നെ​ടു​ങ്ങോ​ലം താ​ലൂ​ക്ക് ആ​ശു​പ​ത്രി ‘ഗു​രു​ത​രാ​വ​സ്ഥ​യി​ൽ’

പ​ര​വൂ​ർ: ആ​രോ​ഗ്യ​മ​ന്ത്രി​യു​ടെ സ​ന്ദ​ർ​ശ​ന​ത്തോ​ടെ വി​ക​സ​ന​കു​തി​പ്പു​ണ്ടാ​കു​മെ​ന്ന് ക​രു​തി​യ നെ​ടു​ങ്ങോ​ലം താ​ലൂ​ക്ക് ആ​ശു​പ​ത്രി​ക്ക്​ ഇ​പ്പോ​ഴും പ​രാ​ധീ​ന​ത. ഉ​റ​പ്പു​ക​ൾ പാ​ലി​ക്കാ​തെ ആ​രോ​ഗ്യ​മ​ന്ത്രി​യു​ടെ സ​ന്ദ​ർ​ശ​നം പാ​ഴാ​യി. സാ​ധാ​ര​ണ​ക്കാ​ർ​ക്ക് ഏ​റെ ആ​ശ്ര​യ​മാ​യ ആ​ശു​പ​ത്രി​യി​ൽ അ​പ​ക​ട​ത്തി​ൽ​പെ​ട്ടെ​ത്തു​ന്ന​വ​രെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക് അ​യ​ക്കു​ക​യാ​ണ് പ​തി​വ്.

ദി​വ​സ​വും ഒ.​പി​യി​ൽ എ​ത്തു​ന്ന ആ​യി​ര​ത്തി​ലേ​റെ രോ​ഗി​ക​ൾ​ക്ക് മ​തി​യാ​യ സേ​വ​നം ന​ൽ​കാ​ൻ ആ​ശു​പ​ത്രി​ക്ക് ക​ഴി​യു​ന്നി​ല്ല. ഡോ​ക്‌​ട​ർ​മാ​ർ ഇ​ല്ലാ​ത്ത​തി​നാ​ൽ ചി​ല ദി​വ​സ​ങ്ങ​ളി​ൽ ഒ.​പി പ്ര​വ​ർ​ത്തി​ക്കാ​റു​മി​ല്ല. വ​ള​രെ മി​ക​ച്ച​രീ​തി​യി​ലാ​യി​രു​ന്ന ആ​ശു​പ​ത്രി​യി​ൽ ഇ​ന്ന്​ ഒ​രു പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ന്റെ​പോ​ലും സൗ​ക​ര്യ​മി​ല്ല. പ​ര​വൂ​ർ ന​ഗ​ര​സ​ഭ​യു​ടെ നി​യ​ന്ത്ര​ണ​ത്തി​ലു​ള്ള ആ​ശു​പ​ത്രി​യോ​ട്​ അ​ധി​കൃ​ത​രു​െ​ട അ​വ​ഗ​ണ​ന​യി​ൽ പ​രാ​തി വ്യാ​പ​ക​മാ​ണ്.

ഡോ​ക്ട​ർ​മാ​രു​ടെ കു​റ​വ് പ്ര​വ​ർ​ത്ത​ന​ത്തെ ബാ​ധി​ക്കു​ന്നു

നി​ല​വി​ൽ ഡോ​ക്ട​ർ​മാ​ർ മൂ​ന്ന്​ ഷി​ഫ്റ്റാ​യാ​ണ് ജോ​ലി ചെ​യ്യു​ന്ന​ത്. ഒ.​പി​യി​ൽ തി​ര​ക്കു​ള്ള​പ്പോ​ൾ ഡോ​ക്ട​റു​ടെ അ​ഭാ​വം പ്ര​തി​ഷേ​ധ​ങ്ങ​ൾ​ക്കി​ട​യാ​ക്കു​ന്നു. 13 ഡോ​ക്‌​ട​ർ​മാ​ർ വേ​ണ്ടി​ട​ത്ത് അ​ഞ്ച്​ സ്ഥി​രം ഡോ​ക്ട‌​ർ​മാ​രും നാ​ല്​ എ​ൻ.​എ​ച്ച്.​എം ഡോ​ക്ട​ർ​മാ​രു​മാ​ണു​ള്ള​ത്.

ആ​ശു​പ​ത്രി സൂ​പ്ര​ണ്ട് സ്ഥ​ലം​മാ​റി​പ്പോ​യി മൂ​ന്ന് മാ​സ​മാ​യി​ട്ടും പ​ക​രം ആ​ളെ​ത്താ​ത്ത​തി​നാ​ൽ, ര​ണ്ട് ഗൈ​ന​ക്കോ​ള​ജി ഡോ​ക്ട​ർ​മാ​രി​ൽ ഒ​രാ​ൾ​ക്കാ​ണ് താ​ൽ​ക്കാ​ലി​ക ചു​മ​ത​ല. സ്ഥ​ലം​മാ​റി​യെ​ത്തി​യ ര​ണ്ട് ഡോ​ക്ട‌​ർ​മാ​ർ ചു​മ​ത​ല​യേ​റ്റ​ശേ​ഷം വ​ർ​ക്ക് അ​റേ​ഞ്ച്മെ​ന്റി​ൽ തി​രി​ച്ചു​പോ​യി. മൂ​ന്ന്​ ഗൈ​ന​ക്കോ​ള​ജി ഡോ​ക്‌​ട​ർ​മാ​രാ​ണ് മു​മ്പ് ഉ​ണ്ടാ​യി​രു​ന്ന​ത്. സ​ർ​ജ​ന്‍റെ സേ​വ​നം ദി​വ​സ​വും ഉ​ണ്ടാ​യി​രു​ന്ന​ത് ആ​ഴ്ച‌​യി​ൽ മൂ​ന്നു​ദി​വ​സ​മാ​യി.

