പൂ​നൂ​ർ പു​ഴ​യി​ലെ അപകടം; ഓർമകൾക്ക് മങ്ങലില്ലാതെ രാജീവൻ

ക​ക്കോ​ടി: ‘ഒ​ച്ച​കേ​ട്ട് പു​ഴ​യി​ലേ​ക്ക് നോ​ക്കി​യ​പ്പോ​ൾ വ​ല്യ ചു​ഴി, പു​ഴ​നി​റ​ച്ചും കു​ട്ടി​ക​ൾ മു​ങ്ങി​ത്താ​ഴു​ന്നു. ആ​ർ​പ്പും ക​ര​ച്ചി​ലും കേ​ട്ട​തോ​ടെ കൈ​യി​ലെ ബാ​ഗ് എ​റി​ഞ്ഞ് പു​ഴ​യി​ലേ​ക്ക് ചാ​ടി. മൂ​ന്നെ​ണ്ണ​ത്തി​​നെ നീ​ന്തി​പ്പി​ടി​ച്ച് ക​ര​ക്കെ​ത്തി​ച്ചു. ദൂ​രെ നോ​ക്കു​മ്പോ​ൾ ര​ണ്ടു കു​ട്ടി​ക​ൾ മു​ങ്ങി​പ്പൊ​ങ്ങു​ക​യാ​ണ്. വീ​ണ്ടും വെ​ള്ള​ത്തി​ലേ​ക്ക് ചാ​ടി.

ര​ണ്ടി​നെ​യും ഇ​രു കൈ​ക​ളി​ലാ​ക്കി നീ​ന്തു​ക​യാ​യി​രു​ന്നു. ധ​രി​ച്ച കാ​ക്കി ഷ​ർ​ട്ടി​ന്റെ​യും പാ​ന്റി​ന്റെ​യും ക​ന​വും ക്ഷീ​ണ​വും കാ​ര​ണം ശ​രീ​രം ത​ള​ർ​ന്നു. കു​ട്ടി​ക​ൾ ര​ണ്ടു​പേ​രും മ​ര​ണ​വെ​പ്രാ​ള​ത്തി​ൽ പി​ടി​മു​റു​ക്കി. മൂ​ന്നു​പേ​രും മു​ങ്ങു​മെ​ന്ന അ​വ​സ്ഥ​യാ​യി. ര​ണ്ടു​പേ​രു​ടെ​യും മു​ഖം​നോ​ക്കാ​തെ വ​ല​ത്തെ കൈ​യി​ലെ പി​ടി​വി​ട്ടു. അ​തേ​ര​ക്ഷ​യു​ണ്ടാ​യി​രു​ന്നു​ള്ളൂ. ക​ൺ​മു​ന്നി​ൽ​വെ​ച്ച് അ​വ​ൾ താ​ഴ്ന്നു- 32 വ​ർ​ഷം മു​മ്പ​ത്തെ തോ​ണി​യ​പ​ക​ട​ത്തെ​ക്കു​റി​ച്ച് ബ​സ് ക​ണ്ട​ക്ട​റാ​യി​രു​ന്ന ചെ​റു​കു​ളം സ്വ​ദേ​ശി അ​ണ്ടി​യി​ൽ രാ​ജീ​വ​ൻ ഓ​ർ​ക്കു​ന്ന​ത് ഉ​ൾ​ക്കി​ടി​ല​ത്തോ​യൊ​ണ്. 32 വ​ർ​ഷ​ത്തി​നു​ശേ​ഷം സം​ഭ​വ​ത്തെ​ക്കു​റി​ച്ച് ഓ​ർ​ക്കു​മ്പോ​ഴൂം 52 കാ​ര​നാ​യ രാ​ജീ​വ​ന് ന​ടു​ക്കം മാ​റു​ന്നി​ല്ല.

ചെ​റു​കു​ളം പൂ​നൂ​ർ പു​ഴ​യി​ൽ തോ​ണി മ​റി​ഞ്ഞ് എ​ര​ഞ്ഞി​ക്ക​ൽ പി.​വി.​എ​സ് ഹൈ​സ്കൂ​ളി​ലെ നാ​ലു വി​ദ്യാ​ർ​ഥി​ക​ൾ മ​രി​ച്ചി​ട്ട് ഞാ​യ​റാ​ഴ്ച 32 വ​ർ​ഷം തി​ക​യു​ക​യാ​ണ്. ക​ക്കോ​ടി പ​ഞ്ചാ​യ​ത്തി​ലെ ഒ​റ്റ​ത്തെ​ങ്ങ്, ചെ​റു​കു​ളം സ്വ​ദേ​ശി​ക​ളാ​യ വി​ദ്യാ​ർ​ഥി​ക​ളാ​ണ് ക​ർ​ക്ക​ട​ക​പ്പെ​യ്ത്തി​ന്റെ കു​ത്തൊ​ഴു​ക്കി​ൽ പൂ​നൂ​ർ പു​​ഴ​യി​ലെ ചെ​റു​കു​ളം ക​ട​വി​ൽ മു​ങ്ങി​ത്താ​ണ​ത്. വി​ദ്യാ​ർ​ഥി​നി​ക​ളാ​യ ഷീ​ല, റു​ബീ​ന, സ​വി​ത, സ​ജി​ത എ​ന്നി​വ​ർ​ക്കാ​ണ് ജീ​വ​ൻ ന​ഷ്മാ​യ​ത്. താ​ൽ​ക്കാ​ലി​ക പാ​ല​ത്തി​ന്റെ കൈ​വ​രി​യി​ൽ പി​ടി​ച്ചാ​ണ് പ​ല​കു​ട്ടി​ക​ളും ര​ക്ഷ​പ്പെ​ട്ട​ത്. ഇ​രു​പ​ത്ത​ഞ്ചോ​ളം കു​ട്ടി​ക​ളും മൂ​ന്നു മു​തി​ർ​ന്ന​വ​രു​മാ​ണ് തോ​ണി​യി​ലു​ണ്ടാ​യി​രു​ന്ന​തെന്ന് ഇ​പ്പോ​ൾ സ്വ​കാ​ര്യ ക​മ്പ​നി​യി​ൽ ക​ല​ക്ഷ​ൻ ഏ​ജ​ന്റാ​യ രാ​ജീ​വ​ൻ പ​റ​യു​ന്നു.