സമരകേന്ദ്രമായി വീണ്ടും പാഡി ഓഫിസ്

കോ​ട്ട​യം: തി​രു​വാ​ർ​പ്പ്​ മാ​ടേ​ക്കാ​ട്​ പാ​ട​ശേ​ഖ​ര​ത്തെ​യും കു​റി​ച്ചി മ​ണ്ണ​ങ്ക​ര കു​റി​ഞ്ഞി​ക്കാ​ട്​ പാ​ട​ശേ​ഖ​ര​ത്തി​ലെ​യും നെ​ല്ല്​ സം​ഭ​രി​ക്കാ​ത്ത​തി​ൽ പ്ര​തി​ഷേ​ധി​ച്ച്​ നെ​ൽ​ക​ർ​ഷ​ക സം​ര​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ൽ ക​ർ​ഷ​ക​ർ പാ​ഡി ഓ​ഫി​സ്​ ഉ​പ​രോ​ധി​ച്ചു.

വൈ​കീ​ട്ട്​ അ​ഞ്ചു​മ​ണി​ക്കു​ശേ​ഷ​വും പാ​ഡി മാ​ർ​ക്ക​റ്റി​ങ്​ ഓ​ഫി​സ​ർ അ​ട​ക്കം ജീ​വ​ന​ക്കാ​രെ ത​ട​ഞ്ഞു​​വെ​ച്ച​തി​നെ​തു​ട​ർ​ന്ന്​ പൊ​ലീ​സ്​ സ​മ​ര​ക്കാ​രെ ബ​ലം പ്ര​യോ​ഗി​ച്ച്​ മാ​റ്റാ​ൻ ശ്ര​മി​ച്ച​ത്​ ഏ​റെ​നേ​രം വാ​ക്കേ​റ്റ​ത്തി​നി​ട​യാ​ക്കി. പൊ​ലീ​സും സ​മ​ര​ക്കാ​രു​മാ​യി ഉ​ന്തും ത​ള്ളു​മു​ണ്ടാ​യി. അ​ടു​ത്ത ദി​വ​സം മി​ല്ലു​കാ​രു​മാ​യി സ്​​റ്റേ​ഷ​നി​ൽ ച​ർ​ച്ച വെ​ക്കാ​മെ​ന്ന്​ വെ​സ്റ്റ്​ എ​സ്.​എ​ച്ച്.​ഒ പ​റ​ഞ്ഞെ​ങ്കി​ലും പാ​ഡി ഓ​ഫി​സ​ർ ഉ​റ​പ്പു​പ​റ​യാ​തെ ഉ​പ​രോ​ധം പി​ൻ​വ​ലി​ക്കി​ല്ലെ​ന്ന്​ ​സ​മ​ര​ക്കാ​ർ പ​റ​ഞ്ഞു.

മാ​ടേ​ക്കാ​ട്​ പാ​ട​ശേ​ഖ​ര​ത്തി​ൽ 175 ഏ​ക്ക​റി​ലെ നെ​ല്ല്​ ര​ണ്ടു കി​ലോ കി​ഴി​വി​ൽ മി​ല്ലു​കാ​ർ എ​ടു​ത്തി​രു​ന്നു. എ​ന്നാ​ൽ, പി​ന്നീ​ട്​ മി​ല്ലു​കാ​ർ പി​ൻ​മാ​റി. ര​ണ്ടാ​മ​തെ​ത്തി​യ മി​ല്ലു​കാ​ർ 22 കി​ലോ കി​ഴി​വാ​ണ്​ ആ​വ​ശ്യ​പ്പെ​ടു​ന്ന​ത്. പ​ര​മാ​വ​ധി അ​ഞ്ചു​കി​ലോ വ​​രെ കി​ഴി​വ്​ ന​ൽ​കാ​ൻ ത​ങ്ങ​ൾ ത​യാ​റാ​ണെ​ന്നും 22 കി​ലോ അ​നു​വ​ദി​ക്കാ​നാ​വി​ല്ലെ​ന്നു​മാ​ണ്​ ക​ർ​ഷ​ക​ർ പ​റ​യു​ന്ന​ത്. ഇ​നി ആ​റു​ലോ​ഡ്​ നെ​ല്ലാ​ണ്​ ഇ​വി​ടെ എ​ടു​ക്കാ​നു​ള്ള​ത്. തി​രു​വാ​ർ​പ്പി​ൽ സം​ഭ​ര​ണം നി​ർ​ത്തി​യ മി​ല്ലു​കാ​രെ ക​രി​മ്പ​ട്ടി​ക​യി​ൽ​പെ​ടു​ത്ത​ണ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ട്ടു.

