സിദ്ദീഖ് വധം: അന്വേഷണം മൂന്ന് സംസ്ഥാനങ്ങളിലേക്ക്

മ​ഞ്ചേ​ശ്വ​രം: പു​ത്തി​ഗെ മു​ഗു റോ​ഡി​ലെ അ​ബൂ​ബ​ക്ക​ർ സി​ദ്ദീ​ഖി​നെ(32) ത​ട്ടി​ക്കൊ​ണ്ടു പോ​യി മ​ർ​ദി​ച്ചു കൊ​ല​പ്പെ​ടു​ത്തി​യ കേ​സി​ൽ പ്ര​തി​ക​ളാ​യ പൈ​വ​ളി​ഗെ​യി​ലെ സം​ഘ​ത്തെ പി​ടി​കൂ​ടാ​ൻ മൂ​ന്ന് സം​സ്ഥാ​ന​ത്തേ​ക്ക് അ​ന്വേ​ഷ​ണം വ്യാ​പി​ച്ചു. കൊ​ല​ക്ക് ശേ​ഷം പ്ര​തി​ക​ൾ ആ​ദ്യം ക​ട​ന്ന​ത് ക​ർ​ണാ​ട​ക​യി​ലേ​ക്കാ​ണ്. പ്ര​തി​ക​ളു​ടെ കൂ​ട്ടാ​ളി​യും ബാ​ളി​ഗെ അ​സീ​സ് വ​ധ​ക്കേ​സി​ൽ കൂ​ട്ടു പ്ര​തി​യു​മാ​യ മ​ടി​ക്കേ​രി സ്വ​ദേ​ശി​യു​ടെ ര​ഹ​സ്യ കേ​ന്ദ്ര​ത്തി​ലേ​ക്കാ​ണ് പ്ര​തി​ക​ൾ ആ​ദ്യം ക​ട​ന്ന​തെ​ന്ന് പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്.

ഇ​വി​ടെ​നി​ന്ന് വേ​ർ​പി​രി​ഞ്ഞ സം​ഘം ഗോ​വ, മ​ഹാ​രാ​ഷ്ട്ര എ​ന്നി​വി​ട​ങ്ങ​ളി​ലേ​ക്ക് ക​ട​ന്ന​താ​യാ​ണ് സൂ​ച​ന. വി​ദേ​ശ​ത്ത് ശ​ക്ത​മാ​യ വേ​രു​ക​ളു​ള്ള ഈ ​സം​ഘം കു​റ്റ​കൃ​ത്യം ന​ട​ന്നാ​ൽ വി​ദേ​ശ​ത്തേ​ക്ക് ക​ട​ക്കു​ക​യാ​ണ് പ​തി​വ്. മു​ഖ്യ പ്ര​തി​യാ​യ ഒ​രാ​ൾ വി​ദേ​ശ​ത്തേ​ക്ക് ക​ട​ന്ന​താ​യി സ്ഥി​രീ​ക​രി​ച്ചി​ട്ടു​ണ്ട്.

മ​റ്റു​ള്ള​വ​ർ വി​ദേ​ശ​ത്തേ​ക്ക് ക​ട​ക്കാ​ൻ സാ​ധ്യ​ത​യു​ള്ള​തി​നാ​ൽ രാ​ജ്യ​ത്തെ വി​മാ​ന​ത്താ​വ​ള​ങ്ങ​ളി​ൽ കേ​ര​ള പൊ​ലീ​സ് ജാ​ഗ്ര​ത നി​ർ​ദേ​ശം ന​ൽ​കി​യി​ട്ടു​ണ്ട്. ഇ​തു​പ്ര​കാ​രം ഒ​രാ​ളെ ബം​ഗ​ളൂ​രു വി​മാ​ന​ത്താ​വ​ള​ത്തി​ൽ വെ​ച്ചു പി​ടി​കൂ​ടി. വി​ദേ​ശ​ത്തേ​ക്ക് ക​ട​ന്ന പ്ര​തി​യെ തി​രി​ച്ചു കി​ട്ടാ​നാ​യി റെ​ഡ് കോ​ർ​ണ​ർ നോ​ട്ടീ​സ് ഇ​റ​ക്കും. അ​തി​നി​ടെ, യു​വാ​വി​നെ കെ​ട്ടി​യി​ട്ട് മ​ർ​ദി​ച്ച പൈ​വ​ളി​ഗെ​യി​ലെ വീ​ട് ബു​ധ​നാ​ഴ്ച ഫോ​റ​ൻ​സി​ക് വി​ഭാ​ഗം പ​രി​ശോ​ധ​ന ന​ട​ത്തി. ര​ക്ത​ക്ക​റ​യും മ​റ്റു തെ​ളി​വു​ക​ളും ഫോ​റ​ൻ​സി​ക് വി​ഭാ​ഗം ശേ​ഖരിച്ചു. 

