പാറക്കടവ് വളവിൽ വീണ്ടും അപകടം

നാദാപുരം: പാറക്കടവ് ചെറ്റക്കണ്ടി റോഡിൽ സ്ഥിരമായി അപകടമുണ്ടാകുന്ന റോഡിൽ ശനിയാഴ്ച പുലർച്ച വീണ്ടും ലോറി മറിഞ്ഞു. ഡ്രൈവറും ക്ലീനറും നിസ്സാര പരിക്കുകളോടെ രക്ഷപ്പെട്ടു. കഴിഞ്ഞ രണ്ടുമാസത്തിനുള്ളിലുള്ള മൂന്നാമത്തെ അപകടമാണിത്. നേരെയുള്ള റോഡിൽ 'എസ്' ആകൃതിയിലുള്ള വളവാണ് വാഹനങ്ങൾ അപകടത്തിൽപെടുന്നതിന്​ കാരണം. ആദ്യ റോഡ് നിർമാണ കാലത്ത് റോഡ് കരാറുകാരനായ ദാസൻ എന്ന വ്യക്തി അപകടത്തിൽ മരിച്ചതിനെ തുടർന്ന് ഈ വളവിന് ദാസൻ മുക്ക് എന്ന് നാട്ടുകാർ വിളിക്കുന്നു. ഇവിടെ അപകട മുന്നറിയിപ്പ് ബോർഡുകൾ സ്ഥാപിക്കണമെന്ന് നാട്ടുകാർ ആവശ്യപ്പെടുന്നു. പടം.. CL Kz Ndm 5 പാറക്കടവ്-ചെറ്റക്കണ്ടി റോഡിൽ അപകടത്തിൽപെട്ട ലോറി