ഡ്രോ​ൺ ഉ​പ​യോ​​ഗി​ച്ച് പൊലീസ് തെരഞ്ഞിട്ടും ഫലമുണ്ടായില്ല; ഒടുവിൽ കള്ളൻ അശോകൻ കൊച്ചിയിൽ കുടുങ്ങി

കാ​ഞ്ഞ​ങ്ങാ​ട്: നിരവധി കേസുകളിൽ പ്രതിയായ മോഷ്ടാവ് ക​റു​ക​വ​ള​പ്പി​ലെ അ​ശോ​ക​ൻ കൊ​ച്ചി​യി​ൽ കു​ടു​ങ്ങി. തോ​ട്ടി​നാ​ട്ടെ ചെ​ഗു​വേ​ര ആ​ർ​ട്സ് ആ​ൻ​ഡ് സ്പോ​ർ​ട്സ് ക്ല​ബ് പ്ര​വ​ർ​ത്ത​ക​രാ​ണ് മ​റൈ​ൻ ഡ്രൈ​വി​ൽ​നി​ന്ന് തി​ങ്ക​​ളാ​ഴ്ച വൈ​കീ​ട്ട് അ​ഞ്ചി​ന് പ്ര​തി​യെ പൊ​ക്കി​യ​ത്. ടൂ​ർ പോ​യി മ​റൈ​ൻ ഡ്രൈ​വി​ലെ ഹോ​ട്ട​ലി​ൽ ചാ​യ കു​ടി​ക്കു​ന്ന​തി​നി​ടെ യാ​ദൃ​ച്ഛി​ക​മാ​യി ര​ണ്ടു പേർ ഇവരുടെ ക​ണ്ണി​ലു​ട​ക്കി. പെട്ടെന്ന് ഇ​വ​ർ ഫോ​ട്ടോ​യെ​ടു​ത്ത് നാ​ട്ടി​ലേ​ക്ക​യ​ച്ചു.

ഇ​തി​നി​ടെ ന​ട​ന്നു​നീ​ങ്ങി​യ അശോകനും കൂട്ടാളിക്കും പിന്നാലെ ഇ​വ​രും കൂ​ടി. രണ്ടുപേരും ഒ​രു മൊ​ബൈ​ൽ ക​ട​യി​ൽ ക​യ​റി ഒ​രു മൊ​ബൈ​ൽ വി​റ്റു. ഇ​തി​നി​ടെ, ഫോ​ട്ടോ അ​ശോ​ക​നെ​ന്ന് സ്ഥി​രീ​ക​രി​ച്ച് സ​ന്ദേ​ശ​മെ​ത്തി. ചെ​റു​പ്പ​ക്കാ​ർ പൊ​ലീ​സി​നെ വി​വ​ര​മ​റി​യി​ച്ച​തോ​ടെ മൊബൈൽ ക​ട​ക്കാ​ര​നെ​ക്കൊ​ണ്ട് തി​രി​കെ വി​ളി​പ്പി​ച്ചു. കൂ​ട്ടാ​ളി അ​ക​ത്ത് ക​യ​റി​യെ​ങ്കി​ലും അ​ശോ​ക​ൻ റോ​ഡ​രി​കി​ൽ കാ​ത്തു​നി​ന്നു. മ​ഫ്ടി​യി​ൽ പൊ​ലീ​സ് വ​ന്ന​തോ​ടെ ചെ​റു​പ്പ​ക്കാ​ർ അ​ശോ​ക​നെ കാ​ണി​ച്ചു​കൊ​ടു​ത്തു. ഇ​തോ​ടെ മൂ​ന്നു​മാ​സം നീ​ണ്ട, പൊ​ലീ​സി​​ന്റെ ന​ഷ്ട​പ്പെ​ട്ട മാ​നം മ​ടി​ക്കൈ​യി​ലെ ചെ​റു​പ്പ​ക്കാ​രു​ടെ ഇ​ട​പെ​ട​ലി​ൽ തി​രി​ച്ചു​കി​ട്ടി. തു​ട​ർന​ട​പ​ടി​ക​ൾ വേ​ഗ​ത്തി​ലാ​ക്കു​മെ​ന്ന് കാ​ഞ്ഞ​ങ്ങാ​ട് ഡി​വൈ.​എ​സ്.​പി അ​റി​യി​ച്ചു.

