സൈനു തങ്ങൾ, നൗഫൽ
നാദാപുരം: ടൗണിൽ കഞ്ചാവ് വിൽപന നടത്തുകയായിരുന്നയാളെ പിടികൂടി. കക്കം വെള്ളി സ്വദേശിയായ സെയ്തു മൻസിലിൽ സൈനു തങ്ങളെ(62)യാണ് നാദാപുരം പൊലീസ് ഇൻസ്പെക്ടർ ആർ.എൻ. പ്രശാന്ത്, എ.കെ. സജീഷ് , സി.പി.ഒ മാരായ ലതീഷ്, സന്തോഷ് മലയിൽ എന്നിവർ ചേർന്നു പിടികൂടിയത്.
കോവിഡ് നിയന്ത്രണത്തിനിടയിലുള്ള പരിശോധനക്കിടെയാണ് വിതരണത്തിനായി സൂക്ഷിച്ച കഞ്ചാവുമായി പിടിയിലായത്.
വടകര : ബൈക്കിൽ കടത്തുകയായിരുന്ന കഞ്ചാവുമായി ഒരാൾ പിടിയിൽ. ഊരാളുങ്കൽ കളരിക്കണ്ടിയിൽ നൗഫൽ (48)നെയാണ് എക്സൈസ് അറസ്റ്റ് ചെയ്തത്. 1.70 കിലോ കഞ്ചാവ് ഇയാളിൽനിന്നും കണ്ടെടുത്തു. പഴയ ദേശീയപാതയിൽ ഊരാളുങ്കൽ ദേശീയപാതയിൽ വെച്ചാണ് പിടിയിലായത്.
KL- 18 .X. 6311 ബൈക്കിൽ കടത്തിക്കൊണ്ടുവരുകയായിരുന്നു. അസി. എക്സൈസ് ഇൻസ്പെക്ടർ വി. വിപിൻകുമാറിന്റെ നേതൃത്വത്തിൽ നടന്ന പരിശോധനയിലാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.