ശാസ്താംകോട്ട തടാകത്തിൽ നീർനായ ശല്യം

ശാ​സ്താം​കോ​ട്ട: ത​ടാ​ക​ത്തി​ൽ നീ​ർ​നാ​യ​ക​ളു​ടെ എ​ണ്ണം വ​ർ​ധി​ക്കു​ന്ന​താ​യി പ​രാ​തി. ഇ​ത്ത​ര​ത്തി​ലു​ള്ള ജീ​വി​ക​ളു​ടെ സാ​ന്നി​ധ്യം തീ​രെ കു​റ​വാ​യി​രു​ന്ന ത​ടാ​ക​ത്തി​ൽ 2018ലെ ​പ്ര​ള​യ​ത്തി​നു ശേ​ഷ​മാ​ണ് നീ​ർ​നാ​യ​ക​ളു​ടെ സാ​ന്നി​ധ്യം ക​ണ്ടു​വ​രു​ന്ന​ത്.

ആ​ദ്യ​കാ​ല​ങ്ങ​ളി​ൽ ഇ​വ​നി​ര​നി​ര​യാ​യി ഒ​ഴു​കി ന​ട​ക്കു​ന്ന​ത് ക​ണ്ട് മു​ത​ല​യാ​ണ് എ​ന്ന് തെ​റ്റി​ദ്ധ​രി​ച്ച് ജ​ന​ങ്ങ​ൾ​ക്കി​ട​യി​ൽ ആ​ശ​ങ്ക പ​ട​ർ​ന്നി​രു​ന്നു. ത​ടാ​ക തീ​ര​ങ്ങ​ളി​ൽ കൂ​ട്ട​ത്തോ​ടെ എ​ത്തു​ന്ന ഇ​വ ഭ​ക്ഷ​ണ​വി​സ​ർ​ജ്യ​ങ്ങ​ൾ ഉ​പേ​ക്ഷി​ക്കു​ക പ​തി​വാ​ണ്. ഇ​വ​യു​ടെ ആ​ക്ര​മ​ണം ഭ​യ​ന്നാ​ണ് ആ​ളു​ക​ൾ തീ​ര​ത്ത്​ ന​ട​ക്കു​ന്ന​ത്. മീ​നു​ക​ളാ​ണ് ഇ​വ​യു​ടെ ഭ​ക്ഷ​ണം.

നീ​ർ​നാ​യ​ക​ളു​ടെ എ​ണ്ണം വ​ർ​ധി​ച്ച​തോ​ടെ മ​ത്സ്യ സ​മ്പ​ത്തി​ന് കു​റ​വു​ള്ള​താ​യി മ​ത്സ്യ​ത്തൊ​ഴി​ലാ​ളി​ക​ളും ചൂ​ണ്ട​യി​ട്ട് മീ​ൻ പി​ടി​ക്കു​ന്ന വ​രും പ​രാ​തി പ​റ​യു​ന്നു. കൂ​ടാ​തെ ഇ​വ വ​ല​ക​ൾ ന​ശി​പ്പി​ക്കു​ക​യും ചെ​യ്യു​ന്നു. നീ​ർ​നാ​യ​ക​ളെ പി​ടി​കൂ​ടു​ന്ന​തി​നും നി​യ​ന്ത്രി​ക്കു​ന്ന​തി​നും വേ​ണ്ട ന​ട​പ​ടി ഉ​ണ്ടാ​ക​ണ​മെ​ന്ന് ആ​വ​ശ്യ​പ്പെ​ട്ട് ‘ന​മ്മു​ടെ കാ​യ​ൽ കൂ​ട്ടാ​യ്മ’ ക​ൺ​വീ​ന​ർ എ​സ്. ദി​ലീ​പ് കു​മാ​ർ സ​മു​ദ്ര പ​ഠ​ന സ​ർ​വ​ക​ലാ​ശാ​ല, ത​ണ്ണീ​ർ​ത്ത​ട അ​തോ​റി​റ്റി, ജി​ല്ല ക​ല​ക്ട​ർ എ​ന്നി​വ​രെ വി​വ​രം ധ​രി​പ്പി​ക്കു​ക​യും പ​രാ​തി ന​ൽ​കു​ക​യും ചെ​യ്തു.