ചെർക്കള ദേശീയപാത തകർച്ച; ഗതാഗത സ്തംഭനത്തിന് പരിഹാരമായില്ല

ചെ​ർ​ക്ക​ള: ചെ​ർ​ക്ക​ള​യി​ൽ മ​ണ്ണി​ടി​ഞ്ഞ് ദേ​ശീ​യ​പാ​ത​വ​ഴി​യു​ള്ള വ​ലി​യ വാ​ഹ​ന​ങ്ങ​ളു​ടെ ഗ​താ​ഗ​ത​മു​ട​ക്കം തു​ട​രു​ന്നു. ഗ​താ​ഗ​തം മു​ട​ങ്ങി ഒ​രാ​ഴ്ച പി​ന്നി​ട്ടി​ട്ടും മ​ണ്ണി​ടി​ഞ്ഞു​ള്ള അ​പ​ക​ടാ​വ​സ്ഥ പ​രി​ഹ​രി​ക്കാ​ൻ ദേ​ശീ​യ​പാ​ത അ​ധി​കൃ​ത​ർ​ക്ക് സാ​ധി​ച്ചി​ട്ടി​ല്ല. അ​ശാ​സ്ത്രീ​മാ​യ നി​ർ​മാ​ണ പ്ര​വൃ​ത്തി​ക്കെ​തി​രെ ക​ർ​മ​സ​മി​തി ദേ​ശി​യ​പാ​ത നി​ർ​മാ​ണം ത​ട​ഞ്ഞ് പ്ര​തി​ഷേ​ധം ക​ടു​പ്പി​ച്ചി​രി​ക്കു​ക​യാ​ണ്.

നി​ർ​മാ​ണ ക​മ്പ​നി​ക്കാ​രു​ടെ അ​ശാ​സ്ത്രീ​യ സ​മീ​പ​ന​മാ​ണ് ഇ​തി​നു​കാ​ര​ണ​മെ​ന്ന് ക​ർ​മ​സ​മി​തി ആ​രോ​പി​ക്കു​ന്നു. പു​തി​യ മേ​ൽ​പാ​ലം ക​ട​ന്നു​പോ​കു​ന്ന​ത് പ​ഴ​യ​പാ​ത​ക്ക് പു​റ​ത്തു​കൂ​ടി കു​ന്നി​ൻ ചെ​രി​വി​ലൂ​ടെ​യാ​ണ്. ഈ ​സ​ങ്കീ​ർ​ണ​ത ഒ​ഴി​വാ​ക്കി​കൊ​ണ്ടാ​ണ് ആ​ദ്യ അ​ലൈ​ൻ​മെ​ന്റ് ഉ​ണ്ടാ​ക്കി​യ​ത്. അ​തു​പ്ര​കാ​രം മേ​ൽ​പാ​ലം ഇ​ന്ദി​ര​ന​ഗ​റി​ൽ​നി​ന്ന് തു​ട​ങ്ങാ​നാ​യി​രു​ന്നു നി​ർ​ദേ​ശം. അ​വി​ടെ​നി​ന്ന് പാ​ലം​ വ​ള​ഞ്ഞു​വ​ന്നി​രു​ന്നു​വെ​ങ്കി​ൽ സ​ങ്കീ​ർ​ണ​മാ​കാ​തെ മ​ണ്ണു​നീ​ക്കം ചെ​യ്ത് പാ​ലം നി​ർ​മി​ച്ചാ​ൽ മ​തി​യാ​യി​രു​ന്നു.

പ്ര​സ്തു​ത അ​ലൈ​ൻ​മെ​ന്റ് മാ​റ്റി പാ​ലം നി​ർ​മാ​ണ ക​മ്പ​നി​യു​ടെ താ​ൽ​പ​ര്യാ​ർ​ഥം ചെ​ർ​ക്ക​ള ടൗ​ണി​നോ​ടു​ചേ​ർ​ന്നു​ള്ള പ​ഞ്ചാ​യ​ത്ത് ഓ​ഫി​സി​ന്റെ മു​ന്നി​ൽ​നി​ന്ന് ആ​രം​ഭി​ച്ചു. ഇ​ത് ചെ​ർ​ക്ക​ള ഹ​യ​ർ​സെ​ക്ക​ൻ​ഡ​റി സ്കൂ​ൾ, പ​ഞ്ചാ​യ​ത്ത് ഓ​ഫി​സ്, ചെ​ർ​ക്ക​ള മാ​ർ​ത്തോ​മ ബ​ധി​ര വി​ദ്യാ​ല​യം എ​ന്നി​വി​ടങ്ങ​ളി​ലേ​ക്കു​ള്ള വ​ഴി​യും ദു​ർ​ഘ​ട​മാ​ക്കി. നി​ർ​മാ​ണം തു​ട​ങ്ങി​യ​പ്പോ​ഴാ​ണ് മേ​ൽ​പാ​ല​ത്തി​​ന്റെ ഉ​യ​രം കു​റ​ഞ്ഞ കാ​ര്യം അ​റി​യു​ന്ന​ത്.

ഇ​ത് പ​രി​ഹ​രി​ക്കാ​ൻ നി​ലം കു​ഴി​ക്കാ​ൻ തു​ട​ങ്ങി. ഇ​ത് ടൗ​ണി​ലെ ഓ​വു​ചാ​ൽ സം​വി​ധാ​നം താ​റു​മാ​റാ​ക്കി. ഇ​തി​ന്റെ പി​ന്നാ​ലെ​യാ​ണ് മ​ണ്ണി​ടി​ഞ്ഞ് ഗ​താ​ഗ​തം മു​ട​ങ്ങി​യ​ത്. റോ​ഡ് ഇ​ടി​ഞ്ഞ് താ​ഴേ​ക്കും പോ​യി. കു​ന്നി​ടി​ഞ്ഞ് റോ​ഡി​ലേ​ക്കും വീ​ണു. 15 മീ​റ്റ​റോ​ളം താ​ഴ്ച​യി​ലാ​ണ് റോ​ഡ് ഇ​ടി​ഞ്ഞ​ത്.

ദേ​ശീ​യ​പാ​ത​യു​ടെ താ​ഴേ​ക്കു​ള്ള മ​ണ്ണാ​ണ് ഇ​ടി​ഞ്ഞ​ത്. ഇ​തു​കാ​ര​ണം മു​ക​ളി​ലൂ​ടെ വ​ലി​യ​വാ​ഹ​ന​ങ്ങ​ൾ ക​ട​ന്നു​പോ​കാ​ൻ ക​ഴി​യാ​താ​യി. പാ​ത​ വീ​തി​യി​ലെ​ടു​ക്കാ​ൻ മു​ക​ളി​ൽ വീ​ടു​ക​ളു​ള്ള​തി​നാ​ൽ സാ​ധ്യ​മ​ല്ലാ​താ​യി. 15 ഓ​ളം കു​ടും​ബ​ങ്ങ​ളു​ടെ പൊ​തു​വ​ഴി​യും ന​ഷ്ട​മാ​യി​ട്ടു​ണ്ട്. ഈ ​പാ​ത​യും അ​പ​ക​ട ഭീ​ഷ​ണി​യി​ലാ​ണ്.