വില്ലനായി കൊതുക്; കുതിച്ചുയർന്നു ഡെ​ങ്കി​പ്പ​നി

കോ​ഴി​ക്കോ​ട്: മ​ഴ ശ​ക്ത​മാ​യ​തോ​ടെ കോ​ഴി​ക്കോ​ട് ജി​ല്ല​യി​ൽ ഈ​ഡി​സ് കൊ​തു​കു​ക​ൾ പ​ര​ത്തു​ന്ന ഡെ​ങ്കി​പ്പ​നി വ്യാ​പി​ക്കു​ന്നു. ഗ്രാ​മ, ന​ഗ​ര വ്യ​ത്യാ​സ​മി​ല്ലാ​തെ​യാ​ണ് ഡെ​ങ്കി​പ്പ​നി വ്യാ​പി​ക്കു​ന്ന​ത്. ഈ ​മാ​സം 20 വ​രെ 544 പേ​രാ​ണ് ഡെ​ങ്കി​പ്പനി​ക്ക് വി​വി​ധ സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത്. പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ല​ട​ക്കം ചി​കി​ത്സ​തേ​ടു​ന്ന ഡെ​ങ്കി സ്ഥി​രീ​ക​രി​ച്ച​വ​രു​ടെ​യും സം​ശ​യി​ക്ക​പ്പെ​ടു​ന്ന​വ​രു​ടെ​യും ക​ണ​ക്കാ​ണ് ആ​രോ​ഗ്യ വ​കു​പ്പി​ന്‍റെ വെ​ബ്സൈ​റ്റി​ൽ പ്ര​സി​ദ്ധീ​ക​രി​ക്കു​ന്ന​ത്. ഡെ​ങ്കി​പ്പ​നി​ക്കൊ​പ്പം മറ്റുരോ​ഗ​ങ്ങ​ളും ഉ​ള്ള​വ​രെ ആ​രോ​ഗ്യ വ​കു​പ്പ് രോ​ഗം സം​ശ​യി​ക്കു​ന്ന​വ​രു​ടെ പ​ട്ടി​ക​യി​ലാ​ണ് ഉ​ൾ​പ്പെ​ടു​ത്തു​ക. അ​തി​നാ​ൽത​ന്നെ ഔ​ദ്യോ​ഗി​ക​മാ​യി ഈ ​കേ​സു​ക​ളെ​ല്ലാം ഡെ​ങ്കി കേ​സു​ക​ളാ​യാ​ണ് ക​ണ​ക്കാ​ക്കു​ന്ന​ത്. സ്വ​കാ​ര്യ ആ​ശു​പ​ത്രി​ക​ളി​ലും ക്ലി​നി​ക്കു​ക​ളി​ലും ചി​കി​ത്സ തേ​ടു​ന്ന​വ​ർ ഈ ​ക​ണ​ക്കു​ക​ളി​ൽ പെ​ടി​ല്ല. ഇ​തുകൂ​ടി കൂ​ട്ടു​ക​യാ​ണെ​ങ്കി​ൽ ഡെ​ങ്കി ബാ​ധി​ത​രു​ടെ എ​ണ്ണം ഇ​നി​യും​ കൂ​ടും. മാ​ലി​ന്യ​സം​സ്ക​ര​ണ​വും കൊ​തു​കു നി​ർ​മാ​ർ​ജ​നവും പാ​ളി​യ​താ​ണ് ഇ​ത്ത​വ​ണ രോ​ഗം വ്യാ​പി​ക്കാ​ൻ ഇ​ട​യാ​ക്കു​ന്ന​തെ​ന്നാ​ണ് ആ​ക്ഷേ​പം. മ​ഴ​ക്കാ​ല​പൂ​ർ​വ ശു​ചീ​ക​ര​ണം കൃ​ത്യ​മാ​യി ന​ട​ത്താ​ത്ത​തും രോ​ഗം വ​ർ​ധി​ക്കാ​ൻ ഇ​ട​യാ​ക്കി. മ​ഴ വീ​ണ്ടും എ​ത്തി​യ​തോ​ടെ​യാ​ണ് ഡെ​ങ്കി​പ്പ​നി ബാ​ധി​ത​രു​ടെ എ​ണ്ണം വ​ർ​ധി​ച്ച​ത്.

