കൊച്ചുപള്ളം പാടശേഖരത്തിൽ മടവീണ്​ വ്യാപക കൃഷിനാശം

കോ​ട്ട​യം: പ​ള്ള​ത്തെ കൊ​ച്ചു​പ​ള്ളം പാ​ട​ശേ​ ഖ​ര​ത്തി​ൽ മ​ട വീ​ണ്​ വ്യാ​പ​ക കൃ​ഷി​നാ​ശം. ചൊ​വ്വാ​ഴ്ച പു​ല​ർ​ച്ച മൂ​ന്നോ​ടെ​യാ​ണ് സം​ഭ​വം. ന​ഗ​ര​സ​ഭ 39ാം വാ​ർ​ഡി​ലാ​ണ്​ കൊ​ച്ചു​പ​ള്ളം പാ​ട​ശേ​ഖ​രം സ്ഥി​തി​ചെ​യ്യു​ന്ന​ത്. രാ​ത്രി​യു​ണ്ടാ​യ മ​ഴ​യി​ൽ മ​ട ത​ക​ർ​ന്ന്​ പ​ള്ളം തോ​ട്ടി​ൽ​നി​ന്ന്​ പാ​ട​ശേ​ഖ​ര​ത്തി​ലേ​ക്ക് വെ​ള്ളം ഇ​ര​ച്ചു​ക​യ​റു​ക​യാ​യി​രു​ന്നു. ശ​ബ്​​ദം​കേ​ട്ട്​ എ​ത്തി​യ ക​ർ​ഷ​ക​രാ​ണ്​ സം​ഭ​വം അ​റി​യു​ന്ന​ത്. 45ല​ധി​കം ക​ർ​ഷ​ക​രു​ടെ 65 ഏ​ക്ക​റോ​ളം വ​രു​ന്ന കൃ​ഷി​യാ​ണ്​ ഒ​റ്റ​ദി​വ​സം കൊ​ണ്ട്​ ന​ശി​ച്ച​ത്. ക​ഴി​ഞ്ഞ​ദി​വ​സം ആ​രം​ഭി​ച്ച പു​ഞ്ച​കൃ​ഷി പാ​ട​ശേ​ഖ​ര​ത്തി​ലേ​ക്കാ​ണ്​ ​മ​ട​പൊ​ട്ടി വെ​ള്ളം ഇ​ര​ച്ചു​ക​യ​റി​യ​ത്. തോ​ട്ടി​ലെ​യും മ​ട​യി​ലെ​യും വെ​ള്ളം വ​ലി​ഞ്ഞാ​ൽ മാ​ത്ര​മേ മ​ട പൂ​ർ​വ​സ്ഥി​തി​യി​ലാ​ക്ക​ൻ സാ​ധി​ക്കൂ.

പ​ള്ള​ത്ത്​ ബ​ണ്ട്​ സ്ഥാ​പി​ക്ക​ണ​മെ​ന്ന​ത്​ ക​ർ​ഷ​ക​രു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ്. എ​ന്നാ​ൽ, അ​ധി​കൃ​ത​രോ സ​ർ​ക്കാ​റോ ക​ർ​ഷ​രു​ടെ ആ​വ​ശ്യം കേ​ട്ട മ​ട്ടി​ല്ലെ​ന്നാ​ണ്​ നി​ല​പാ​ടാ​ണ്​ സ്വീ​ക​രി​ക്കു​ന്ന​തെ​ന്ന്​ പ​രാ​തി​യു​ണ്ട്. ഇ​തി​ന്​​ മു​മ്പും പാ​ട​ശേ​ഖ​ര​ത്തി​ൽ സ​മാ​ന​മാ​യി മ​ട വീ​ണി​രു​ന്നു.

അ​പ്പോ​ഴും പു​തി​യ ബ​ണ്ട്​ എ​ന്ന ആ​വ​ശ്യം ഉ​ന്ന​യി​ച്ചെ​ങ്കി​ലും അ​ധി​കൃ​ത​ർ മു​ഖം​തി​രി​ക്കു​ക​യാ​യി​രു​ന്നു. മാ​ത്ര​മ​ല്ല കൃ​ഷി​നാ​ശ​ത്തി​ന്​ ആ​വ​ശ്യ​മാ​യ ന​ഷ്ട​പ​രി​ഹാ​ര​വും അ​നു​വ​ദി​ച്ചി​​ല്ലെ​ന്നും ആ​ക്ഷേ​പ​മു​ണ്ട്. ഒ​രു​വ​ർ​ഷം മു​മ്പ്​ മു​നി​സി​പ്പാ​ലി​റ്റി​യി​ൽ​നി​ന്നും മ​ട സ​ന്ദ​ർ​ശി​ച്ച്​ പു​തി​യ​ത്​ നി​ർ​മി​ക്കാ​ൻ ഒ​രു​ല​ക്ഷം രൂ​പ അ​നു​വ​ദി​ച്ചി​രു​ന്നു. എ​ന്നാ​ൽ, കോ​ൺ​ട്രാ​ക്ട​റു​മാ​യു​ള്ള ത​ർ​ക്കം​മൂ​ലം തു​ക ലാ​പ്സാ​വു​ക​യാ​യി​രു​ന്നു.

200 മീ​റ്റ​ർ ക​ൽ ബ​ണ്ട്​ കെ​ട്ടി​യാ​ൽ പ്ര​ശ്ന​ത്തി​ന്​ താ​ൽ​ക്കാ​ലി​ക ആ​ശ്വാ​സ​മു​ണ്ടാ​കു​മെ​ന്നും ക​ർ​ഷ​ക​ർ പ​റ​യു​ന്നു. വ​രും​ദി​വ​സ​ങ്ങ​ളി​ൽ ശ​ക്ത​മാ​യ തു​ലാ​മ​ഴ​യു​ടെ സാ​ഹ​ച​ര്യം നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ അ​ടി​യ​ന്ത​ര പ​രി​ഹാ​രം കാ​ണ​ണ​മെ​ന്നാ​ണ്​ ക​ർ​ഷ​ക​രു​ടെ ആ​വ​ശ്യം. പ​ള്ളം കൃ​ഷി ഓ​ഫി​സ​ർ, വാ​ർ​ഡ്​ കൗ​ൺ​സി​ല​ർ എ​ന്നി​വ​ർ പാ​ട​ശേ​ഖ​രം സ​ന്ദ​ർ​ശി​ച്ചു. ന​ഷ്ടം വി​ല​യി​രു​ത്തി ആ​വ​ശ്യ​ന​ട​പ​ടി സ്വീ​ക​രി​ക്കു​മെ​ന്ന്​ അ​ധി​കൃ​ത​ർ അ​റി​യി​ച്ചു.