യാക്കോബായ സഭ: ജോസഫ് മാർ ഗ്രിഗോറിയോസിന്‍റെ സ്ഥാനാരോഹണം ഇന്ന്

കൊ​ച്ചി: യാ​ക്കോ​ബാ​യ സ​ഭ​യു​ടെ പു​തി​യ കാ​തോ​ലി​ക്ക ബാ​വ​യാ​യി ജോ​സ​ഫ് മാ​ർ ഗ്രി​ഗോ​റി​യോ​സ് മെ​ത്രാ​പ്പോ​ലീ​ത്ത​യു​ടെ സ്ഥാ​നാ​രോ​ഹ​ണം ചൊ​വ്വാ​ഴ്ച ന​ട​ക്കും. ല​ബ​നാ​നി​ലെ പാ​ത്രി​യാ​ർ​ക്ക അ​ര​മ​ന​യോ​ട് ചേ​ർ​ന്നു​ള്ള സെ​ന്‍റ്​ മേ​രീ​സ് ക​ത്തീ​ഡ്ര​ലി​ൽ ഇ​ന്ത്യ​ൻ​സ​മ​യം വൈ​കീ​ട്ട് ഏ​ഴ​ര​യോ​ടെ​യാ​ണ് വാ​ഴി​ക്ക​ൽ ച​ട​ങ്ങു​ക​ൾ.

ച​ട​ങ്ങു​ക​ൾ​ക്ക് സ​ഭ​യു​ടെ പ​ര​മാ​ധ്യ​ക്ഷ​നാ​യ ഇ​ഗ്നാ​ത്തി​യോ​സ് അ​പ്രേം ര​ണ്ടാ​മ​ൻ പാ​ത്രി​യാ​ർ​ക്കീ​സ് ബാ​വ കാ​ർ​മി​ക​ത്വം വ​ഹി​ക്കും. സ​ഭ​യി​ലെ മെ​ത്രാ​പ്പോ​ലീ​ത്ത​മാ​രും ഇ​ത​ര സ​ഭ മേ​ല​ധ്യ​ക്ഷ​രും മെ​ത്രാ​പ്പോ​ലീ​ത്ത​മാ​രും സ​ഹ​കാ​ർ​മി​ക​രാ​വും.

ര​ണ്ട് പ​തി​റ്റാ​ണ്ടി​ലേ​റെ സ​ഭ​യു​ടെ കാ​തോ​ലി​ക്ക ബാ​വ​യാ​യി​രു​ന്ന ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ​യു​ടെ വി​യോ​ഗ​ത്തെ​ത്തു​ട​ർ​ന്നാ​ണ് പു​തി​യ കാ​തോ​ലി​ക്ക സ്ഥാ​നാ​രോ​ഹ​ണം ന​ട​ക്കു​ന്ന​ത്. 2002ൽ ​സ​ഭ ഔ​ദ്യോ​ഗി​ക​മാ​യി സ്ഥാ​പി​ച്ച​തി​നു​ശേ​ഷം സ​ഭ​യു​ടെ ര​ണ്ടാ​മ​ത്തെ കാ​തോ​ലി​ക്ക വാ​ഴ്ച​യാ​ണി​ത്.

മു​ള​ന്തു​രു​ത്തി സ്രാ​മ്പി​ക്ക​ൽ പ​ള്ളി​ത്ത​ട്ട ഗീ​വ​ർ​ഗീ​സ്-​സാ​റാ​മ്മ ദ​മ്പ​തി​ക​ളു​ടെ മ​ക​നാ​ണ് ജോ​സ​ഫ് മാ​ർ​ഗ്രി​ഗോ​റി​യോ​സ്. ദീ​ർ​ഘ​കാ​ലം സ​ഭ​യു​ടെ കൊ​ച്ചി ഭ​ദ്രാ​സ​നാ​ധി​പ​ൻ, സു​ന്ന​ഹ​ദോ​സ് സെ​ക്ര​ട്ട​റി തു​ട​ങ്ങി​യ സ്ഥാ​ന​ങ്ങ​ൾ വ​ഹി​ച്ച അ​ദ്ദേ​ഹം മു​ൻ കാ​തോ​ലി​ക്ക ബാ​വ ആ​രോ​ഗ്യ​പ​ര​മാ​യ പ്ര​ശ്ന​ങ്ങ​ളാ​ൽ വി​ശ്ര​മ​ജീ​വി​തം ന​യി​ച്ച​പ്പോ​ൾ അ​ദ്ദേ​ഹ​ത്തി​ന്‍റെ അ​സി​സ്റ്റ​ൻ​റാ​യും തു​ട​ർ​ന്ന് മ​ല​ങ്ക​ര മെ​ത്രാ​പ്പോ​ലീ​ത്ത​യാ​യും കാ​തോ​ലി​ക്ക ബാ​വ​യു​ടെ വി​യോ​ഗ​ത്തെ​തു​ട​ർ​ന്ന് സു​ന്ന​ഹ​ദോ​സ് പ്ര​സി​ഡ​ൻ​റാ​യും പ്ര​വ​ർ​ത്തി​ച്ചു​വ​രു​ക​യാ​യി​രു​ന്നു.

