മൂ​വാ​റ്റു​പു​ഴയിലെ അഞ്ചുവയസ്സുകാരിയെ ഗൈനക്കോളജി വിഭാഗം പരിശോധിച്ചു

കോ​ട്ട​യം: മെ​ഡി​ക്ക​ൽ കോ​ള​ജ് കു​ട്ടി​ക​ളു​ടെ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന അ​ഞ്ചു​വ​യ​സ്സു​കാ​രി​യെ ഗൈ​ന​കോ​ള​ജി വി​ഭാ​ഗം പ​രി​ശോ​ധ​ന​ക്ക്​ വി​ധേ​യ​മാ​ക്കി. പ​രി​ശോ​ധ​ന​ഫ​ലം തി​ങ്ക​ളാ​ഴ്ച ല​ഭി​ക്കു​മെ​ന്ന് ആ​ശു​പ​ത്രി സൂ​പ്ര​ണ്ട് അ​റി​യി​ച്ചു. മാ​ർ​ച്ച്​ 27നാ​ണ് അ​സം സ്വ​ദേ​ശി​ക​ളും മൂ​വാ​റ്റു​പു​ഴ​യി​ൽ വാ​ട​ക​ക്ക്​ താ​മ​സി​ക്കു​ന്ന​വ​രു​മാ​യ ദ​മ്പ​തി​ക​ളു​ടെ അ​ഞ്ചു​വ​യ​സ്സു​ള്ള കു​ട്ടി​യെ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ കു​ട്ടി​ക​ളു​ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. കു​ട​ൽ പൊ​ട്ടി സ്വ​കാ​ര്യ ഭാ​ഗ​ങ്ങ​ളി​ൽ മു​റി​വു​ക​ളും ഉ​ണ്ടാ​യി​രു​ന്നു. തു​ട​ർ​ന്ന് ആ​ശു​പ​ത്രി അ​ധി​കൃ​ത​ർ പൊ​ലീ​സി​ൽ വി​വ​രം അ​റി​യി​ച്ചു.

കു​ട്ടി​യു​ടെ പി​താ​വി​നെ​യും കു​ട്ടി​യെ ഇ​പ്പോ​ൾ ആ​ശു​പ​ത്രി​യി​ൽ പ​രി​ച​രി​ക്കു​ന്ന ര​ണ്ടാ​ന​മ്മ​യെ​യും ചോ​ദ്യം​ചെ​യ്തെ​ങ്കി​ലും പ​രി​ക്കി​െൻറ ഉ​റ​വി​ടം ക​ണ്ടെ​ത്താ​ൻ ക​ഴി​ഞ്ഞി​ല്ല. തു​ട​ർ​ന്നാ​ണ് പ​രി​ക്കി​െൻറ ഉ​റ​വി​ടം ക​ണ്ടെ​ത്താ​ൻ ഗൈ​ന​കോ​ള​ജി, ഫോ​റ​ൻ​സി​ക്, ജ​ന​റ​ൽ സ​ർ​ജ​റി തു​ട​ങ്ങി​യ വി​ഭാ​ഗ​ങ്ങ​ളി​ലെ മു​തി​ർ​ന്ന ഡോ​ക്ട​ർ​മാ​രെ ഉ​ൾ​പ്പെ​ടു​ത്തി മെ​ഡി​ക്ക​ൽ ബോ​ർ​ഡ് രൂ​പ​വ​ത്​​ക​രി​ച്ച​ത്.

എ​ന്നാ​ൽ, ര​ണ്ടാ​മ​ത്​ കൂ​ടി​യ മെ​ഡി​ക്ക​ൽ ബോ​ർ​ഡാ​ണ്, ദ്വി​ഭാ​ഷി​യു​ടെ സ​ഹാ​യ​ത്തോ​ടെ കു​ട്ടി​യോ​ട് സം​സാ​രി​ക്കു​ക​യും വി​ദ​ഗ്​​ധ പ​രി​ശോ​ധ​ന ന​ട​ത്തു​ക​യും ചെ​യ്ത​ത്. ഇ​തി​െൻറ ഫ​ലം തി​ങ്ക​ളാ​ഴ്ച​യേ അ​റി​യാ​ൻ ക​ഴി​യൂ​വെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.