എരുമേലി: സ്വകാര്യ ബസ് ജീവനക്കാരനെ ആക്രമിച്ച കേസിൽ യുവാവ് പിടിയിൽ. എരുമേലി നെടുങ്കാവ് വയൽ ഭാഗത്ത് താന്നിക്കൽ പുരയിടത്തിൽ കബീറിനെയാണ് (29) എരുമേലി പൊലീസ് അറസ്റ്റ് ചെയ്തത്.
കഴിഞ്ഞദിവസം വൈകീട്ട് എരുമേലി ബസ് സ്റ്റാൻഡിലായിരുന്നു സംഭവം. ഇയാളുടെ ബന്ധുവായ സ്കൂൾ വിദ്യാർഥിനിയായ പെൺകുട്ടിയോട് ബസ് ജീവനക്കാരൻ അപമാര്യാദയായി പെരുമാറി എന്ന് ആരോപിച്ചായിരുന്നു ആക്രമണം. ബിയർ കുപ്പികൊണ്ട് തലക്ക് അടിക്കുകയും ചെയ്തിരുന്നു.
സംഭവത്തിനുശേഷം ഇയാൾ ഒളിവിൽ പോവുകയായിരുന്നു. എരുമേലി സ്റ്റേഷൻ എസ്.എച്ച്.ഒ അനിൽകുമാർ വി.വി, എസ്.ഐമാരായ അനീഷ് എം.എസ്, അബ്ദുൽ അസീസ്, എ.എസ്.ഐ ബെന്നി, സി.പി.ഒ ഷഫീഖ് എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.