ക​ഴി​ഞ്ഞ ഡി​സം​ബ​റി​ൽ കേ​ര​ള​ത്തി​ലെ​ത്തി​യ പാ​ത്രി​യാ​ർ​ക്കീ​സ് ബാ​വ ഇ​ദ്ദേ​ഹ​ത്തെ അ​ടു​ത്ത കാ​തോ​ലി​ക്ക​യാ​യി പ്ര​ഖ്യാ​പി​ച്ചി​രു​ന്നു.

സാ​ക്ഷി​യാ​കാ​ൻ നി​ര​വ​ധി പ്ര​മു​ഖ​ർ

കൊ​ച്ചി: യാ​ക്കോ​ബാ​യ സ​ഭ​യു​ടെ പു​തി​യ കാ​തോ​ലി​ക്ക സ്ഥാ​നാ​രോ​ഹ​ണ​ത്തി​ന് സാ​ക്ഷി​യാ​ക​ൻ നി​ര​വ​ധി​പേ​ർ ല​ബ​നാ​നി​ലെ​ത്തി. കേ​ന്ദ്ര​സ​ർ​ക്കാ​റി​ന്‍റെ പ്ര​തി​നി​ധി​ക‍ളാ​യി മു​ൻ കേ​ന്ദ്ര​മ​ന്ത്രി​മാ​രാ​യ അ​ൽ​ഫോ​ൺ​സ് ക​ണ്ണ​ന്താ​നം, വി. ​മു​ര​ളീ​ധ​ര​ൻ, ബെ​ന്നി ബ​ഹ​നാ​ൻ എം.​പി എ​ന്നി​വ​ര​ട​ങ്ങു​ന്ന സം​ഘം പ​ങ്കെ​ടു​ക്കും.

സം​സ്ഥാ​ന സ​ർ​ക്കാ​റി​നെ പ്ര​തി​നി​ധീ​ക​രി​ച്ച് വ്യ​വ​സാ​യ മ​ന്ത്രി പി. ​രാ​ജീ​വി​ന്‍റെ നേ​തൃ​ത്വ​ത്തി​ൽ നാ​ല് എം.​എ​ൽ.​എ​മാ​രും വ്യ​വ​സാ​യ​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​യു​മ​ട​ങ്ങു​ന്ന സം​ഘം തി​ങ്ക​ളാ​ഴ്ച രാ​വി​ലെ ബൈ​റൂ​ത്തി​ലെ​ത്തി.

കൂ​ടാ​തെ ഇ​ത​ര സ​ഭ മേ​ല​ധ്യ​ക്ഷ​ന്മാ​രും യാ​ക്കോ​ബാ​യ സ​ഭ​യി​ലെ മെ​ത്രാ​പ്പോ​ലീ​ത്ത​മാ​രും സ​ഭ ഭാ​ര​വാ​ഹി​ക​ളും വി​ശ്വാ​സി​ക​ളു​മ​ട​ക്കം അ​ഞ്ഞൂ​റോ​ളം പേ​ർ ച​ട​ങ്ങു​ക​ളി​ൽ പ​ങ്കെ​ടു​ക്കും. ല​ബ​നാ​ൻ പ്ര​സി​ഡ​ൻ​റ് ജ​ന​റ​ൽ ജോ​സ​ഫ് ഔ​ൺ അ​ട​ക്ക​മു​ള​ള പ്ര​മു​ഖ​രും ച​ട​ങ്ങി​ലു​ണ്ടാ​കും.

കേ​ര​ള​ത്തി​ൽ​നി​ന്ന് സ​ർ​ക്കാ​ർ പ്ര​തി​നി​ധി​ക​ളെ അ​യ​ക്കു​ന്ന​തി​നെ​തി​രെ ഓ​ർ​ത്ത​ഡോ​ക്സ് സ​ഭ പ്ര​തി​ഷേ​ധ​വു​മാ​യി രം​ഗ​ത്തു​വ​ന്നി​രു​ന്നു. പ്ര​തി​നി​ധി സം​ഘ​ത്തെ ത​ട​യ​ണ​മെ​ന്നാ​വ​ശ്യ​പ്പെ​ട്ട് ഹൈ​കോ​ട​തി​യി​ൽ ഹ​ര​ജി ന​ൽ​കി​യെ​ങ്കി​ലും കോ​ട​തി ഇ​ട​പെ​ട്ടി​ല്ല.