്ദ്രന്‍, എ.എസ്.ഐമാരായ മനു, പ്രദീപന്‍, രാജീവന്‍, സി.പി.ഒമാരായ വിജില്‍, ഫാസില്‍, പ്രതീഷ്, ജിനീഷ് എന്നിവരും പ്രനീഷിനെ പിടികൂടിയ സംഘത്തിലുണ്ടായിരുന്നു. പ്രതിയെ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.