മ​ഴ തു​ട​ങ്ങി​യ​തോ​ടെ വെ​ള്ള​ക്കെ​ട്ടു​ക​ളി​ൽ കൊ​തു​കുക​ൾ മു​ട്ട​യി​ട്ട് വ​ള​രു​ന്ന​താ​ണ് രോ​ഗ വ്യാ​പ​ന​ത്തി​ന് ഇ​ട​യാ​ക്കു​ന്ന​ത്. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് ഇ​ത്ത​വ​ണ ഡെ​ങ്കി​പ്പ​നി വ്യാ​പ​നം കൂ​ടു​ത​ലാ​ണ്. സാ​ധാ​ര​ണ വേ​ന​ൽ മ​ഴ​യോ​ടെ വ്യാ​പി​ക്കു​ന്ന രോ​ഗം മ​ഴ ശ​ക്ത​മാ​വു​ന്ന​തോ​ടെ കു​റ​യു​ക​യാ​യി​രു​ന്നു പ​തി​വ്. എ​ന്നാ​ൽ, ഇ​ത്ത​വ​ണ ഓ​രോ മാ​സ​വും ഡെ​ങ്കി​പ്പ​നി ബാ​ധി​ത​രു​ടെ എ​ണ്ണം വ​ർ​ധി​ക്കു​ക​യാ​ണ്.

● കൊ​തു​കി​നെ സൂ​ക്ഷി​ക്ക​ണം

ഈ​ഡി​സ് കൊ​തു​കു​ക​ളാ​ണ് ഡെ​ങ്കി​പ്പ​നി പ​ര​ത്തു​ന്ന​ത്. അ​തി​നാ​ൽ , ഈ​ഡി​സ് കൊ​തു​കു​ക​ളി​ൽ നി​ന്ന് ക​ടി​യേ​ൽ​ക്കാ​തെ ശ്ര​ദ്ധി​ക്ക​ണം. ഡെ​ങ്കി വൈ​റ​സാ​ണ് രോ​ഗാ​ണു. മ​നു​ഷ്യ​രി​ൽ രോ​ഗാ​ണു പ്ര​വേ​ശി​ച്ചാ​ൽ അ​ഞ്ച് മു​ത​ൽ എ​ട്ടു വരെ ദി​വ​സ​ത്തി​ന​കം രോ​ഗ​ല​ക്ഷ​ണ​ങ്ങ​ൾ ക​ണ്ടു തു​ട​ങ്ങും. രോ​ഗം ബാ​ധി​ച്ച​യാ​ളെ ക​ടി​ക്കു​ന്ന കൊ​തു​ക് മ​റ്റു​ള്ള​വ​രെ ക​ടി​ക്കു​മ്പോ​ഴാ​ണ് രോ​ഗം പ​ട​രു​ക. ശു​ദ്ധ​ജ​ല​ത്തി​ൽ മു​ട്ട​യി​ട്ടാ​ണ് ഇ​വ വ​ള​രു​ന്ന​ത്. അ​തി​നാ​ൽ, ഫ്രി​ഡ്ജി​നു പി​റ​കിലെ ട്രേ, ​ചെ​ടി​ച്ച​ട്ടി​ക​ൾ, ചി​ര​ട്ട​ക​ൾ, താ​ർ​പാ​യ, അ​ല​ക്ഷ്യ​മാ​യി വ​ലി​ച്ചെ​റി​യു​ന്ന പാ​ത്ര​ങ്ങ​ൾ തു​ട​ങ്ങി​യ​വ​യി​ലെ​ല്ലാം കെ​ട്ടി​നി​ൽ​ക്കു​ന്ന ന​ല്ല വെ​ള്ള​ത്തി​ൽ മു​ട്ട​യി​ട്ട് ഇ​ത്ത​രം കൊ​തു​കു​ക​ൾ വ​ള​രാ​നു​ള്ള സാ​ധ്യ​ത ഏ​റെ​യാ​ണ്. അ​തി​നാ​ൽ വീ​ട്ടി​ലും പ​രി​സ​ര​ത്തും ശു​ദ്ധ​ജ​ലം ഉ​ൾ​പ്പെ​ടെ കെ​ട്ടി​നി​ൽ​ക്കാ​തെ പ്ര​ത്യേ​കം ശ്ര​ദ്ധി​ക്ക​ണം. വീ​ടി​ന​ക​ത്ത് വ​ള​ർ​ത്തു​ന്ന ചെ​ടി​ച്ച​ട്ടി​ക​ളി​ലും കൊ​തു​കു വ​ള​രു​ന്നി​ല്ലെ​ന്ന് ഉ​റ​പ്പു​വ​രു​ത്ത​ണം. ജ​ല സം​ഭ​ര​ണി​ക​ൾ ന​ന്നാ​യി അ​ട​ക്ക​ണം. കി​ണ​ർ കൊ​തു​കു​വ​ല ഉ​പ​യോ​ഗി​ച്ച് മൂ​ടു​ന്ന​തും ന​ല്ല​താ​ണ്. ആ​ഴ്ച​യി​ൽ ഒ​രുത​വ​ണ​യെ​ങ്കി​ലും ഡ്രൈ​ഡേ ആ​ച​രി​ക്ക​ണം.

