ഹംന ഫാത്വിമ
ഊരള്ളൂർ: വെറുപ്പിൻെറ ഇരുട്ട് പരക്കുന്ന പുതിയ കാലത്ത് സ്നേഹത്തിൻെറയും സമാധാനത്തിൻെറയും സന്ദേശങ്ങൾ അറബി കാലിഗ്രാഫിയിലുടെ കോറിയിട്ട് നാടിന് വിസ്മയമായി ഹംന ഫാത്വിമ . ഊട്ടേരി മഹല്ലിലെ ചെറുവത്തോട്ട് വീട്ടിൽ സഈദ് - മുനീറ ദമ്പതികളുടെ ഈ കൊച്ചു മിടുക്കി ലോക് ഡൗൺ കാലത്തെ ഓൺലൈൻ പഠനത്തിനിടയിൽ ,കാലിഗ്രാഫിയിൽ കൗതുകം തോന്നിയാണ് ഈ കലയിൽ ആകൃഷ്ടയായത്.
കോഴിക്കോട് അൽ ഹറമൈൻ ഇംഗ്ലീഷ് സ്കൂളിൽ ഒമ്പതാം ക്ലാസ്സിൽ പഠിക്കുന്ന ഈ കൊച്ചു മിടുക്കി പഠനത്തിലും ഒന്നാം സ്ഥാനത്താണ്. നേരത്തെ കുടുംബത്തോടൊപ്പം ദുബൈയിലായിരുന്നു പഠനം. രണ്ടു വർഷം മുമ്പാണ് കുടുംബം നാട്ടിലേക്ക് താമസം മാറ്റിയത്. യു ട്യൂബിലൂടെയാണ് ഹംന കാലിഗ്രാഫിയിൽ പരിശീലനം നേടിയത്. സ്കുളിൽ നടന്ന മത്സരങ്ങളിൽ സമ്മാനാർഹയായിട്ടുണ്ടെന്ന് മാതാവ് മുനീറ പറഞ്ഞു. ഈ കലയിൽ താത്പര്യം കണ്ട ഹംനക്ക് ഏറെ പ്രോത്സാഹനം നൽകിയത് മാതാവ് മുനീറയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.