അൽ അമീൻ അഭിജിത്ത് സുബിൻ
ഓച്ചിറ: റെയിൽവേ സ്റ്റേഷന് സമീപം പൊലീസ് നടത്തിയ രാസലഹരി വേട്ടയിൽ മൂന്ന് യുവാക്കൾ പിടിയിലായി. പന്മന ആക്കൽ റിയാസ് മൻസിലിൽ അൽ അമീൻ(26), പുത്തൻചന്ത പാറക്കൽവീട്ടിൽ സുബിൻ(25), തേവലക്കര പാലക്കൽ കളീക്കൽതെക്കതിൽ അഭിജിത്ത്(32) എന്നിവരാണ് പിടിയിലായത്.
ബുധനാഴ്ച രാത്രി 11ഓടെ ഓച്ചിറ റെയിൽവേ സ്റ്റേഷന്റെ പടിഞ്ഞാറേഗേറ്റിന് സമീപത്ത് നിന്നുമാണ് ഇവർ പിടിയിലായത്. വിൽപ്പനക്കായി സൂക്ഷിച്ച 4.20 ഗ്രാം എം.ഡി.എം.എ കണ്ടെടുത്തു. വിവിധ സ്റ്റേഷനുകളിലായി നിരവധി ക്രിമിനൽ കേസുകളിലും ഇവർ പ്രതിയാണ്. ഓച്ചിറ എസ്.ഐമാരായ തോമസ്, സന്തോഷ്, എസ്.സി.പി.ഒമാരായ സിബിൻ, രാഹുൽ എന്നിവരടങ്ങിയ സംഘമാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.