ഫി​സി​ഷ്യ​ൻ ഇ​ല്ലാ​ത്ത​തി​നാ​ൽ കി​ട​ത്തി​ച്ചി​കി​ത്സ​യും കു​റ​വാ​ണ്. അ​ഞ്ചു​വ​ർ​ഷ​ത്തി​ല​ധി​ക​മാ​യി ആ​ശു​പ​ത്രി​യി​ൽ അ​സ്ഥി​രോ​ഗ​വി​ഭാ​ഗം ഡോ​ക്ട‌​ർ​മാ​രി​ല്ലാ​ത്ത​തി​നാ​ൽ അ​പ​ക​ട​ത്തി​ൽ​പെ​ട്ടെ​ത്തു​ന്ന​വ​രെ പാ​രി​പ്പ​ള്ളി മെ​ഡി​ക്ക​ൽ കോ​ള​ജി​ലേ​ക്ക് റ​ഫ​ർ ചെ​യ്യു​ക​ പ​തി​വാ​ണ്. ഡ​യാ​ലി​സി​സ് വി​ഭാ​ഗ​ത്തി​ൽ വി​ദ​ഗ്‌​ധ ഡോ​ക്ട‌​റു​ടെ സേ​വ​നം നി​ർ​ബ​ന്ധ​മാ​യും വേ​ണ​മെ​ന്ന​ത്​ ഇ​വി​ടെ ബാ​ധ​ക​മ​ല്ല. മ​തി​യാ​യ​ ന​ഴ്സി​ങ്​ ജീ​വ​ന​ക്കാ​രു​മി​ല്ല.

താ​ൽ​ക്കാ​ലി​ക ജീ​വ​ന​ക്കാ​രു​ടെ സ​ഹാ​യ​ത്തോ​ടെ​യാ​ണ് ഡ​യാ​ലി​സി​സ്. പ​ര​വൂ​ർ ന​ഗ​ര​സ​ഭ, പൂ​ത​ക്കു​ളം, ചി​റ​ക്ക​ര പ​ഞ്ചാ​യ​ത്ത് എ​ന്നി​വി​ട​ങ്ങ​ളി​ലെ ഒ​ട്ടേ​റെ രോ​ഗി​ക​ളാ​ണ് ഡ​യാ​ലി​സി​സ് കേ​ന്ദ്ര​ത്തെ ആ​ശ്ര​യി​ച്ച്​ ചി​കി​ത്സ തു​ട​രു​ന്ന​ത്.

ജ​ന​റേ​റ്റ​ർ ഉ​ണ്ടെ​ങ്കി​ലും ഫ​ല​മി​ല്ല

നി​ല​വി​ലു​ള്ള ജ​ന​റേ​റ്റ​റി​ന് എ​ക്സ‌്റേ യൂ​നി​റ്റും മ​റ്റ് സം​വി​ധാ​ന​ങ്ങ​ളും പ്ര​വ​ർ​ത്തി​പ്പി​ക്കാ​നു​ള്ള ക്ഷ​മ​ത​യി​ല്ല. ഇ​തു​മൂ​ലം എ​ക്സ്റേ​ക്കാ​യി പ​ര​വൂ​രോ മ​റ്റേ​തെ​ങ്കി​ലും സ്ഥ​ല​ത്തേ​ക്കോ പോ​കേ​ണ്ട സ്ഥി​തി​യാ​ണ്. മു​റി​വ് പ​റ്റി ആ​ശു​പ​ത്രി​യി​ൽ എ​ത്തി​ക്കു​ന്ന​വ​രെ​യും വൈ​ദ്യു​തി​യി​ല്ലെ​ങ്കി​ൽ രാ​ത്രി​യി​ൽ മൊ​ബൈ​ൽ വെ​ളി​ച്ച​ത്തി​ലാ​ണ് പ​രി​ശോ​ധി​ക്കു​ന്ന​ത്.

പ​ല​പ്പോ​ഴും രോ​ഗി​ക​ളും ആ​ശു​പ​ത്രി ജീ​വ​ന​ക്കാ​രും ത​മ്മി​ൽ വാ​ക്കേ​റ്റ​വും ഉ​ണ്ടാ​യി​ട്ടു​ണ്ട്. ഐ.​സി.​യു, ഓ​പ​റേ​ഷ​ൻ തി​യ​റ്റ​ർ, ലാ​ബ് എ​ന്നി​വി​ട​ങ്ങ​ളി​ലേ​ക്കു​ള്ള വൈ​ദ്യു​തി ജ​ന​റേ​റ്റ​റി​ൽ​നി​ന്ന്​ ല​ഭി​ക്കു​ന്നു​ണ്ട്. വാ​ർ​ഡു​ക​ളി​ൽ ഓ​രോ ലൈ​റ്റും ഫാ​നും മാ​ത്ര​മാ​ണ് ജ​ന​റേ​റ്റ​റി​ൽ പ്ര​വ​ർ​ത്തി​ക്കു​ന്ന​ത്.