മാരക മയക്കുമരുന്നുമായി രണ്ട് യുവാക്കൾ പിടിയിൽ

കരുനാഗപ്പള്ളി: എക്‌സൈസിന്‍റെ നേതൃത്വത്തിൽ ചവറ, തെക്കുംഭാഗം, പന്മന എന്നീ പ്രദേശങ്ങളിൽ നടത്തിയ പരിശോധനയിൽ പന്മന മുഖംമൂടിമുക്കിന്​ സമീപത്ത്‌ നിന്ന്​ മാരകമായ മയക്കുമരുന്ന്​ ഇനത്തിൽപെട്ട എം.ഡി.എം.എയുടെ മൊത്ത വിതരണക്കാരായ യുവാക്കൾ പിടിയിൽ. ചവറ തോട്ടിനുവടക്ക​്​ മുറിയിൽ ഗ്രേസി നിലയം വീട്ടിൽ അപ്പു എന്നു വിളിക്കുന്ന അകേഷ് കുമാർ (23), മൈനാഗപ്പള്ളി കടപ്പ പൂവച്ചേരിൽ പടിഞ്ഞാറ്റതിൽവീട്ടിൽ ഷാജഹാൻ (24) എന്നിവരാണ് മയക്കുമരുന്ന്​ വിൽപന നടത്തുന്നതിനിടയിൽ എക്‌സൈസ് സംഘത്തി​ൻെറ പിടിയിലായത്. സ്കൂൾ-കോളജുകൾ കേന്ദ്രീകരിച്ച്​ ന്യൂജെൻ മയക്കുമരുന്നുകൾ വിതരണം ചെയ്യുന്നതായ രഹസ്യവിവരത്തിന്റെ അടിസ്ഥാനത്തിൽ കൊല്ലം ഡെപ്യൂട്ടി എക്‌സൈസ് കമീഷണർ ബി. സുരേഷിന്റെ നിർദേശാനുസരണം കരുനാഗപ്പള്ളി എക്‌സൈസ് പാർട്ടി കരുനാഗപ്പള്ളി താലൂക്കിന്റെ പരിധിയിൽ പരിശോധനയും നിരീക്ഷണവും ശക്തമാക്കിയിരുന്നു. ബംഗളൂരു, കൊടൈക്കനാൽ എന്നിവിടങ്ങളിൽ നിന്ന്​ മയക്കുമരുന്ന്​ മൊത്തവിലക്ക്​ കേരളത്തിൽ എത്തിച്ച് വിതരണം ചെയ്യുന്ന ശൃംഖലയിലെ കണ്ണികളാണ് അറസ്റ്റിലായവർ എന്ന്​ എക്​സൈസ്​ പറഞ്ഞു. കേസിന്റെ അന്വേഷണ ചുമതല കരുനാഗപ്പള്ളി എക്‌സൈസ് സർക്കിൾ ഇൻസ്‌പെക്ടർ പി. ശിവപ്രസാദ് ഏറ്റെടുത്തു. കരുനാഗപ്പള്ളി എക്‌സൈസ് റെയിഞ്ച് ഇൻ​െസ്പക്ടർ ജി. പ്രസന്നന്റെ നേതൃത്വത്തിൽ നടന്ന പരിശോധനയിൽ എക്സൈസ് സിവിൽ ഓഫിസർമാരായ ബി. സന്തോഷ്‌, കെ. സുധീർബാബു, കിഷോർ എസ് എന്നിവരും പങ്കെടുത്തു. മദ്യം, മയക്കുമരുന്ന് സംബന്ധിച്ച രഹസ്യവിവരങ്ങൾ 04762630831, 9400069456 നമ്പറിൽ അറിയിക്കണം. ചിത്രം: മയക്കുമരുന്നുമായി എക്സൈസ് പിടിയിലായ അപ്പു എന്ന അകേഷ് കുമാർ (23) ഷാജഹാൻ (24),