മ​ണ്ണ​ങ്ക​ര പാ​ട​ശേ​ഖ​ര​ത്തി​ൽ നെ​ല്ല്​ സം​ഭ​ര​ണം തു​ട​ങ്ങി​യി​ട്ടി​ല്ല. 15 കി​ലോ കി​ഴി​വാ​ണ്​ ഇ​വി​​ടെ ആ​വ​ശ്യ​​പ്പെ​ടു​ന്ന​ത്. പാ​ഡി ഓ​ഫി​സ​റെ ഉ​പ​രോ​ധ​ത്തി​നി​ടെ ​വ​നി​ത പൊ​ലീ​സ്​ ഉ​ദ്യോ​ഗ​സ്ഥ​യും സ​മ​ര​ക്കാ​രും ത​മ്മി​ൽ വാ​ക്കേ​റ്റ​മു​ണ്ടാ​യി. ജോ​ലി ത​ട​സ്സ​പ്പെ​ടു​ത്തി​യാ​ൽ കേ​സെ​ടു​ക്കു​മെ​ന്ന്​ പൊ​ലീ​സ്​ ഉ​ദ്യോ​ഗ​സ്ഥ പ​റ​ഞ്ഞ​താ​ണ്​ വാ​ക്കേ​റ്റ​ത്തി​ന്​ കാ​ര​ണ​മാ​യ​ത്. ​

തീ​രു​മാ​ന​മാ​വാ​തെ ത​ങ്ങ​ൾ പി​രി​ഞ്ഞു​പോ​കി​​ല്ലെ​ന്ന്​ പ്ര​ഖ്യാ​പി​ച്ച സ​മ​ര​ക്കാ​ർ പാ​ഡി ഓ​ഫി​സി​ൽ കു​ത്തി​യി​രി​പ്പ്​ തു​ട​രു​ക​യാ​ണ്. ഡി.​സി.​സി പ്ര​സി​ഡ​ന്‍റ്​ നാ​ട്ട​കം സു​രേ​ഷ്, നെ​ൽ​ക​ർ​ഷ​ക സം​ര​ക്ഷ​ണ​സ​മി​തി ഭാ​ര​വാ​ഹി​ക​ളാ​യ വി.​ജെ. ലാ​ലി, റ​ജീ​ന തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ്​ ഉ​പ​രോ​ധം. വെ​സ്റ്റ്​ പൊ​ലീ​സ്​ സ്ഥ​ല​ത്തു​ണ്ട്.

ദി​വ​സ​ങ്ങ​ളാ​യി ക​ർ​ഷ​ക​ർ പാ​ഡി ഓ​ഫി​സ്​ ക​യ​റി​യി​റ​ങ്ങാ​ൻ തു​ട​ങ്ങി​യി​ട്ട്. ശ​നി​യാ​ഴ്ച നെ​ൽ​ക​ർ​ഷ​ക​സം​ര​ക്ഷ​ണ​സ​മി​തി ഓ​ഫി​സ്​ ഉ​പ​രോ​ധി​ക്കു​ക​യും പൊ​ലീ​സ്​​ ഇ​വ​രെ ബ​ലം പ്ര​യോ​ഗി​ച്ച്​ നീ​ക്കു​ക​യും ചെ​യ്​​​തി​രു​ന്നു.