ആത്മഹത്യചെയ്ത വിനയചന്ദ്രൻ മർദനത്തിനിരയായെന്ന് റിപ്പോർട്ട്

കാ​ഞ്ഞ​ങ്ങാ​ട്: ജീ​വ​നൊ​ടു​ക്കി​യ വി​ന​യ​ച​ന്ദ്ര​ൻ മ​രി​ക്കു​ന്ന​തി​ന് ത​ലേ​ദി​വ​സം രാ​ത്രി ഒ​രു​സം​ഘ​ത്തി​ന്റെ ക്രൂ​ര​മാ​യ മ​ർ​ദ​ന​ത്തി​നി​ര​യാ​യെ​ന്ന് റി​പ്പോ​ർ​ട്ട്. യു​വാ​വി​നെ മ​ർ​ദി​ച്ച കേ​സി​ൽ മ​ക​നും പി​താ​വു​മു​ൾ​പ്പെ​ടെ മൂ​ന്നു​പേ​ർ അ​റ​സ്റ്റി​ലാ​യി. വി​ന​യ​ച​ന്ദ്ര​ന്റെ ര​ണ്ട് മൊ​ബൈ​ൽ ഫോ​ണു​ക​ളും പ​ഴ്സും പ്ര​തി​ക​ളി​ൽ​നി​ന്ന് പൊ​ലീ​സ് ക​ണ്ടെ​ത്തി കോ​ട​തി​യി​ൽ ഹാ​ജ​രാ​ക്കി. യു​വാ​വി​ന്റെ മ​ര​ണ​വു​മാ​യി ബ​ന്ധ​പ്പെ​ട്ട് മൂ​ന്നു​പേ​രെ​യും ചോ​ദ്യം​ചെ​യ്ത ശേ​ഷ​മാ​ണ് വെ​ള്ള​രി​ക്കു​ണ്ട് പൊ​ലീ​സ് ഇ​ൻ​സ്പെ​ക്ട​ർ ഷി​ജു അ​റ​സ്റ്റ് രേ​ഖ​പ്പെ​ടു​ത്തി​യ​ത്. പ​ര​പ്പ കു​പ്പ​മാ​ടി​ലെ കെ. ​സു​മേ​ഷ് (30), പി​താ​വ് സ​തീ​ശ​ൻ (60), പൂ​ടം​ക​ല്ലി​ലെ അ​ഖി​ൽ അ​ബ്ര​ഹാം (26) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ചു​ള്ളി​ക്ക​ര​യി​ൽ കൊ​റി​യ​ർ സ​ർ​വി​സ് ന​ട​ത്തി​യി​രു​ന്ന പ​ര​പ്പ പ​ട്ട്ള​ത്തെ വി​ന​യ​ച​ന്ദ്ര​ൻ (38) തൂ​ങ്ങി​മ​രി​ച്ച​തു​മാ​യി ബ​ന്ധ​പ്പെ​ട്ടാ​ണ് കേ​സ്. 22ന് ​രാ​വി​ലെ ജീ​വ​നൊ​ടു​ക്കു​ന്ന​തി​ന് ത​ലേ​ദി​വ​സം വി​ന​യ​ച​ന്ദ്ര​ന് മ​ർ​ദ​ന​മേ​റ്റി​രു​ന്നു. ഇ​തി​ന്റെ സൂ​ച​ന ന​ൽ​കു​ന്ന ക​ത്ത് ല​ഭി​ച്ചി​രു​ന്നു. പ​ട്ള​ത്തെ വാ​ട​ക​വീ​ട്ടി​ന​ടു​ത്തു​വെ​ച്ച് ക്രൂ​ര​മാ​യി മ​ർ​ദി​ക്കു​ക​യാ​യി​രു​ന്നു. യു​വാ​വി​ന്റെ ഐ​ഫോ​ൺ ഉ​ൾ​പ്പെ​ടെ ര​ണ്ട് മൊ​ബൈ​ലു​ക​ളും പ​ഴ്സും പ​ണ​വും ക​വ​ർ​ന്നെ​ന്ന് കാ​ട്ടി മാ​താ​വ് ഭ​വാ​നി ന​ൽ​കി​യ പ​രാ​തി​യി​ലാ​യി​രു​ന്നു വെ​ള്ള​രി​ക്കു​ണ്ട് പൊ​ലീ​സ് കേ​സെ​ടു​ത്ത​ത്. ജാ​മ്യ​മി​ല്ലാ​വ​കു​പ്പ് പ്ര​കാ​ര​മാ​ണ് കേ​സ്. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.