പാലാ: വിവാഹ വാഗ്ദാനം നല്‍കി വാട്ട്‌സ് ആപ് ചാറ്റിങ്ങിലൂടെ പ്രായപൂര്‍ത്തിയാകാത്ത വിദ്യാർഥിനിയുടെ സ്വകാര്യചിത്രങ്ങള്‍ പകര്‍ത്തിയ യുവാവ് അറസ്റ്റില്‍. വയനാട് മാനന്തവാടി എക്കണ്ടി വീട്ടില്‍ മുഹമ്മദ് അജ്മലാണ് (21) പാലാ പൊലീസിൻെറ പിടിയിലായത്. പ്ലസ് ടു വിദ്യാര്‍ഥിനിയായ പെണ്‍കുട്ടിയുടെ ഉപരിപഠനത്തിനായാണ് മാതാപിതാക്കള്‍ മൊബൈല്‍ഫോണ്‍ വാങ്ങി നല്‍കിയത്. മൊബൈല്‍ ചാര്‍ജ് ചെയ്യുന്ന കടയിൽനിന്ന് അജ്മൽ ഫോണ്‍ നമ്പര്‍ കരസ്ഥമാക്കി വാട്ട്‌സ്ആപ്പിലൂടെ നിരന്തരം ബന്ധപ്പെട്ടുകൊണ്ടിരുന്നു. മാനസികനിലയില്‍ മാറ്റം വന്ന പെണ്‍കുട്ടി ആത്മഹത്യ പ്രവണതകള്‍ കാണിച്ചതോടെ മാതാപിതാക്കള്‍ പാലാ പൊലീസ് സ്റ്റേഷനിലെത്തി വിവരങ്ങള്‍ ധരിപ്പിക്കുകയായിരുന്നു. പാലായില്‍നിന്ന് വയനാട്ടിലേക്ക് മുങ്ങിയ പ്രതിയെ പൊലീസ് തന്ത്രപൂര്‍വം വിളിച്ചുവരുത്തി അറസ്റ്റ് ചെയ്യുകയായിരുന്നു. എസ്‌.ഐമാരായ അഭിലാഷ്, ഷാജി സെബാസ്റ്റ്യന്‍, എ.എസ്‌.ഐ ജോജന്‍ ജോര്‍ജ്, ബിജു കെ. തോമസ്, സീനിയര്‍ സി.പി.ഒ ഷെറിന്‍ സ്റ്റീഫന്‍ മാത്യു എന്നിവരുടെ നേതൃത്വത്തിലാണ് അറസ്റ്റ് ചെയ്തത്. ഫോണും ലാപ്ടോപ്പും പൊലീസ് പിടിച്ചെടുത്തിട്ടുണ്ട്. പോക്‌സോ വകുപ്പും പീഡനക്കേസുകളും പ്രതിക്കെതിരെ ചുമത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.