(ചിത്രം) കൊട്ടാരക്കര: സി.പി.എം ഏരിയ കമ്മിറ്റി അംഗവും കൊട്ടാരക്കര മുനിസിപ്പാലിറ്റി കൗണ്‍സിലറും ആരോഗ്യ സ്റ്റാന്‍ഡിങ് കമ്മിറ്റി അംഗവുമായ ഫൈസല്‍ ബഷീറിനെ ആക്രമിച്ച കേസില്‍ നാലു പ്രതികളെ കൊട്ടാരക്കര പൊലീസ് അറസ്റ്റ് ചെയ്തു. നെടുവത്തൂര്‍ ചാലുകോണം വടക്കേക്കര മേലേതില്‍ വീട്ടില്‍ അനീഷ് (23), ചാലുകോണം വടക്കേക്കര മേലേതില്‍ സതീഷ് (22), മേലില രാധ വിലാസത്തില്‍ പ്രവീണ്‍കുമാര്‍ (35), ഇരണൂര്‍ ശ്രീവിലാസത്തില്‍ ഉണ്ണികൃഷ്ണപിള്ള (36) എന്നിവരാണ് പിടിയിലായത്. സംഭവശേഷം ഒളിവിലായിരുന്ന പ്രതികളെ കഴിഞ്ഞ ദിവസം രാത്രിയിലാണ് കൊട്ടാരക്കര പൊലീസ് കസ്റ്റഡിയിലെടുത്തത്. കഴിഞ്ഞ 24ന് രാത്രി 9.30ന് കൊട്ടാരക്കര മുസ്ലിം സ്ട്രീറ്റില്‍വെച്ചാണ് ഫൈസല്‍ ബഷീറിനെ ആക്രമിച്ചത്. റൂറല്‍ ജില്ല പൊലീസ് മേധാവി കെ.ബി. രവിയുടെ നേതൃത്വത്തില്‍ അഡീഷനല്‍ എസ്.പി എസ്. മധുസൂദനന്‍, കൊട്ടാരക്കര ഡിവൈ.എസ്.പി സുരേഷ്, കൊട്ടാരക്കര ഐ.എസ്.എച്ച്.ഒ. ജോസഫ് ലിയോണ്‍, എസ്.ഐ വിദ്യാധിരാജ്, അജയകുമാര്‍, സുദര്‍ശനന്‍ എന്നിവര്‍ അടങ്ങിയ അന്വേഷണ സംഘമാണ് പ്രതികളെ അറസ്റ്റ് ചെയ്തത്. ബാക്കിയുള്ള പ്രതികള്‍ക്കായുള്ള അന്വേഷണം ഊര്‍ജിതമാക്കിയതായി ജില്ല പൊലീസ് മേധാവി അറിയിച്ചു. അറസ്റ്റ് ചെയ്ത പ്രതികളെ റിമാന്‍ഡ് ചെയ്തു. കാപ്ഷൻ: സി.പി.എം ഏരിയ കമ്മിറ്റി അംഗത്തെ ആക്രമിച്ച കേസിൽ അറസ്റ്റിലായ പ്രതികള്‍
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.