കുമ്പള ബംബ്രാണയില്‍ കെ.എസ്.ആര്‍.ടി.സിയുടെ ജില്ലയിലെ ആദ്യത്തെ ഗ്രാമവണ്ടി യാത്രക്ക് ഗതാഗത മന്ത്രി ആന്റണി രാജു ഡബിൾ ബെല്ലടിക്കുന്നു
കുമ്പള: കെ.എസ്.ആര്‍.ടി.സിയുടെ സേവനം ഗ്രാമവണ്ടി പദ്ധതിയിലൂടെ എല്ലാവര്‍ക്കും ലഭ്യമാക്കുക എന്നതാണ് ലക്ഷ്യമെന്ന് ഗതാഗത വകുപ്പ് മന്ത്രി ആന്റണി രാജു. കുമ്പള ഗ്രാമപഞ്ചായത്തും കെ.എസ്.ആര്‍.ടി.സിയും സംയുക്തമായി ആരംഭിക്കുന്ന ‘ഗ്രാമവണ്ടി’ പദ്ധതി ഉദ്ഘാടനം ചെയ്യുകയായിരുന്നു അദ്ദേഹം.
തദ്ദേശ സ്വയംഭരണ സ്ഥാപനവും കേരള സ്റ്റേറ്റ് റോഡ് ട്രാന്‍സ്‌പോര്‍ട്ട് കോര്‍പ്പറേഷനും ഉള്‍നാടുകളിലെ യാത്രാക്ലേശം പരിഹരിക്കുക എന്ന ലക്ഷ്യത്തോടെ സംയുക്തമായി കൊണ്ടുവന്ന പദ്ധതിയാണ് ഗ്രാമവണ്ടി.
മംഗളൂരുവിലെ വിവിധ കോളജുകളില്‍ പഠിക്കുന്ന മഞ്ചേശ്വരത്തെ വിദ്യാര്‍ഥികളുടെ ബസ് കണ്‍സെഷന്‍ എന്ന ഏറെക്കാലത്തെ സ്വപ്‌നം സംസ്ഥാന സര്‍ക്കാര്‍ സാക്ഷാത്കാരമാക്കി. എ.ഐ ക്യാമറ കൊണ്ടുവന്നപ്പോള്‍ പല തരത്തിലുള്ള ആക്ഷേപങ്ങള്‍ പല കോണില്‍ നിന്ന് വന്നിരുന്നു. എ.ഐ കാമറ വന്നതിന് ശേഷം വാഹനാപകടങ്ങളും ട്രാഫിക്ക് നിയമലംഘനങ്ങളും കുറഞ്ഞു.
സംസ്ഥാന സര്‍ക്കാര്‍ വിജയകരമായി നടപ്പിലാക്കിയ രാജ്യത്ത് തന്നെ മാതൃകയായ എഐ കാമറയെകുറിച്ച് പഠിക്കാന്‍ കർണാടക, മഹാരാഷട്ര പോലെയുള്ള സംസ്ഥാനങ്ങളില്‍ നിന്നും ഉദ്യോഗസ്ഥര് വന്നുകൊണ്ടിരിക്കുകയാണെന്നും മന്ത്രി പറഞ്ഞു. ഉദ്ഘാടനത്തിനോടനനുബന്ധിച്ച് ഗ്രാമവണ്ടിയുടെ ആദ്യ സർവിസ് സൗജന്യമായിരുന്നു.
ഫ്ലാഗ്ഓഫിന് ശേഷമുള്ള കന്നിയാത്രയില്‍ ജനപ്രതിനിധികളോടൊപ്പം മന്ത്രിയും പങ്കെടുത്തു. എ.കെ.എം.അഷ്‌റഫ് എം.എല്‍.എ അധ്യക്ഷത വഹിച്ചു. കാസര്‍കോട് ബ്ലോക്ക് പഞ്ചായത്ത് പ്രസിഡന്റ് സി.എ. സൈമ, മഞ്ചേശ്വരം ബ്ലോക്ക് പഞ്ചായത്ത് പ്രസിഡന്റ് ഷമീന ടീച്ചര്‍ എന്നിവര്‍ മുഖ്യാതിഥികളായി.
