ഗാന്ധിനഗർ: പാറമ്പുഴയിൽ സ്വകാര്യ കോളജിലെ വിദ്യാർഥികളും നാട്ടുകാരും തമ്മിൽ സംഘർഷം. മർദനമേറ്റ പ്രദേശവാസികളായ രണ്ടുപേരെ മെഡിക്കൽ കോളജിൽ ചികിത്സയിൽ പ്രവേശിപ്പിച്ചു.
പാറമ്പുഴ പുതിയാറ ചന്ദ്രൻ പിള്ള (75), മറ്റത്തിൽ ഷാജി (56) എന്നിവർക്കാണ് പരിക്കേറ്റത്. വെള്ളിയാഴ്ച രാത്രി 9.30ഓടെയാണ് സംഭവം. കോളജ് കവാടത്തിന് സമീപമാണ് അക്രമം അരങ്ങേറിയത്. ഇവർ കോളജിലേക്ക് കയറുന്നതിനിടെ മുന്നിൽപോയ ഓട്ടോ സിഗ്നൽ ഇട്ടതിനെ ചൊല്ലി വാക്തർക്കം ഉണ്ടാവുകയും തടർന്ന് അത് സംഘർഷമായി മാറുകയുമായിരുന്നു.
സംഘർഷം കണ്ടാണ് സമീപത്തെ വീടി‍െൻറ മുൻവശത്തിരുന്ന ചന്ദ്രൻപിള്ള അവിടേക്ക് എത്തിയത്. മുൻപരിചയമുണ്ടായിരുന്ന വിദ്യാർഥികളെ പറഞ്ഞു സമാധാനിപ്പിക്കാനാണ് ഇദ്ദേഹം എത്തിയത്. എന്നാൽ, വിദ്യാർഥികൾ ചന്ദ്രൻപിള്ളക്കെതിരെ തിരിയുകയായിരുന്നു. ചന്ദ്രൻപിള്ളയെ മർദിക്കുന്നത് കണ്ട് ഓടിവന്ന ഷാജിയെയും വിദ്യാർഥികൾ മർദിച്ചു. നാല് ആൺകുട്ടിയും രണ്ട് പെൺകുട്ടിയും ഉൾപ്പെട്ട സംഘമാണ് ആക്രമണം നടത്തിയതെന്ന് നാട്ടുകാർ പറയുന്നു. വിവരമറിഞ്ഞ് ഗാന്ധിനഗർ പൊലീസെത്തി വിദ്യാർഥികളെ കസ്റ്റഡിയിലെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.