മികച്ച സ്റ്റേഷനായി തെരഞ്ഞെടുക്കപ്പെട്ട ചങ്ങനാശ്ശേരി സ്റ്റേഷനുള്ള ട്രോഫി ജില്ല പൊലീസ് മേധാവി ഷാഹുൽഹമീദിൽ നിന്ന് എസ്.എച്ച്.ഒ ബി. വിനോദ് കുമാർ ഏറ്റുവാങ്ങുന്നു
കോട്ടയം: ജില്ലയിലെ കഴിഞ്ഞമാസത്തെ പ്രവർത്തനമികവിന്‍റെ അടിസ്ഥാനത്തിൽ മികച്ച സ്റ്റേഷനായി വീണ്ടും ചങ്ങനാശ്ശേരി സ്റ്റേഷനെയും, മികച്ച സബ് ഡിവിഷനായി വൈക്കം സബ് ഡിവിഷനെയും തെരഞ്ഞെടുത്തു.
കഴിഞ്ഞമാസവും ചങ്ങനാശ്ശേരി യായിരുന്നു മികച്ച സ്റ്റേഷന്‍. മികച്ച സബ് ഡിവിഷനായി തെരഞ്ഞെടുക്കപെട്ട വൈക്കത്തെ പ്രതിനിധീകരിച്ച് വൈക്കം ഡിവൈ.എസ്.പി സിബിച്ചൻ ജോസഫും, ചങ്ങനാശ്ശേരിയെ പ്രതിനിധീകരിച്ച് എസ്.എച്ച്.ഒ ബി. വിനോദ് കുമാറും ജില്ല പൊലീസ് മേധാവി ഷാഹുൽഹമീദിൽ നിന്ന് ട്രോഫി ഏറ്റുവാങ്ങി.
ജില്ലയിൽ മികച്ച സേവനം കാഴ്ചവെച്ച ചങ്ങനാശ്ശേരി ഡിവൈ.എസ്.പി എ.കെ വിശ്വനാഥൻ, ചങ്ങനാശ്ശേരി എസ്.എച്ച്.ഒ ബി. വിനോദ് കുമാർ, തൃക്കൊടിത്താനം എസ്.എച്ച്.ഒ അരുണ്‍ എം.ജെ. കറുകച്ചാല്‍ എസ്.എച്ച്.ഒ പ്രശോഭ് കെ.കെ തുടങ്ങിയ ഉദ്യോഗസ്ഥർക്ക് ജില്ല പൊലീസ് മേധാവി പ്രശംസാപത്രം നൽകി. ചടങ്ങിൽ അഡീഷനൽ എസ്.പി വിനോദ് പിള്ള, ജില്ലയിലെ ഡിവൈ.എസ്.പിമാരും, എസ്.എച്ച്.ഒമാരും മറ്റുദ്യോഗസ്ഥരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.