● ല​ക്ഷ​ണ​ങ്ങ​ൾ

പ​നി​യോ​ടൊ​പ്പം ശ​ക്ത​മാ​യ ശ​രീ​ര​വേ​ദ​ന (പ്ര​ധാ​ന​മാ​യും സ​ന്ധി​വേ​ദ​ന), ത​ല​വേ​ദ​ന, ശ​രീ​ര​ത്തി​ൽ ചു​വ​ന്ന പാ​ടു​ക​ൾ.

● രോ​ഗ നി​ർ​ണ​യം

രോ​ഗ​ത്തി​ന്റെ ആ​ദ്യ ദി​വ​സ​ങ്ങ​ളി​ൽ അ​ഞ്ചു ദി​വ​സം വ​രെ ആ​ന്റി​ജ​ൻ ടെ​സ്റ്റ്. അ​തു ക​ഴി​ഞ്ഞാ​ൽ ഡെ​ങ്കി ആ​ന്റി​ബോ​ഡി പ​രി​ശോ​ധ​ന. ര​ക്ത​ത്തി​ലെ കൗ​ണ്ട് നോ​ക്കു​മ്പോ​ൾ ശ്വേ​ത ര​ക്താ​ണു​ക്ക​ളും പ്ലേ​റ്റ്‌​ലെ​റ്റും കു​റ​യും. രോ​ഗ​ല​ക്ഷ​ണ​ങ്ങ​ൾ ഉ​ണ്ടാ​യാ​ൽ ഉ​ട​നെ ഡോ​ക്ട​റെ ക​ണ്ട് രോ​ഗനി​ർ​ണ​യം ന​ട​ത്തി ചി​കി​ത്സ തേ​ട​ണം. സ്വ​യം ചി​കി​ത്സ പാ​ടി​ല്ല. ന​ന്നാ​യി വെ​ള്ളം കു​ടി​ക്ക​ണം, വി​ശ്ര​മം അ​ത്യാ​വ​ശ്യ​മാ​ണ്. പ്ലേ​റ്റ്‌​ലെ​റ്റ് വ​ർ​ധി​പ്പി​ക്കാ​ൻ മ​രു​ന്നോ ഭ​ക്ഷ​ണ​മോ നി​ല​വി​ലി​ല്ല. ധാ​രാ​ളം പ​ച്ച​ക്ക​റി​ക​ളും പ​ഴ​ങ്ങ​ളും ക​ഴി​ക്കു​ന്ന​ത് ഏ​റെ ന​ല്ല​താ​ണ്.