അനൂപ്
പരവൂർ: സുഹൃത്തായ യുവാവിനെ വാക്കുതർക്കത്തെ തുടർന്ന് കുത്തിപ്പരിക്കേൽപ്പിച്ചയാൾ പൊലീസ് പിടിയിലായി. പരവൂർ കോട്ടുവൻകോണം എസ്.എസ് സദനത്തിൽ അനൂപാണ് (32) പരവൂർ പൊലീസിന്റെ പിടിയിലായത്. കഴിഞ്ഞ തിങ്കളാഴ്ച വൈകീട്ട് ഏഴോടെ പരവൂർ സ്വദേശിയായ ധനേഷിനാണ് കുത്തേറ്റത്. കൂട്ടുകാർക്കൊപ്പം കോട്ടൂർകോണം അമ്പലത്തിന് സമീപമുള്ള സർവിസ് സെന്ററിനടുത്ത് ധനേഷ് സംസാരിച്ചുനിൽക്കവേ അവിടെയെത്തിയ അനൂപുമായി വാക്കുതർക്കം ഉണ്ടാകുകയായിരുന്നു.
തുടർന്ന് തന്റെ ഇരുചക്രവാഹനത്തിൽ സൂക്ഷിച്ചിരുന്ന കത്തി ഉപയോഗിച്ച് അനൂപ് ധനേഷിനെ ആക്രമിച്ചു. ധനേഷ് ഓടി രക്ഷപ്പെടാൻ ശ്രമിച്ചെങ്കിലും പ്രതി കുത്തിപ്പരിക്കേൽപിച്ചു. യുവാവിന്റെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത പരവൂർ പൊലീസ് പ്രതിയെ പിടികൂടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.