ബൈക്കും ടിപ്പര്‍ലോറിയും കൂട്ടിയിടിച്ച് പത്ര ഏജന്‍റിന് ഗുരുതര പരിക്ക്

അഞ്ചാലുംമൂട്: ബൈപാസില്‍ നീരാവില്‍ പാലത്തിന് സമീപം ബൈക്കും ടിപ്പര്‍ലോറിയും കൂട്ടിയിടിച്ചുണ്ടായ അപകടത്തില്‍ പത്ര ഏജന്‍റിന് ഗുരുതര പരിക്ക്. നീരാവില്‍ ഏജന്റ് നീരാവില്‍ കൊച്ചുവിള പടിഞ്ഞാറ്റതില്‍ പത്മനാഭപിള്ള(57)ക്കാണ് പരിക്കേറ്റത്. വ്യാഴാഴ്ച പുലര്‍ച്ചെ അഞ്ചിനായിരുന്നു അപകടം. അഞ്ചാലുംമൂട്ടില്‍ നിന്ന് പത്രക്കെട്ടുമായി കുരീപ്പുഴ ഭാഗത്തേക്ക് വിതരണത്തിന് ബൈക്കില്‍പോകുമ്പോഴാണ് നീരാവില്‍ പാലത്തിന്​ സമീപം ടിപ്പര്‍ലോറി ഇടിച്ചത്. റോഡില്‍ തെറിച്ചുവീണ് ഗുരുതര പരിക്കേറ്റ ഇദ്ദേഹത്തെ മേവറത്തെ സ്വകാര്യ മെഡിക്കൽ കോളജ് ആശുപത്രിയില്‍ പ്രവേശിപ്പിച്ചു. ലോറി പൊലീസ് കസ്റ്റഡിയിലെടുത്തു.

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.