കോട്ട‍യത്ത് കാറും ലോറിയും കൂട്ടിയിടിച്ച് രണ്ടു മരണം

കോട്ടയം: മോനിപ്പള്ളിയിൽ കാറും ലോറിയും കൂട്ടിയിടിച്ച് രണ്ടു പേർ മരിച്ചു. പത്തനംതിട്ട സ്വദേശികളായ മനോജ്, കുട്ടൻ എന്നിവരാണ് മരിച്ചത്.

ചൊവ്വാഴ്ച പുലർച്ചെ 5.30ഓടെയായിരുന്നു അപകടം. ബന്ധുവിനെ വിമാനത്താവളത്തിലാക്കി മടങ്ങുകയായിരുന്നു യുവാക്കൾ.

മോനിപ്പള്ളിയിൽ വെച്ച് നിയന്ത്രണംവിട്ട കാറും ലോറിയും കൂട്ടിയിടിക്കുകയായിരുന്നു. കാറിൽ ഇടിച്ച ലോറി സമീപത്തെ തോട്ടിലേക്ക് വീണു.