കൊല്ലം: കവി ഒ.എൻ.വി. കുറുപ്പിന്റെ സ്മരണാർഥം കേരള സർവകലാശാല ഏർപ്പെടുത്തിയ ഒ.എൻ.വി സാഹിത്യപുരസ്കാരം കവി കെ. സച്ചിദാനന്ദന് വ്യാഴാഴ്ച മന്ത്രി ഡോ. ആർ. ബിന്ദു സമ്മാനിക്കും. വൈകുന്നേരം അഞ്ചിന് ചവറ ഒ.എൻ.വി റോഡിന് സമീപത്ത് നടക്കുന്ന ചടങ്ങിൽ സർവകലാശാല വൈസ് ചാൻസലർ ഡോ. വി.പി. മഹാദേവൻപിള്ള അധ്യക്ഷത വഹിക്കും. ഡോ. ദേശമംഗലം രാമകൃഷ്ണൻ ചെയർമാനും ഡോ.സി.ആർ. പ്രസാദ്, ഡോ. എസ്. ഷിഫ, ഡോ. എസ്. നസീബ് എന്നിവർ അംഗങ്ങളുമായ സമിതിയാണ് ഒരു ലക്ഷം രൂപയും കാരയ്ക്കാമണ്ഡപം വിജയകുമാർ രൂപകൽപന ചെയ്ത ശിൽപവും പ്രശസ്തിപത്രവും അടങ്ങുന്ന പുരസ്കാരം നിർണയിച്ചത്. ചടങ്ങിനോടനുബന്ധിച്ച് ചലച്ചിത്ര പിന്നണിഗായകരായ കല്ലറ ഗോപനും ജി. ശ്രീറാമും നാരായണിഗോപനും സംഘവും നയിക്കുന്ന 'ഒ.എൻ.വി സംഗീതാർച്ചന'യും ഒരുക്കിയിട്ടുണ്ട്. സ്വാഗതസംഘം ചെയർമാൻ ഡോ. സുജിത് വിജയൻപിള്ള എം.എൽ.എ, സർവകലാശാല േപ്രാ-വൈസ് ചാൻസലർ ഡോ. പി.പി. അജയകുമാർ, സിൻഡിക്കേറ്റ് അംഗങ്ങളായ അഡ്വ. ജി. മുരളീധരൻ, ഡോ.എസ്. നസീബ്, മലയാളം വകുപ്പ് മേധാവി ഡോ.സീമാ ജെറോം എന്നിവർ വാർത്തസമ്മേളനത്തിൽ പരിപാടികൾ വിശദീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.