ചെ​റി​യ കു​മ്പ​ള​ത്ത്​ മൂ​ന്നു​പേ​രെ പേ​പ്പ​ട്ടി ക​ടി​ച്ചു

കു​റ്റ്യാ​ടി: ചെ​റി​യ​കു​മ്പ​ളം കൈ​തേ​രി മു​ക്കി​ൽ മൂ​ന്ന്​ സ്ത്രീ​ക​ളെ പേ​പ്പ​ട്ടി ക​ടി​ച്ചു. ഞാ​യാ​റാ​ഴ്ച വൈ​കീ​ട്ടാ​ണ്​ മ​ന്ന​ല​ക്ക​ണ്ടി മോ​ളി (50), പ​ര​വ​ന്റെ കോ​വു​മ്മ​ൽ ശോ​ഭ (50), ക​ണ്ണോ​ത്ത്​ പ​ത്മി​നി (54)എ​ന്നി​വ​രെ നാ​യ്​ ക​ടി​ച്ച​ത്. ​

മോ​ളി​ക്കാ​ണ്​​ ആ​ദ്യം ക​ടി​യേ​റ്റ​ത്. പു​ഴ​ത്തീ​ര​ത്ത്​ പ​ശു​വി​നെ അ​ഴി​ക്കാ​ൻ പോ​യ​താ​യി​രു​ന്നു. പി​ന്നീ​ട്​ പ​ത്മി​നി​ക്കും തൊ​ഴി​ലു​റ​പ്പ്​ ജോ​ലി ക​ഴി​ഞ്ഞു വ​രു​ക​യാ​യി​രു​ന്ന ശോ​ഭ​ക്കും ക​ടി​യേ​റ്റു. അ​തി​നു മു​മ്പ്​ എ​ടോ​ങ്ക​ണ്ടി ലി​നീ​ഷി​ന്റെ വീ​ട്ടി​ലെ താ​റാ​വ്, കൂ​ട്ടി​ലു​ണ്ടാ​യി​രു​ന്ന നാ​യ്​ എ​ന്നി​വ​യെ ക​ടി​ച്ചു പ​രി​ക്കേ​ൽ​പി​ച്ചു. അ​വി​ടെ നി​ന്ന്​ എ​റി​ഞ്ഞോ​ടി​ച്ച്​ നാ​യ്ക്ക്​ കാ​ലി​ന് ​പ​രി​ക്കേ​റ്റി​രു​ന്നു. പി​ന്നീ​ടാ​ണ്​​ ആ​ളു​ക​ളെ ക​ടി​ക്കു​ന്ന​ത്. മൂ​വ​രെ​യും കു​റ്റ്യാ​ടി ഗ​വ. ആ​ശു​പ​ത്രി​യി​ലെ​ത്തി​ച്ച്​ പ്രാ​ഥ​മി​ക ചി​കി​ത്സ ന​ൽ​കി. പേ​വി​ഷ​ബാ​ധ​ക്കു​ള്ള കു​ത്തി​വെ​പ്പി​ന്​ മ​രു​ന്നി​ല്ലാ​ത്ത​തി​നാ​ൽ മൂ​വ​രെ​യും വ​ട​ക​ര ഗ​വ. ആ​ശു​പ​ത്രി​യി​ലേ​ക്ക്​ മാ​റ്റി.