കൊല്ലം: തങ്കശ്ശേരി ഹാര്‍ബറിലെ മത്സ്യവില കുറച്ചതായി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. വില പുനര്‍നിശ്ചയിക്കുന്നതിനായി ചേര്‍ന്ന ഹാര്‍ബര്‍ മാനേജ്‌മെൻറ് സൊസൈറ്റി യോഗത്തിലാണ് തീരുമാനം.
അയല, പരവ, കിളിമീന്‍, ആവോലി എന്നിവയുടെ വിലയാണ് കുറച്ചത്. ഹാര്‍ബറിലെ അഞ്ച് ലേല ഹാളുകളില്‍ മത്സ്യം എടുക്കുന്നതിന് കച്ചവടക്കാര്‍ വരുന്നതില്‍ കുറവ് നേരിട്ടതാണ് വില കുറയ്ക്കാനിടയാക്കിയത്.
മൊത്ത-ചെറുകിട കച്ചവടക്കാര്‍ക്കും ഇരുചക്ര വാഹനങ്ങള്‍ക്കും കൊല്ലം ബീച്ചിന് സമീപത്തുനിന്നും ഹാര്‍ബര്‍ എൻജിനീയറിങ് വകുപ്പ് ദൈനംദിന പാസ് നല്‍കിയാണ് ഹാര്‍ബറിലേക്ക് പ്രവേശനം നല്‍കുന്നത്. മത്സ്യത്തൊഴിലാളി സ്ത്രീകള്‍ക്ക് മത്സ്യഫെഡ് വഴിയാണ് പ്രവേശന പാസ് നല്‍കുക.
അയല (കിലോഗ്രാം)-150 രൂപ (വലുത്), 100 (ഇടത്തരം), 60 (ചെറുത്). കിളിമീന്‍-150 (വലുത്), 100 (ഇടത്തരം), 80 (ചെറുത്). ആവോലി - 350, പരവ-350 (വലുത്), 250 (ചെറുത്). താട -40.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.