സിദ്ദീഖി​െന്റ സുഹൃത്തിനെ കുമ്പളയിലേക്ക് മാറ്റി

കു​മ്പ​ള: അ​ബൂ​ബ​ക്ക​ർ സി​ദ്ദീ​ഖി​ന്റെ സു​ഹൃ​ത്ത് അ​ൻ​സാ​രി​യെ (31) ചി​കി​ത്സ​ക്ക് കു​മ്പ​ള​യി​ലെ ആ​ശു​പ​ത്രി​യി​ലേ​ക്ക് മാ​റ്റി. വെ​ള്ളി​യാ​ഴ്ച ക്വ​ട്ടേ​ഷ​ൻ സം​ഘം പി​ടി​ച്ചു​കൊ​ണ്ടു​പോ​യി ബ​ന്ദി​യാ​ക്കി വെ​ച്ചി​രു​ന്ന അ​ൻ​സാ​രി​യെ​യും കൊ​ല്ല​പ്പെ​ട്ട സി​ദ്ദീ​ഖി​ന്റെ ജ്യേ​ഷ്ഠ​ൻ അ​ൻ​വ​റി​നെ​യും ഞാ​യ​റാ​ഴ്ച രാ​ത്രി​യാ​ണ് സം​ഘം പൈ​വ​ളി​ഗെ ഓ​ട്ടോ സ്റ്റാ​ൻ​ഡി​ൽ അ​വ​ശ​നി​ല​യി​ൽ ഇ​റ​ക്കി​വി​ട്ട​ത്. തു​ട​ർ​ന്ന് ഇ​രു​വ​രും ഓ​ട്ടോ​യി​ൽ ക​യ​റി ആ​രി​ക്കാ​ടി​യി​ലേ​ക്ക് വ​രു​ക​യും അ​വി​ടേ​ക്ക് ബ​ന്ധു​ക്ക​ളെ വി​ളി​ച്ചു​വ​രു​ത്തി കാ​റി​ൽ മം​ഗ​ളൂ​രു​വി​ലെ​ത്തി സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടു​ക​യു​മാ​യി​രു​ന്നു.

ദേ​ഹ​മാ​സ​ക​ലം ഗു​രു​ത​ര​മാ​യി പ​രി​ക്കേ​റ്റ അ​ൻ​സാ​രി​ക്ക് ശ​രി​യാം​വി​ധം ഇ​രി​ക്കാ​നോ കാ​ലു​ക​ൾ നി​ല​ത്ത് കു​ത്താ​നോ സാ​ധി​ക്കാ​ത്ത അ​വ​സ്ഥ​യാ​ണ്. ഭീ​മ​മാ​യ ചി​കി​ത്സ​ച്ചെ​ല​വ് താ​ങ്ങാ​നാ​വാ​ത്ത​തി​നാ​ലാ​ണ് മം​ഗ​ളൂ​രു​വി​ൽ​നി​ന്ന് കു​മ്പ​ള​യി​ലെ ആ​ശു​പ​ത്രി​യി​ലേ​ക്ക് ചി​കി​ത്സ മാ​റ്റി​യ​തെ​ന്ന് അ​ൻ​സാ​രി പ​റ​ഞ്ഞു.

പ്ര​ശ്ന​ങ്ങ​ൾ പ​റ​ഞ്ഞു​തീ​ർ​ത്താ​ൽ എ​ന്നെ​യും അ​ൻ​വ​റി​നെ​യും മോ​ചി​പ്പി​ക്കാ​മെ​ന്ന് ധ​രി​പ്പി​ച്ച് അ​ബൂ​ബ​ക്ക​ർ സി​ദ്ദീ​ഖി​നെ ക്വ​ട്ടേ​ഷ​ൻ സം​ഘം ഗ​ൾ​ഫി​ൽ​നി​ന്ന് വ​രു​ത്തു​ക​യാ​യി​രു​ന്നു​വ​ത്രെ. വീ​ട്ടി​ലെ​ത്തി ഭ​ക്ഷ​ണം​പോ​ലും ക​ഴി​ക്കാ​തെ​യാ​ണ് സി​ദ്ദീ​ഖ് സ​ഹോ​ദ​ര​നെ​യും ത​ന്നെ​യും മോ​ചി​പ്പി​ക്കാ​ൻ പൈ​വ​ളി​ഗെ​യി​ൽ ഓ​ടി​യെ​ത്തി​യ​തെ​ന്നും അ​വി​ടെ നി​ന്നും സി​ദ്ദീ​ഖി​നെ പൈ​വ​ളി​ഗെ ബാ​യാ​ർ റോ​ഡി​ൽ​നി​ന്ന് അ​ൽ​പം മാ​റി ഒ​രു ഇ​രു​നി​ല വീ​ട്ടി​ലെ​ത്തി​ച്ച് മ​ർ​ദി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു​വെ​ന്നും അ​ൻ​സാ​രി പ​റ​ഞ്ഞു.

ഉ​പ്പ​ള​യി​ൽ ട്രാ​വ​ൽ ഏ​ജ​ൻ​സി ന​ട​ത്തു​ന്ന റ​സാ​ഖ്, റി​യാ​സ് എ​ന്നി​വ​രു​മാ​യി അ​ബൂ​ബ​ക്ക​ർ സി​ദ്ദീ​ഖ് ന​ട​ത്തി​യ എ​ന്തോ പ​ണ​മി​ട​പാ​ടു​മാ​യി ബ​ന്ധ​പ്പെ​ട്ടാ​ണ് കൊ​ല​പ്പെ​ടു​ത്താ​ൻ പൈ​വ​ളി​ഗെ​യി​ലെ ഗു​ണ്ടാ​ടീ​മി​നെ ഏ​ൽ​പി​ച്ച​ത്. ഗ​ൾ​ഫി​ലാ​യി​രു​ന്ന സി​ദ്ദീ​ഖി​നെ നാ​ട്ടി​ലെ​ത്തി​ക്കാ​നാ​ണ് സം​ഘം സി​ദ്ദീ​ഖി​ന്റെ സ​ഹോ​ദ​ര​ൻ അ​ൻ​വ​റി​നെ​യും സു​ഹൃ​ത്ത് അ​ൻ​സാ​രി​യെ​യും വെ​ള്ളി​യാ​ഴ്ച ത​ട്ടി​ക്കൊ​ണ്ടു​പോ​യ​ത്.