അയ്യപ്പൻ പഴമ നെയ്യുകയാണ്​, ജീവിതവും

മൂവാറ്റുപുഴ: വാർധക്യത്തി​​െൻറ അവശതകൾക്കിടയിലും അയ്യപ്പൻ ​െകാട്ടയും മുറവും നെയ്യുകയാണ്. ഒരുപാട്​ ആവശ്യക്കാരൊന്നുമി​െല്ലങ്കിലും ആരെങ്കിലുമൊക്കെ വാങ്ങാൻ വരുമെന്ന പ്രതീക്ഷയിലാണിത്​. ചെറുപ്പത്തി​േല പഠിച്ച കുലത്തൊഴിലാണ് 70ാം വയസ്സിലും മൂവാറ്റുപുഴ രണ്ടാർ പാടത്തിൽ അയ്യപ്പന്​ അന്നത്തിനുള്ള വഴിയൊരുക്കുന്നത്.

ഈറ്റ വെട്ടി കൊട്ടയും വട്ടിയും നെയ്തും ഉപജീവനം നടത്തിയിരുന്ന രണ്ടാർകരയിലെ 60 കുടുംബങ്ങൾ തൊഴിൽ ഉപേക്ഷിച്ചു. ഇപ്പോഴും കുലത്തൊഴിലിൽനിന്ന്​ പിന്മാറാതെ കൊട്ട നെയ്യുന്നത് അയ്യപ്പൻ മാത്രമാണ്​. രാവിലെതന്നെ ആരംഭിക്കുന്ന കൊട്ട, മുറം നെയ്ത്ത് വൈകീട്ടുവരെ തുടരും.

കാർഷികസമൃദ്ധിയുടെ കാലത്ത് പനമ്പുനെയ്ത്തിലൂടെയാണ് അയ്യപ്പൻ ഈ രംഗത്തേക്ക് വന്നത്. അച്ഛനും അമ്മക്കുമൊപ്പം പനമ്പും മുറവും കൊട്ടയും അനേകം നെയ്തു. നെല്ലുണക്കാനും കോരാനും പാറ്റാനും ഇവ മൂന്നും ആവശ്യമായിരുന്നു. ആവുന്നത്ര ഇത് തുടരാനാണ് അയ്യപ്പ​​െൻറ ആഗ്രഹം. ഈറ്റയുടെ വില വർധനയും കിട്ടാനില്ലാത്തതും തൊഴിലിനെ ബാധിക്കുന്നുണ്ട്. എട്ട് തണ്ടുള്ള ഒരു ഈറ്റക്ക് 20 രൂപയാണ് വില. ഈ വിലയ്​ക്ക് ഈറ്റ വാങ്ങി ഉൽപന്നങ്ങൾ നിർമിച്ചാൽ ഒന്നും കിട്ടി​െല്ലന്നും അയ്യപ്പൻ പറയുന്നു.

Latest Video: