കോഴിക്കോട്: മീഞ്ചന്ത ഗവ. ആർട്സ് ആൻഡ് സയൻസ് കോളജ് സുവർണജൂബിലി ബ്ലോക്കിന്‍റെയും ലേഡീസ് ഹോസ്റ്റലിന്‍റെ ഒന്നാം നിലയുടെയും ഉദ്ഘാടനം മേയ് 12ന് രാവിലെ 9.30ന് മന്ത്രി ആർ. ബിന്ദു നിർവഹിക്കുമെന്ന് മന്ത്രി അഹമ്മദ് ദേവർകോവിൽ വാർത്തസമ്മേളനത്തിൽ അറിയിച്ചു. 19 കോടി രൂപ ചെലവിൽ അഞ്ചു നിലകളിലായാണ് സുവർണ ജൂബിലി ബ്ലോക്ക് നിർമിച്ചിരിക്കുന്നത്. ഒന്നാം നിലയിലാണ് ലേഡീസ് ഹോസ്റ്റൽ നിർമിച്ചത്. കിഫ്ബി ഫണ്ടിൽ ഉൾപ്പെടുത്തി 2.37 കോടി രൂപ എസ്റ്റിമേറ്റിൽ യു.എൽ.സി.സിയാണ് ലേഡീസ് ഹോസ്റ്റൽ നിർമിച്ചത്. 2.34 കോടി രൂപയിൽ പണി പൂർത്തിയാക്കിയെന്നും മന്ത്രി അഹമ്മദ് ദേവർകോവിൽ അറിയിച്ചു. പുതിയ ബ്ലോക്കിൽ 36 മുറികളാണുള്ളത്. ആറു ഫാക്കൽറ്റി മുറികൾ, 12 പി.ജി മുറികൾ, 14 യു.ജി മുറികൾ, നാല് റിസർച് മുറികൾ എന്നിവ കൂടാതെ, സെമിനാർഹാൾ, വാഷ് റൂം, വിശ്രമ മുറി തുടങ്ങിയവയെല്ലാം പുതിയ ബ്ലോക്കിൽ ഉൾപ്പെടുന്നു. ഉദ്ഘാടനച്ചടങ്ങിൽ മന്ത്രി പി.എ. മുഹമ്മദ് റിയാസ്, മേയർ ഡോ. ബീന ഫിലിപ്, എം.എൽ.എ ഡോ. എം.കെ. മുനീർ എന്നിവർ മുഖ്യാതിഥികളായി പങ്കെടുക്കും. വാർത്തസമ്മേളനത്തിൽ പ്രിൻസിപ്പൽ ഇൻ ചാർജ് എടക്കോട്ട് ഷാജി, ഡോ. ടി.എ. ആനന്ദ്, ഡോ. സോണിയ ഈപ്പ എന്നിവരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.