കക്കോടി പാലംവളവിൽ ജീവൻ പൊലിയൽ തുടർക്കഥ

ക​ക്കോ​ടി: ഇ​നി​യെ​ത്ര ജീ​വ​ൻ ന​ൽ​ക​ണം ക​ക്കോ​ടി പാ​ലം വ​ള​വ് നി​വ​രാ​നെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ലാ​തി​രി​ക്കു​മ്പോ​ഴും ജീ​വ​ൻ പൊ​ലി​യ​ൽ തു​ട​ർ​ക്ക​ഥ​യാ​കു​ന്നു. ബാ​ലു​ശ്ശേ​രി- കോ​ഴി​ക്കോ​ട് പാ​ത​യി​ൽ ഇ​ത്ര​യ​ധി​കം അ​പ​ക​ട​മ​ര​ണം സം​ഭ​വി​ച്ച സ്ഥ​ലം വേ​റെ ഇ​ല്ലാ​തി​രു​ന്നി​ട്ടും അ​ധി​കൃ​ത​ർ അ​പ​ക​ട​ത്തി​ന് പ​ച്ച​ക്കൊ​ടി വീ​ശു​ക​യാ​ണ്. നി​ര​വ​ധി മ​ര​ണ​ങ്ങ​ളാ​ണ് ക​ക്കോ​ടി പാ​ലം ‘എ​സ്’ വ​ള​വി​ൽ ന​ട​ന്ന​ത്.

ശ​നി​യാ​ഴ്ച രാ​ത്രി ചെ​ല​പ്രം സ്വ​ദേ​ശി വി​ൽ​മേ​ഷ് മ​നോ​ഹ​ർ (35) അ​പ​ക​ട​ത്തി​ൽ മ​രി​ച്ച​തി​നു​പു​റ​മെ ക​ക്കോ​ടി ക​മ​ല​ക്കു​ന്ന്, കൂ​ട​ത്തും​പൊ​യി​ൽ സ്വ​ദേ​ശി​ക​ളാ​യ ര​ണ്ടു യു​വാ​ക്ക​ൾ, ക​ക്കോ​ടി ക​മ​ല​ക്കു​ന്ന് സ്വ​ദേ​ശി​യാ​യ യു​വ​തി, ​ഡോ​ക്ട​റെ കാ​ണി​ച്ച് മ​ട​ങ്ങു​ക​യാ​യി​രു​ന്ന ക​ണ്ണാ​ടി​ക്ക​ൽ സ്വ​ദേ​ശി​നി, ചെ​ല​പ്രം സ്വ​ദേ​ശി​യാ​യ യു​വാ​വ്, ചേ​ള​ന്നൂ​ർ ഗു​ഡ് ലെ​ക്ക് ലൈ​ബ്ര​റി​ക്കു​സ​മീ​പ​ത്തെ യു​വാ​വ്, ക​ക്കോ​ടി പൂ​വ​ത്തൂ​ർ സ്വ​ദേ​ശി​നി എ​ന്നി​വ​ർ​ക്കെ​ല്ലാം ജീ​വ​ൻ​പൊ​ലി​ഞ്ഞ​ത് ഈ ​അ​പ​ക​ട​ത്തു​രു​ത്തി​ലാ​ണ്. പ്ര​ദേ​ശ​വാ​സി​ക​ളും സം​ഘ​ട​ന​ക​ളും അ​പ​ക​ട​വ​ള​വ് നി​വ​ർ​ത്ത​ണ​മെ​ന്നാ​വ​ശ്യ​​പ്പെ​ട്ട് പ​ല ത​വ​ണ ജ​ന​പ്ര​തി​നി​ധി​ക​ൾ​ക്കും പി.​ഡ​ബ്ല്യൂ.​ഡി അ​ധി​കൃ​ത​ർ​ക്കും നി​വേ​ദ​ന​ങ്ങ​ൾ ന​ൽ​കി​യെ​ങ്കി​ലും ന​ട​പ​ടി​യി​ല്ല.

കോ​ഴി​ക്കോ​ട്- ബാ​ലു​​ശ്ശേ​രി റോ​ഡി​ന്റെ വി​ക​സ​ന​ത്തി​ന് കാ​ത്തി​രി​ക്കു​ക​യാ​ണ് അ​ധി​കൃ​ത​ർ. അ​മി​ത​വേ​ഗ​ത്തിലെ​ത്തു​ന്ന വാ​ഹ​ന​ങ്ങ​ൾ ഈ ​ഭാ​ഗ​ത്ത് നി​യ​ന്ത്ര​ണം വി​ടു​ക​യാ​ണ്. ഇ​വി​ടെ ന​ട​ന്ന അ​പ​ക​ട​ങ്ങ​ൾ​ക്ക് ക​ണ​ക്കി​ല്ല. ഇ​രു​ച​ക്ര​വാ​ഹ​ന​ങ്ങ​ളും കാ​ൽ​ന​ട​ക്കാ​രു​മാ​ണ് ഏ​റെ അ​പ​ക​ട​ത്തി​ൽ​പെ​ടു​ന്ന​ത്. കൊ​ടും​വ​ള​വി​ൽ നാ​ലും അ​ഞ്ചും തെ​രു​വു​ക​ച്ച​വ​ട​ക്കാ​ർ ഇ​ടം​പി​ടി​ക്കു​ന്ന​ത് കൂ​ടു​ത​ൽ അ​പ​ക​ട​ത്തി​നി​ട​യാ​ക്കു​ക​യാ​ണ്.

പ​ഴം, പ​ച്ച​ക്ക​റി, കോ​ഴി​ക്ക​ച്ച​വ​ടം, ക​ല്ലു​മ്മ​ക്കാ​യ, മ​ത്സ്യ​ക​ച്ച​വ​ടം എ​ന്നി​വ ഇ​വി​ടെ സ്ഥി​ര​മാ​ണ്. സാ​ധ​നം വാ​ങ്ങി​ക്കാ​ൻ വാ​ഹ​ന​ങ്ങ​ളി​ലെ​ത്തു​ന്ന​വ​ർ റോ​ഡി​ൽ​ത​ന്നെ​യാ​ണ് പാ​ർ​ക്ക് ചെ​യ്യു​ന്ന​ത്. താ​ൽ​ക്കാ​ലി​ക ഷെ​ഡ് വ​രെ കെ​ട്ടി​യാ​ണ് ക​ച്ച​വ​ടം പൊ​ടി​പൊ​ടി​ക്കു​ന്ന​ത്. ചേ​വാ​യൂ​ർ പൊ​ലീ​സി​ലും കോ​ർ​പ​റേ​ഷ​ൻ അ​ധി​കൃ​ത​ർ​ക്കും പ​രാ​തി ന​ൽ​കി​യി​ട്ടും ന​ട​പ​ടി​യി​ല്ല.

അ​പ​ക​ടം വി​ളി​ച്ചു​വ​രു​ത്തു​ന്ന ക​ച്ച​വ​ട​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് സ​മീ​പ​വാ​സി കാ​ളി​ൽ വി​ജ​യ​ൻ പ​റ​ഞ്ഞു. ഗ​താ​ഗ​ത ത​ട​സ്സം സൃ​ഷ്ടി​ക്കു​ന്ന അ​ന​ധി​കൃ​ത ക​ച്ച​വ​ട​ത്തി​നെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് വ്യാ​പാ​രി വ്യ​വ​സാ​യി സ​മി​തി ഭാ​ര​വാ​ഹി പ്ര​ജീ​ഷ് ​ജ്യോ​തി ആ​വ​ശ്യ​പ്പെ​ട്ടു.