കിണറ്റിൽ ശബ്​ദം; നാട്ടുകാർ ആശങ്കയിൽ

നരിക്കുനി: കിണറ്റിൽനിന്നുള്ള നിലയ്ക്കാത്ത ശബ്​ദം വീട്ടുകാരെയും നാട്ടുകാരെയും ആശങ്കയിലാഴ്​ത്തുന്നു. ചേളന്നൂർ ബ്ലോക്ക് പഞ്ചായത്ത് അംഗം പുന്നശ്ശേരി വേലൻകണ്ടി മോഹന​‍ൻെറ തറവാട് വീട്ടിലെ കിണറിൽനിന്നാണ് തിങ്കളാഴ്ച രാവിലെ മുതൽ ശബ്​ദം കേൾക്കാൻ തുടങ്ങിയത്. പശുവിന് വെള്ളം കൊടുക്കാൻ മോഹന​‍ൻെറ സഹോദരൻ എത്തിയപ്പോഴാണ് ശബ്​ദം കേട്ടുതുടങ്ങിയത്. 18 കോൽ ആഴമുള്ള കിണറിലേക്ക് നോക്കിയപ്പോൾ ഒന്നും തന്നെ ശ്രദ്ധയിൽപെട്ടതുമില്ല. ഉടനെ പരിസരവാസികളെ വിളിച്ച്​ വെള്ളം ഒലിച്ചിറങ്ങുന്ന ശബ്​ദമാണ് കേൾക്കുന്നതെങ്കിലും കിണറ്റിലെ വെള്ളത്തിന് ഒരു ചലനവുമില്ല എന്നതാണ് നാട്ടുകാരെ ആശങ്കയിലാഴ്‌ത്തുന്നത്. കാക്കൂർ ഗ്രാമപഞ്ചായത്ത് പ്രസിഡൻറ് സി.എം. ഷാജിയും ഉദ്യോഗസ്ഥരും കിണർ സന്ദർശിച്ചു. ജിയോളജി വകുപ്പുമായി ബന്ധപ്പെട്ടിട്ടുണ്ട്. പുന്നശ്ശേരി ഗ്രാമത്തിലെ അത്ഭുതക്കിണർ കാണാൻ പരിസര പ്രദേശത്തുനിന്ന്​ ജനം എത്തുകയാണ്.