പ്രമോദ്
ഗാന്ധിനഗർ: വീട്ടിൽ അതിക്രമിച്ചു കയറി ഗൃഹനാഥനെ കൊലപ്പെടുത്താൻ ശ്രമിച്ച കേസിൽ ഒരാൾ അറസ്റ്റിൽ. പെരുമ്പായിക്കാട് നട്ടാശ്ശേരി വായനശാല ഭാഗത്ത് ഊമ്പക്കാട്ട് വീട്ടിൽ പ്രമോദാണ് (47) അറസ്റ്റിലായത്. ഇയാൾ ഈ മാസം 11ന് രാത്രി വായനശാല ഭാഗത്തുള്ള സുമേഷിനെ വീട്ടിൽ അതിക്രമിച്ചു കയറി കറിക്കത്തിക്ക് കുത്തിക്കൊലപ്പെടുത്താൻ ശ്രമിക്കുകയായിരുന്നു.
മദ്യപാനിയായ പ്രമോദിനെ കുറച്ചു ദിവസങ്ങൾക്ക് മുമ്പ് സുമേഷ് ചികിത്സക്കു കൊണ്ടുപോയതിലെ വിരോധമാണ് ആക്രമണകാരണം. ഇയാൾക്ക് ഗാന്ധിനഗർ സ്റ്റേഷനിൽ രണ്ട് അടിപിടി കേസ് നിലവിലുണ്ട്. എസ്.എച്ച്.ഒ കെ. ഷിജി, എസ്.ഐ പ്രദീപ് ലാൽ, മാർട്ടിൻ അലക്സ്, സി.പി.ഒ സെബാസ്റ്റ്യൻ ജോർജ് എന്നിവരും അന്വേഷണ സംഘത്തിൽ ഉണ്ടായിരുന്നു. കോടതിയിൽ ഹാജരാക്കി ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.