പാലാ: പൂഞ്ഞാര്‍ തോമസ് മാഷ് അക്കാദമിയുടെ കുതിപ്പിൻെറ കഥ ആവര്‍ത്തിച്ച് ജില്ല അത്‌ലറ്റിക് മീറ്റിന് തുടക്കം. ആദ്യദിനത്തില്‍ 21 സ്വര്‍ണവും 13 വെള്ളിയും 17 വെങ്കലവും ഉള്‍പ്പെടെ 341 പോയൻറ് നേടി തോമസ് മാഷ് അക്കാദമി ബഹുദൂരം മുന്നിലാണ്. പാലാ അല്‍ഫോന്‍സ അത്‌ലറ്റിക് അക്കാദമി 154 പോയൻറുനേടി രണ്ടാമതുണ്ട്. പാലാ സ്‌പോര്‍ട്‌സ് അക്കാദമി 76 പോയൻറ് നേടി മൂന്നാമതാണ്. 18 സ്ഥാപനങ്ങളാണ് മീറ്റില്‍ പങ്കെടുക്കുന്നത്. 14 വയസ്സില്‍ താഴെ 16 വയസ്സില്‍ താഴെ,18 വയസ്സില്‍ താഴെ , 20 വയസ്സില്‍ താഴെ, മുതിര്‍ന്നവര്‍ എന്നീ ഇനങ്ങളിലായാണ് മത്സരം. 20 വയസ്സില്‍ താഴെയുള്ള പെണ്‍കുട്ടികള്‍, വനിതകള്‍, 20 വയസ്സില്‍ താഴെ ആണ്‍കുട്ടികള്‍, പുരുഷവിഭാഗം എന്നീ വിഭാഗങ്ങളിലൊഴിച്ച് മറ്റെല്ലാ വിഭാഗങ്ങളിലും തോമസ് മാഷ് അക്കാദമിയാണ് മുന്നില്‍. 43 ഇനങ്ങളിലാണ് വ്യാഴാഴ്ച മത്സരങ്ങള്‍ നടന്നത്. ശനിയാഴ്ച സമാപിക്കും. രണ്ടു വര്‍ഷം മുമ്പ് തോമസ് മാഷ് അക്കാദമി വേള്‍ഡ് മലയാളി കൗണ്‍സിൽ സഹായത്തോടെ ആരംഭിച്ചതു മുതല്‍ ജില്ലയിലെ കായികമേളകളില്‍ അവരുടെ ആധിപത്യമാണ്. കഴിഞ്ഞ വര്‍ഷം കോവിഡ് പശ്ചാത്തലത്തില്‍ ജില്ല അത്‌ലറ്റിക് മീറ്റ് ട്രയല്‍ റണ്‍ അടിസ്ഥാനത്തില്‍ മാത്രമാണ് നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.