ജില്ല ആശുപത്രിയിൽ കാഷ്​ കൗണ്ടർ ക്യൂവിൽ തന്നെ; കാത്തിരുന്ന്​ മടുത്ത്​ ഇല്ലാത്ത രോഗം പിടിക്കുമോ​?

കോ​ട്ട​യം: ദി​നം​പ്ര​തി നൂ​റു​ക​ണ​ക്കി​ന്​ രോ​ഗി​ക​ളെ​ത്തു​ന്ന ജി​ല്ല ജ​ന​റ​ൽ ആ​ശു​പ​ത്രി​യി​ൽ ആ​കെ​യു​ള്ള​ത്​ ഒ​റ്റ കാ​ഷ്​ കൗ​ണ്ട​ർ മാ​​ത്രം. പ​ല വി​ഭാ​ഗ​ങ്ങ​ളി​ലെ​ വി​വി​ധ സേ​വ​ന​ങ്ങ​ൾ​ക്ക്​ പ​ണ​മ​ട​ക്കാ​നെ​ത്തു​ന്ന​വ​ർ വ​രി​നി​ന്ന്​ മ​ടു​ക്കു​ന്നു. മെ​ഡി​ക്ക​ൽ കോ​ള​ജി​ലും മ​റ്റ്​ സ്വ​കാ​ര്യ ആ​ശു​പ​ത്രി​ക​ളി​ലു​മ​ട​ക്കം ഗൂ​ഗി​ൾ​പേ, സ്കാ​നി​ങ്​ സം​വി​ധാ​ന​ങ്ങ​ൾ നി​ല​വി​ൽ വ​ന്നി​ട്ടും ജി​ല്ല ജ​ന​റ​ൽ ആ​ശു​പ​ത്രി​യി​ൽ എ​ല്ലാം പ​ഴ​യ പ​ടി ത​ന്നെ. പ​ണം ഓ​ൺ​ലൈ​നി​ൽ അ​ട​ക്കാ​ൻ സൗ​ക​ര്യ​മൊ​രു​ക്കാ​ൻ ആ​ശു​പ​ത്രി മാ​നേ​ജ്​​മെ​ന്‍റ്​ ക​മ്മി​റ്റി​യി​ൽ പ​ല ത​വ​ണ ആ​വ​ശ്യ​മു​യ​ർ​ന്നി​രു​ന്നു.

ചെ​യ്യാം എ​ന്ന മ​റു​പ​ടി​യ​ല്ലാ​തെ ന​ട​പ​ടി​ക​ളു​ണ്ടാ​വു​ന്നി​ല്ല. ലാ​ബ്, ഇ.​സി.​ജി, എ​ക്സ്​​റേ തു​ട​ങ്ങി​യ എ​ല്ലാ സെ​ക്ഷ​നി​ലും സ്കാ​ന​ർ വെ​ച്ചാ​ൽ രോ​ഗി​ക​ൾ​ക്കും ജീ​വ​ന​ക്കാ​ർ​ക്കും ഏ​റെ സ​മ​യം ലാ​ഭി​ക്കാം. ആ​രോ​ഗ്യ​സു​ര​ക്ഷാ​പ​ദ്ധ​തി ഓ​ഫി​സി​ന്​ സ​മീ​പ​ത്താ​ണ്​ ആ​ശു​പ​ത്രി​യി​ലെ ഏ​ക കാ​ഷ്​ കൗ​ണ്ട​ർ. ബി​ൽ എ​ഴു​തി ന​ൽ​കി പ​ണം വാ​ങ്ങു​ന്ന സം​വി​ധാ​ന​മാ​യ​തി​നാ​ൽ ഇ​വി​ടെ കാ​ത്തു​നി​ന്ന്​ മു​ഷി​യും. ഡോ​ക്ട​​റെ ക​ണ്ട ശേ​ഷം പ​രി​ശോ​ധ​ന​ക​ൾ ന​ട​ത്തി പ​ണ​മ​ട​ച്ച്​ വീ​ണ്ടും ചെ​ല്ലു​മ്പോ​ഴേ​ക്കും ഒ.​പി സ​മ​യം ക​ഴി​യും. രോ​ഗി​ക​ൾ പ​ല ത​വ​ണ പ​രാ​തി പ​റ​ഞ്ഞെ​ങ്കി​ലും അ​ധി​കൃ​ത​ർ കേ​ട്ട​മ​ട്ടി​ല്ല. ഓ​ൺ​ലൈ​ൻ ആ​കു​ന്ന​തോ​​ടെ ത​ട്ടി​പ്പി​നു​ള്ള സാ​ധ്യ​ത കു​റ​യും. സ്​​റ്റേ​റ്റ്​​മെ​ന്‍റ്​ എ​ടു​ത്താ​ൽ​ കൃ​ത്യ​മാ​യ ക​ണ​ക്ക്​ അ​റി​യാ​നു​മാ​വും. എ​ന്നാ​ൽ തീ​രു​മാ​ന​ങ്ങ​ൾ എ​ടു​ക്കു​ക എ​ന്ന​ല്ലാ​തെ ആ​രു ന​ട​പ്പാ​ക്കു​മെ​ന്ന്​ ആ​ർ​ക്കും പി​ടി​യി​ല്ല. ആ​ശു​പ​ത്രി മാ​നേ​ജ്​​മെ​ന്‍റ്​ ക​മ്മി​റ്റി​യി​ൽ പ​ല ത​വ​ണ ആ​വ​ശ്യ​മു​ന്ന​യി​ച്ചി​രു​ന്നു. എ​ന്താ​ണ്​​ സാ​​ങ്കേ​തി​ക ത​ട​സ്സ​മെ​ന്ന്​ മാ​ത്രം വ്യ​ക്​​ത​മ​ല്ല.