കു​റു​വ​സം​ഘ​മെ​ന്ന് സം​ശ​യം; ഭീ​തി​യി​ൽ നാ​ട്

കാ​ഞ്ഞ​ങ്ങാ​ട്: കു​റു​വ സം​ഘ​മെ​ന്ന് സം​ശ​യി​ക്കു​ന്ന ര​ണ്ടം​ഗ സം​ഘ​ത്തി​ന്റെ സി.​സി.​ടി.​വി ദ്യ​ശ്യം പു​റ​ത്ത്. പൊ​ലീ​സാ​ണ് സി.​സി.​ടി.​വി ദൃ​ശ്യം പു​റ​ത്തു​വി​ട്ട​ത്. കു​റു​വ സം​ഘ​ങ്ങ​ളെ കു​റി​ച്ചു​ള്ള ഭീ​തി​പ​ര​ത്തു​ന്ന വാ​ർ​ത്ത​ക​ൾ​ക്കി​ട​യി​ൽ ന​മു​ക്കി​ട​യി​ലു​ള്ള ചി​ല അ​പ​രി​ചി​ത​രു​ടെ സാ​ന്നി​ധ്യം ശ്ര​ദ്ധി​ക്കാ​തെ​പോ​ക​രു​തെ​ന്ന് പൊ​ലീ​സ് പ​റ​യു​ന്നു.

ക​ഴി​ഞ്ഞ​ദി​വ​സം പ​ട​ന്ന​ക്കാ​ട് ഒ​രു വീ​ട്ടി​ലെ സി.​സി. കാ​മ​റ​യി​ൽ പ​തി​ഞ്ഞ മോ​ഷ്ടാ​ക്ക​ളെ​ന്ന് സം​ശ​യി​ക്കു​ന്ന​വ​രു​ടെ ദൃ​ശ്യ​ങ്ങ​ളും ചി​ത്ര​ങ്ങ​ളു​മാ​ണ് പു​റ​ത്തു​വി​ട്ട​ത്. ഇ​വ​രെ ശ്ര​ദ്ധി​ക്ക​ണ​മെ​ന്നും പൊ​ലീ​സി​ൽ അ​റി​യി​ക്ക​ണ​മെ​ന്നും പൊ​ലീ​സ് പ​റ​ഞ്ഞു.

പ്ര​ധാ​ന റോ​ഡി​ൽ​നി​ന്ന് പ​ട​ന്ന​ക്കാ​ട്ടെ ഇ​ട​വ​ഴി​യി​ലേ​ക്ക് ക​യ​റു​ന്ന ആ​രോ​ഗ്യ​വാ​ൻ​മാ​രാ​യ ര​ണ്ട് യു​വാ​ക്ക​ൾ വീ​ടു​ക​ളെ വ്യ​ക്ത​മാ​യി വീ​ക്ഷി​ക്കു​ന്ന​ത് കാ​മ​റ​യി​ലു​ണ്ട്. സം​ഘം കു​റു​വ സം​ഘ​ത്തി​ൽ​പെ​ട്ട​വ​രാ​കാ​മെ​ന്ന പൊ​ലീ​സി​ന്റെ ബ​ല​മാ​യ സം​ശ​യ​ത്തെ തു​ട​ർ​ന്നാ​ണ് ദൃ​ശ്യം പു​റ​ത്തു​വി​ട്ട​ത്. ഇ​വ​രെ കാ​ണു​ന്ന​വ​ർ ഉ​ട​ൻ വി​വ​ര​മ​റി​യി​ക്ക​ണ​മെ​ന്നും വീ​ട്ടു​കാ​ർ മു​ഴു​വ​ൻ ശ്ര​ദ്ധി​ക്ക​ണ​മെ​ന്നും പൊ​ലീ​സ് പ​റ​ഞ്ഞു. കാ​ണു​ന്ന​വ​ർ താ​ഴെ പ​റ​യു​ന്ന പൊ​ലീ​സി​ന്റെ ന​മ്പ​റി​ൽ അ​റി​യി​ക്ക​ണം. ഫോ​ൺ: 9497980928 എം.​വി. വി​ഷ്ണു​പ്ര​സാ​ദ് (സ​ബ് ഇ​ൻ​സ്പെ​ക്ട​ർ നീ​ലേ​ശ്വ​രം), (ജ​ന​മൈ​ത്രി ബീ​റ്റ് ഓ​ഫി​സേ​ഴ്സ്) രാ​ജേ​ഷ് 9497927904, ദി​ലീ​ഷ് പ​ള്ളി​ക്കൈ 9497928799 പൊ​ലീ​സ് സ്റ്റേ​ഷ​ൻ. ഹോ​സ്ദു​ർ​ഗ് പൊ​ലീ​സും നീ​ലേ​ശ്വ​രം പൊ​ലീ​സും ക​ന​ത്ത ജാ​ഗ്ര​ത പു​ല​ർ​ത്തു​ന്നു​ണ്ട്.

അ​തി​നി​ടെ വ്യാ​ഴാ​ഴ്ച പു​ല​ർ​ച്ചെ മ​ല​യോ​ര​ഭാ​ഗ​ത്തും സം​ശ​യ​ക​ര​മാ​യ സാ​ഹ​ച​ര്യ​മു​ണ്ടാ​യി. പു​ല​ർ​ച്ചെ വീ​ടു​ക​ളി​ൽ മു​ട്ടി വി​ളി​ച്ചെ​ന്നാ​ണ് പ​റ​യു​ന്ന​ത്. തീ​പെ​ട്ടി​യും മെ​ഴു​കു​തി​രി​യു​മു​ണ്ടോ​യെ​ന്ന് ചോ​ദി​ച്ചാ​ണ് വാ​തി​ൽ മു​ട്ടി​യ​തെ​ന്നാ​ണ് പ​റ​യു​ന്ന​ത്. ഒ​ട​യം ചാ​ൽ ഭാ​ഗ​ത്താ​ണ് സം​ഭ​വം. ഹാ​ഫ് അ​ടി​വ​സ്ത്രം മാ​ത്രം ധ​രി​ച്ച ക​റു​ത്ത നി​റ​മു​ള്ള​വ​രാ​ണെ​ന്നും പ​റ​യു​ന്നു. ഇ​ത്ത​രം വാ​ർ​ത്ത​ക​ൾ പു​റ​ത്തു​വ​രു​ന്ന​തോ​ടെ നാ​ട് ഭീ​തി​യി​ലാ​യി.