കുമ്പള ഗ്രാമ പഞ്ചായത്ത് വൈസ് പ്രസിഡന്റ് നാസിര്‍ മൊഗ്രാല്‍, കാസര്‍കോട് ബ്ലോക്ക് പഞ്ചായത്ത് സ്ഥിരം സമിതി ചെയര്‍മാന്‍ അഷ്‌റഫ് കര്‍ള, ജില്ല പഞ്ചായത്ത് അംഗം ജമീല സിദ്ദീഖ്, കാസര്‍കോട് ബ്ലോക്ക് പഞ്ചായത്ത് അംഗങ്ങളായ പ്രേമ ഷെട്ടി, സീനത്ത് നസീര്‍, കുമ്പള ഗ്രാമപഞ്ചായത്ത് സ്ഥിരം സമിതി ചെയര്‍പേഴ്‌സനർമാരായ എം. സബൂറ, നസീമ ഖാലിദ്, സ്ഥിരം സമിതി ചെയര്‍മാന്‍ ബി.എ. റഹ്‌മാന്‍.
കുമ്പള ഗ്രാമപഞ്ചായത്ത് അംഗങ്ങളായ അന്‍വര്‍ ഹുസൈന്‍, കെ. മോഹനന്‍, യൂസഫ് ഉളുവാര്‍, പുഷ്പലത പി. ഷെട്ടി, രവി രാജ്, പി.കെ. ആയിഷത്ത് റസിയ, എസ്. പ്രേമലത, പി. സുലോചന, എസ്. ശോഭ, എം. അജയ്, അനില്‍ കുമാര്‍, സി.എം. മുഹമ്മദ്, താഹിറ ജി. ശംസീര്‍, കെ. അബ്ദുല്‍ റിയാസ്, എം. കൗലത്ത് ബീവി, വിവേകാനന്ദ ഷെട്ടി, വിദ്യാ എന്‍. പൈ, പ്രേമാവതി, എം. അബ്ബാസ്, മഞ്ചുനാഥ ആല്‍വ.
എ.കെ. ആരിഫ്, രാഷ്ട്രീയ പാര്‍ട്ടി പ്രതിനിധികളായ ബി.എന്‍. മുഹമ്മദ് അലി, ലോകനാഥ ഷെട്ടി, സി.എ. സുബൈര്‍, ജയറാം ബല്ലംകുടില്‍, സണ്ണി അരമന, പ്രതീപ്, താജുദ്ദീന്‍ മൊഗ്രാല്‍, അഹമ്മദ് അലി കുമ്പള, രാഘവ ചേരാല്‍, പ്രജു കെ. ബള്ളൂര്‍, മഹമൂദ് കൈക്കമ്പ, സിദ്ദീഖ് കൊടിയമ്മ, ഹസൈനാര്‍ നുള്ളിപ്പാടി, കെ.എസ്.ആര്‍.ടി.സി എക്‌സിക്യൂട്ടീവ് ഡയറക്ടര്‍ അഡ്മിനിസ്‌ട്രേഷന്‍ ആന്റ് ഓപ്പറേഷന്‍ ജി.പി. പ്രദീപ് കുമാര്‍ എന്നിവര്‍ സംസാരിച്ചു.
കുമ്പള ഗ്രാമ പഞ്ചായത്ത് പ്രസിഡന്റ് യു.പി. താഹിറ യൂസഫ് സ്വാഗതവും കെ.എസ്.ആര്‍.ടി.സി വിജിലന്‍സ് ഓഫിസറും ഗ്രാമവണ്ടി സ്‌പെഷ്യല്‍ ഓഫിസറുമായ വി.എം. താജുദ്ദീന്‍ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.