കോഴിക്കോട്: കോര്‍പറേഷന്‍ അമൃത് പദ്ധതിയില്‍ ഉൾപെടുത്തി നവീകരിച്ച വെസ്റ്റ്ഹിൽ ഗരുഡന്‍കുളം പാര്‍ക്കി‍െൻറ ഉദ്ഘാടനം മേയർ തോട്ടത്തിൽ രവീന്ദ്രൻ നിർവഹിച്ചു. ആരോഗ്യകാര്യ സ്ഥിരംസമിതി ചെയര്‍മാന്‍ കെ.വി.ബാബുരാജ് അധ്യക്ഷനായിരുന്നു. നഗരാസൂത്രണ സ്ഥിരം സമിതി ചെയര്‍മാന്‍ എം.സി.അനില്‍കുമാര്‍ സ്വാഗതവും അസി.എൻജിനീയര്‍ ജിത്തു നന്ദിയും പറഞ്ഞു.
50 ലക്ഷം രൂപ വകയിരുത്തി നടത്തിയ പ്രവൃത്തിയുടെ ഭാഗമായി ഓപ്പണ്‍ സ്റ്റേജ്, ഗ്രീന്‍ റൂം, ടോയ്ലറ്റ് ബ്ലോക്ക് എന്നിവ നിർമിച്ചിട്ടുണ്ട്. കുളത്തിനു ചുറ്റുമുള്ള നടപ്പാത ഉയർത്തി ഇൻറര്‍ലോക് ടൈലുകളും ഓപ്പണ്‍ സ്റ്റേജിന് മുന്‍വശം നാച്വുറല്‍ സ്റ്റോണും പാകി.
അഡ്വഞ്ചര്‍ സ്പോര്‍ട്സി‍െൻറ ഭാഗമായി പവര്‍ ബോര്‍ഡ് ഗലേറിയ എന്നസ്ഥാപനം അഞ്ചു ലക്ഷം രൂപ ചെലവഴിച്ച് സിപ്പ് ലൈന്‍ നിർമിച്ചിട്ടുണ്ട്. കുട്ടികളുടെ വിനോദത്തിനായി സീസോ, സ്ലൈഡ്, സ്വിങ്, റോപ് ക്ലൈംബര്‍, വെബ് ക്ലൈംബർ എന്നിവയും സോളാര്‍ ലൈറ്റുകളും സ്ഥാപിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.