കടയ്ക്കൽ: വീട്ടമ്മയെ തെരുവുനായ് ആക്രമിച്ചു. കൈക്ക് ഗുരുതരമായി പരിക്കേറ്റ ചിതറ ഭജനമഠം കളരിയിൽ വീട്ടിൽ തഹീറയെ പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസം വൈകീട്ടാണ് സംഭവം. മദ്‌റസയിൽ പോയ മകളെ തിരികെ കൊണ്ടുവരുമ്പോഴാണ് തെരുവുനായ് ആക്രമിച്ചത്.
നായുടെ ആക്രമണത്തിൽനിന്ന് മകളെ രക്ഷിക്കുന്നതിനിടയിലാണ് തഹീറക്ക് കടിയേറ്റത്. നിലവിളി കേട്ടെത്തിയ നാട്ടുകാരാണ് ഇരുവരെയും രക്ഷിച്ചത്. പ്രദേശത്ത് തെരുവുനായ്ക്കളുടെ ശല്യം വ്യാപകമാണ്. റോഡിനിരുവശവും ഇറച്ചി വേസ്റ്റ് നിക്ഷേപിച്ചിരിക്കുന്നതിനാൽ തെരുവുനായ്ക്കളുടെ വിഹാര കേന്ദ്രമാണിവിടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.