ആ​ഹ്ലാ​ദ​ത്തി​ൽ മ​ടി​ക്കൈ ഗ്രാ​മം

മ​ടി​ക്കൈ എ​ന്ന ​ഗ്രാ​മ​ത്തെ​യാ​കെ ഭീ​തി​യി​ലാ​ക്കി കൊ​ള്ള​യ​ടി​ക്കു​ന്ന അ​ശോ​ക​നെ തേ​ടി ഒ​രു ഗ്രാ​മ​മൊ​ന്നാ​കെ തി​ര​ച്ചി​ൽ ന​ട​ത്തി​യെ​ങ്കി​ലും പി​ടി​കൂ​ടാ​ൻ ക​ഴി​ഞ്ഞി​രു​ന്നി​ല്ല. കോ​ടോം ബേ​ളൂ​ർ പ​ഞ്ചാ​യ​ത്ത് പ​രി​ധി​വ​രെ വ്യാ​പി​ച്ചു​കി​ട​ക്കു​ന്ന 500 ഏ​ക്ക​റോ​ളം പാ​റ​പ്പു​റ​ത്താ​ണ് മാ​സ​ങ്ങ​ളാ​യി പൊ​ലീ​സും നാ​ട്ടു​കാ​രും പ​രി​ശോ​ധ​ന ന​ട​ത്തി​യ​ത്. അ​വ​സാ​നം ഡ്രോ​ൺ ഉ​പ​യോ​​ഗി​ച്ച് പ​ല ഭാ​​ഗ​ത്തു​നി​ന്നും ആ​കാ​ശ നി​രീ​ക്ഷ​ണം ന​ട​ത്തി​യി​ട്ടും ക​റു​ക​വ​ള​പ്പി​ലെ അ​ശോ​ക​ൻ പ​തി​യി​രി​ക്കു​ന്ന ഭാ​​ഗം മാ​ത്രം ക​ണ്ടെ​ത്താ​ൻ സാ​ധി​ച്ചി​ല്ല. പെ​ര​ള​ത്തെ പാ​റ​പ്ര​ദേ​ശ​ത്ത് ചി​ത​റി​ക്കി​ട​ക്കു​ന്ന ര​ണ്ട് മീ​റ്റ​റി​ൽ താ​ഴെ മാ​ത്രം ഉ​യ​ര​മു​ള്ള കാ​ടാ​ണ് ഭൂ​മി​ശാ​സ്ത്രം. വ​ലി​യ ക​ല്ലു​ക​ൾ​ക്കി​ട​യി​ലെ വി​ള്ള​ലു​ക​ളു​മു​ണ്ട്. ഇ​തി​നി​ട​യി​ൽ​ത​ന്നെ ക​ള്ള​ൻ പ​തു​ങ്ങി​യി​ട്ടു​ണ്ടാ​കാ​മെ​ന്നാ​യി​രു​ന്നു നാ​ട്ടു​കാ​രു​ടെ നി​​ഗ​മ​നം.

ആ​ക്ര​മി​ച്ച വി​ജി​ത​യു​ടെ വീ​ട്ടി​ൽ​നി​ന്നും ചോ​റും പ​ഴ​വും ബേ​ക്ക​റി ഉ​ൽ​പ​ന്ന​ങ്ങ​ളും കു​ടി​വെ​ള്ള​വു​മെ​ല്ലാം ശേ​ഖ​രി​ച്ചാ​ണ് ഇ​യാ​ൾ അ​വ​സാ​ന​മാ​യി മ‌​ട​ങ്ങി​യ​ത്. ഇ​തോ​ടെ ഇ​നി കു​റ​ച്ചു​ദി​വ​സ​ത്തേ​ക്ക് നാ​ട്ടി​ലി​റ​ങ്ങാ​തെ സു​ര​ക്ഷി​ത​മാ​കാ​ൻ ഇ​യാ​ൾ​ക്ക് ക​ഴി​ഞ്ഞു. തീ​വെ​യി​ലി​ൽ പാ​റ​പ്ര​ദേ​ശ​ത്ത് പൊ​ലീ​സും നാ​ട്ടു​കാ​രും വി​യ​ർ​ത്തൊ​ലി​ച്ച് ന​ട​ന്ന​ത​ല്ലാ​തെ ഇ​യാ​ളു​ടെ പൊ​ടി​പോ​ലും ക​ണ്ടെ​ത്താ​ൻ അ​ന്ന് സാ​ധി​ച്ചി​ല്ല. ചി​ല പ്ര​ദേ​ശ​ത്ത് ഇ​യാ​ളെ ക​ണ്ടെ​ന്ന് പ്ര​ചാ​ര​ണ​മു​ണ്ടാ​യെ​ങ്കി​ലും ഊ​ഹാ​പോ​ഹം മാ​ത്ര​മാ​ണോ​യെ​ന്ന് സം​ശ​യ​മു​ണ്ട്. സ്ഥ​ല​ത്തെ മൂ​ന്നോ​ളം പേ​രെ വ​ക​വ​രു​ത്തു​മെ​ന്ന് ഇ​യാ​ൾ പ​റ​ഞ്ഞ​തും നാ​ട്ടു​കാ​രു​ടെ ആ​ശ​ങ്ക വ​ർ​ധി​പ്പി​ക്കു​ക​യു​ണ്ടാ​യി. കാ​ഞ്ഞ​ങ്ങാ​ട് ഡി​വൈ.​എ​സ്‍.​പി വി. ​ബാ​ല​കൃ​ഷ്ണ​ന്റെ നേ​തൃ​ത്വ​ത്തി​ൽ ഇ​രു​പ​തി​ലേ​റെ പൊ​ലീ​സു​കാ​ർ വീ​തം മൂ​ന്ന് ടീ​മു​ക​ളാ​യി മാ​സ​ങ്ങ​ൾ നീ​ണ്ട പ​രി​ശോ​ധ​ന​യാ​ണ് ന​ട​ത്തി​യ​ത്.