കോഴിക്കോട്: പിണറായി സർക്കാറിന്റെ വികസനം ഭാവനയിൽ ചാലിച്ച് ചിത്രകാരന്മാർ. പ്രകൃതിയും ജീവിതവും വികസനവും സാഹിത്യവും ഒത്തുചേരുന്ന ചിത്രങ്ങൾ ലയണ്സ് പാര്ക്കിനോട് ചേര്ന്നുള്ള ചുവരില് വിരിഞ്ഞു. ഒരുവർഷത്തിനിടെ സംസ്ഥാനത്ത് ഉണ്ടായ വികസനക്കാഴ്ചകളാണ് ചിത്രകാരന്മാരുടെ ഭാവനയിൽ ചുമരിൽ തെളിഞ്ഞത്. രണ്ടാം പിണറായി വിജയൻ സർക്കാറിന്റെ ഒന്നാം വാര്ഷികാഘോഷത്തിന്റെ ഭാഗമായി നടത്തുന്ന പ്രദര്ശന -വിപണന മേളയുടെ പ്രചാരണാര്ഥമാണ് ചുമർചിത്രരചന സംഘടിപ്പിച്ചത്. മന്ത്രി എ.കെ. ശശീന്ദ്രൻ ഉദ്ഘാടനം ചെയ്തു. കാർഷിക മേഖലയിലെ നേട്ടങ്ങൾ, ബേപ്പൂരിന്റെ വിസ്മയക്കാഴ്ചകൾ, മത്സ്യത്തൊഴിലാളികൾ, പെൻഷൻ വാങ്ങുന്ന വൃദ്ധ, മൃഗപരിപാലനം, സ്ത്രീ -ശിശു സൗഹൃദം തുടങ്ങി സമസ്ത മേഖലകളുടെയും വികസന പ്രവർത്തനങ്ങൾ ഉൾപ്പെടുത്തിയതാണ് ചിത്രങ്ങൾ. ചിത്രകാരനായ ആർട്ടിസ്റ്റ് മദനന്റെ നേതൃത്വത്തിൽ അഭിലാഷ് തിരുവോത്ത്, ഹാറൂൻ അൽ ഉസ്മാൻ, സുരേഷ് ഉണ്ണി, സിഗിനി ദേവരാജ്, കെ.ടി. ഷെരീഫ , ബിനീഷ് പള്ളിപ്പുറത്ത്, രാജേഷ് പുൽപ്പറമ്പിൽ, എം. ജിഷ എന്നീ കലാകാരന്മാർ ചിത്രം വരച്ചു. സ്പെഷൽ ബ്രാഞ്ച് അസി. കമീഷണർ എം. ഉമേഷ്, ജില്ല ഇൻഫർമേഷൻ ഓഫിസർ കെ. ദീപ, പ്രോഗ്രാം കമ്മിറ്റി കൺവീനർ ഡോ. എ.കെ. അബ്ദുൽ ഹക്കീം എന്നിവർ പങ്കെടുത്തു. ---------- bk
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.