കോവിഡ് പോസിറ്റിവ് സ്പെഷൽ ബാലറ്റുമായി വീട്ടിലെത്തിയ പി.പി.ഇ കിറ്റ് ധരിച്ച സ്പെഷൽ പോളിങ് ഓഫിസറുടെ മുന്നിൽ ടി.കെ. പ്രദീപൻ വോട്ടുചെയ്യുന്നു
ബാലുശ്ശേരി: കോവിഡ് പോസിറ്റിവ് സ്പെഷൽ ബാലറ്റ് വീട്ടിലെത്തിച്ചുതുടങ്ങി. ബാലുശ്ശേരി പഞ്ചായത്തിലെ കോവിഡ് പോസിറ്റിവ് ആയവർക്കും ക്വാറൻറീനിൽ കഴിയുന്നവർക്കുമുള്ള സ്പെഷൽ ബാലറ്റുകളാണ് ചൊവ്വാഴ്ച മുതൽ വിതരണം തുടങ്ങിയത്. കോവിഡ് പോസിറ്റിവായതിനെ തുടർന്ന് വീട്ടിൽ ചികിത്സയിൽ കഴിയുന്ന രണ്ടാം വാർഡിലെ ടി.കെ. പ്രദീപെൻറ വീട്ടിൽ പി.പി.ഇ കിറ്റ് ധരിച്ചെത്തിയ സ്പെഷൽ പോളിങ് ഓഫിസർ ചൊവ്വാഴ്ച ഉച്ചയോടെയാണ് എത്തിയത്.
വോട്ടു രേഖപ്പെടുത്തിയ ബാലറ്റുമായി ഉടൻതന്നെ മടങ്ങുകയും ചെയ്തു. രണ്ട്, മൂന്നു വാർഡുകളിലാണ് ചൊവ്വാഴ്ച സ്പെഷൽ ബാലറ്റ് വിതരണം നടത്തിയത്. ഒമ്പതാം തീയതി വരെയാണ് സ്പെഷൽ ബാലറ്റ് വിതരണം നടക്കുന്നത്. സ്പെഷൽ ബാലറ്റുകൾ തപാലിൽ അയച്ചുകൊടുത്താൽ മതിയെന്ന് തെരഞ്ഞെടുപ്പ് കമീഷൻ കഴിഞ്ഞ ദിവസം നിർദേശം നൽകിയിരുന്നു. എന്നാൽ, വീട്ടിലെത്തിച്ച് ബാലറ്റ് വിതരണം നടത്താനുള്ള ഒരുക്കങ്ങൾ ഏതാണ്ട് പൂർത്തിയായതിനെ തുടർന്ന് തപാലിൽ അയക്കാനുള്ള തീരുമാനം ഒഴിവാക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.