കോട്ടയം: ജില്ല ഭരണകൂടത്തിൻെറ ആഭിമുഖ്യത്തിൽ ലോക എയ്ഡ്സ് ദിനാചരണം ബുധനാഴ്ച ചങ്ങനാശ്ശേരി അസംപ്ഷൻ കോളജിൽ നടക്കും. 'അസമത്വങ്ങൾ ഇല്ലാതാക്കാം, എയ്ഡ്‌സും മഹാമാരികളും ഇല്ലാതാക്കാം' സന്ദേശത്തിലൂന്നിയ ദിനാചരണത്തിൻെറ ജില്ലതല ഉദ്ഘാടനം ഗവ. ചീഫ് വിപ്പ് ഡോ. എൻ. ജയരാജ് നിർവഹിക്കും. ജോബ് മൈക്കിൾ എം.എൽ.എ അധ്യക്ഷതവഹിക്കും. ജില്ല പഞ്ചായത്ത് പ്രസിഡൻറ് നിർമല ജിമ്മി മുഖ്യാതിഥിയാകും. ജില്ല മെഡിക്കൽ ഓഫിസർ ഡോ. എൻ. പ്രിയ മുഖ്യപ്രഭാഷണം നടത്തും. ചങ്ങനാശ്ശേരി നഗരസഭാധ്യക്ഷ സന്ധ്യ മനോജ് എയ്ഡ്സ് ദിന പ്രതിജ്ഞ ചൊല്ലിക്കൊടുക്കും. ബുധനാഴ്ച രാവിലെ 10 മുതൽ കോളജ് ഓഡിറ്റോറിയത്തിൽ സോഷ്യൽ വർക്ക് ഡിപ്പാർട്മൻെറിൻെറ നേതൃത്വത്തിൽ രക്തദാന ക്യാമ്പ് സംഘടിപ്പിക്കും. ചൊവ്വാഴ്ച വൈകീട്ട് ആറിന് ഗാന്ധി സ്‌ക്വയറിൽ നടക്കുന്ന സ്നേഹദീപം തെളിക്കൽ തിരുവഞ്ചൂർ രാധാകൃഷ്ണൻ എം.എൽ.എ. ഉദ്ഘാടനം ചെയ്യും ഫ്ലാഷ് മോബും തെരുവ് നാടകവും ജില്ലയിലെ വിവിധ കോളജുകളിലെ സോഷ്യൽ വർക്ക് വിദ്യാർഥികൾ എയ്ഡ്സ് ദിനാചരണത്തിൻെറ ഭാഗമായി വിവിധ സ്ഥലങ്ങളിൽ ഫ്ലാഷ് മോബും തെരുവുനാടകവും അവതരിപ്പിക്കും. ചൊവ്വാഴ്ച വൈകീട്ട് മൂന്നിന് കോട്ടയം റെയിൽവേ സ്റ്റേഷനിലും വൈകീട്ട് 5.30ന് ഗാന്ധി സ്‌ക്വയറിലും രാമപുരം മാർ അഗസ്തിനോസ് കോളജ് വിദ്യാർഥികൾ ഫ്ലാഷ് മോബ് അവതരിപ്പിക്കും. ഗാന്ധി സ്‌ക്വയറിൽ ബി.സി.എം കോളജ് വിദ്യാർഥികളുടെ തെരുവു നാടകവും അരങ്ങേറും. ഡിസംബർ ഒന്നിന് രാവിലെ 10.30ന് കോട്ടയം റെയിൽവേ സ്റ്റേഷനിലും 11.30ന് നാഗമ്പടം ബസ് സ്റ്റാൻഡിലും മാന്നാനം കെ.ഇ. കോളജ് വിദ്യാർഥികൾ ഫ്ലാഷ് മോബ് അവതരിപ്പിക്കും. ഉച്ചക്ക് 12ന് നാഗമ്പടം ബസ് സ്റ്റാൻഡിൽ ബി.സി.എം കോളജ് വിദ്യാർഥികൾ തെരുവുനാടകം അവതരിപ്പിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.